Thursday, April 26, 2007

قصة نصب

قاعد في أمان الله قدام التلفزيون
رن الموبايل .. رسالة
أفتح الرسالة ألاقيها
تم تحويل رصيد 40 جنيه من رقم كذا
وأخيرا إستجابة السماء
ياما إنته كريم يارب
وجاء الفرج من عندك يارب
وهممت بالسجود لله شكرا
........
ولقيت الموبايل بيرن
أيوه
السلام عليكم
وعليكم السلام يا فندم
أنا أسف يا خويا معلشي
أنا غلطت في الرقم اللي بحول ليه
طيب عادي و لا يهمك ححولك الرصيد حالا
.......
أمسك الموبايل بكل شهامة و أبدأ أحول
ألاقي الولية بتاعت فودافون بتقولي
رصيدك لا يسمح
الله إزاي
أستعلم عن الرصيد ألاقيه ولا زاد نكلة
أقعد أفكر بتاع ربع ساعة
أصل تفكيري علي أدي
أاااااااااااااه
يا إبن العفريتة
هاهاهاهاهاها
.........
صدمة الفرح
بمجرد وصول الرسالة لسيادتك وفتحها
ستصاب بصدمة الفرح لتحويل الرصيد
ولن تحاول الربط بين الرقم المرسله منه الرسالة
و الرقم الذي يدعي أنه تم التحويل منه
وهما رقم واحد!!!هههههه
..........
صراع نفسي .. خير وشر
ستقع في صراع نفسي بين الطيبة و إستغلال الفرصة
وستجد داخلك صوتا يردد أنها هدية للسماء
وصوتا يعارض ويرقق قلبك علي الأخ النصاب
وأنه ربما يكن في أشد إحتياج للرصيد
وسيقطع الصراع بداخلك رنين هاتفك وتجده يحدثك
..........
الشهامة و الرجولة و الجدعنة
ستتملكك الرجولة و الشهامة
و ستعتذر للرجل وتعده بتحويل الرصيد له
فهو رجل طيب وذو صوت هاديء و عميق
يا سلاااااااااام
......
شربت المقلب وكل مقلب و إنته طيب
....
أعتذر بشدة لغيابي عن التعليق
علي مدونات أصدقائي الأعزاء
رغم تواصلي الدائم مع كل جديد لديهم
لظروف السفر

42 comments:

  1. UnknownApril 26, 2007 at 12:01 PM

    عارف ؟

    أنا كُنت عاملة برنامج مقالب للتلفزيون المصري في رمضان من كام سنة

    لو كُنت بس قولتلي على المقلب ده بدري شوية ؟

    معلهش يا دكتور

    ReplyDelete
  2. محمد عبد الغفارApril 26, 2007 at 12:04 PM

    لن اتعرض للصراع فقرار رد المبلغ سيكون اسرع من اتصاله بى

    لن الاحظ موضوع الأرقام ده فى البدايه وقد تنطلى على اللعبة

    ولكن عندن محاولتى للرد المبلغ اعتقد انى سأكتشف حيث انى ولا بد سأتعرض للرقم مره ثانيه

    يا ولاد الجنيه

    ReplyDelete
  3. ReemaApril 26, 2007 at 12:17 PM

    ايوه انا سمعت عن المقالب دي

    احنا كمصريين بناخدها حكاية جدعنة وشهامة وامانة
    :))

    المشكلة انك بقى تحوله الرصيد
    وبعدها تكتشف اللعبة دي
    المهم انا اول مرة سمعت عنهم قلت يمكن واحد كده وخلاص اظاهر هما كتير بقى
    ههههههههههههههههههههه
    يلا تعيش وتاخد غيرها

    ReplyDelete
  4. Dr.khaledApril 26, 2007 at 2:40 PM

    ههههه
    الحمد لله انك لحقت نفسك في الاخر
    قبل ما تحول الرصدي
    بس يا خويا لي سؤال
    يا ترى انت سجدت لله شكرا ..بعد ما عرفت ان ربنا الهمك ان الموضوع اشتغالة؟؟
    الحمد لله على كل حال
    بس حركة حلوة... اجربها مع زمايلي...بس هبقى اديهم الفلوس
    انش اء الله :)
    متبقاش تطول الغياب...يا جميل

    ReplyDelete
  5. AmanyApril 26, 2007 at 4:04 PM

    على العموم ربنا ستر

    لكن انا بقول طالما انت شهم للدرجتى نزلنا نمرتك علشان اللى يحتاج رصيد يقول ببساطة ومن غير مقالب

    ReplyDelete
  6. AnonymousApril 26, 2007 at 5:14 PM

    ههههههههههه
    انا بقا وصلنى كتير وبالهبل من الرسايل دى وفعلا الرصيد بيزيد وبطريقة مجنونة خللت اخويا لاصغير يشد شعره منى ويحسدنى على أنى مبخنتة ورزقى فى رجلى

    واختك استغلالية لأقصى درجة تتخيلها
    لأن اصلا محدش اتصل وقاللى انه وصلنى غلط
    اللى بيبعت بيسكت وامره لله

    وأنا أقعد مستغربة من شهامة البنى آدميين الايام دى
    ويطلع الموضوع كله غلطة فى رقم او رقمين من المرسل اليهم اصلااا
    ويقعوا من نصيبى أنا

    اسكت
    اختك غلبااانة ونيتها صافية

    نيااهااهاااا

    ReplyDelete
  7. AnonymousApril 26, 2007 at 8:39 PM

    ههههههه
    ربنا يجعل بيت المحسنين عمار

    ReplyDelete
  8. مجهولApril 27, 2007 at 5:29 AM

    أميرة عزيزتي
    تلفزيون وراديو وحاجات كده
    الله يسهلك يا ستي
    ماشيه حلاوه المقالب و بتوكل عيش
    هههههههه

    ReplyDelete
  9. مجهولApril 27, 2007 at 5:31 AM

    محمد باشا عبد الغفار
    والله انته راجل طيب
    انا عمري محعمل زيك
    علي الاقل حدخل في صراع نفسي بين استغلال الفرصه و بين الحق
    بس يمكن بنسبه اكبر ارجع للحق
    ربنا يهدينا كلنا يارب دايما للحق والصح
    بس بجد فكره جديده ودماغ النصاب ده تتلف في حرير زي ايد النشال كده
    هههههههههههه
    تحياتي

    ReplyDelete
  10. مجهولApril 27, 2007 at 5:32 AM

    ريما
    لاااااااااااااااااااا
    دول كتير
    احنا يا بنتي شعب دمه خفيف و بيعبي الهوا في أزايز و بيبيعها
    ههههههههههههه
    مبتكرين دايما

    ReplyDelete
  11. مجهولApril 27, 2007 at 5:34 AM

    اخي العزيز خالد
    اكيد بحمد ربنا في كل وقت
    حتي لو حولت رصيد يعني و فيها ايه
    المهم الصحه ياراجل
    ههههههههه
    جربها مع زمايلك و ياريت تعرفني النتيجه
    وشوف كام واحد حيشرب المقلب

    ReplyDelete
  12. مجهولApril 27, 2007 at 5:35 AM

    اماني
    انتي بس تؤمري
    رقمي وصاحب الرقم ومحفظه صاحب الرقم تحت امر جنابك
    هو الكلام بفلوس
    ده بلاش
    وابقي قابليني لو طلتي مني شلن
    ده الضنا غالي قصدي القرش غالي
    وعضي قلبي و لا تعض رصيدي
    تحياتي

    ReplyDelete
  13. مجهولApril 27, 2007 at 5:38 AM

    المبخته شهرو
    بقا انتي حظك عالي
    اتاريك شغاله رغي في التليفون ببلاش
    صحيح
    الدنيا دي حظوظ
    ناس تشحت رصيد و ناس يجيلها لغايه عندها
    حكم
    حكمتك يا رب
    ارزااااااااااااااااااااااق
    قال نيه صافيه قال
    طيب ما انا نيتي صافيه مش بلاقي رصيد ليه
    وغلبان غلب الدنيا و الاخره ولاقي حد بيعبرني بشلن
    ارزاااااااااااااااااق
    نياهااااااااااااااااهااااااااااااااااااااااااااا
    انتي تستاهلي كل خير

    ReplyDelete
  14. مجهولApril 27, 2007 at 5:39 AM

    نبيذ
    غبتي عليا قوي من فتره مش بلاقي تعليقاتك القصيره الجميله
    امين يارب
    وملاقيش معاكي بريزه سلف
    او55 جنيه رصيد
    ويجعل بيتك عمار قادر يا كريم
    يا نبيذ يا بنت ام نبيذ
    هههههههههههههه

    ReplyDelete
  15. أميرة البلطجيةApril 27, 2007 at 4:34 PM

    المقلب ده بظظببببببببببببط لسه حاصل لواحد صاحب مشمش (وزير الدفاع والداخلية وما شابه) وكان كاتب عنه في بوست مرة..انا عايزة ان النصب وصل لاكتر من كده ..مرة قريبتي كانت بتأجر شقق وواحد اتصل بيها واعد يقولها عن ناس اغنياء جدا عايزين يأجرو شقة..وبعدين خد العنوان وقال انا جاي حالا..[س معلش انا اسف انا مش معايا رصيد ممكن تيجيبلي كارت وتقوللى الرقم وححاسبك اما اجى..وبمنتهي ال..........راحت اشترت الكارت وقالتله الرقم وطبعا مشفتش وشه
    بلاوى والله

    ReplyDelete
  16. محض روحApril 27, 2007 at 4:59 PM

    مش عارفه اقولك ايه
    الي يعيش ياما يشوف
    المشكله انهم عارفين ان الشعب طيب
    وبينضحك عليه بسرعه اوي
    وإلا مكنوش عملو كده

    ربنا يتولنا برحمته

    تحياتي يا فندم
    افندم
    بلاش
    :)

    ReplyDelete
  17. saraApril 27, 2007 at 5:43 PM

    هههههههههههههههههههههههههههه

    جامد جدا
    بجد ذكي جدا السخص اللي عمل فيك المقلب دا

    وتعيش وتاخد غيرها

    تحياتي

    ReplyDelete
  18. david santosApril 27, 2007 at 10:23 PM

    Thanks for you work and have a good weekend

    ReplyDelete
  19. ام العيالApril 28, 2007 at 12:23 AM

    بجد؟؟؟؟؟؟؟؟؟؟؟
    هيه وصلت بالعالم للدرجه دي
    :(
    بابا مره بدل ما يحولي رصيد حوله غلط
    و لما كلمنا فادافون يحلي المشكله اصلو مش من الادب اكلم حد ما اعرفوش
    الست بتاعت فودافون بتكلمي زبي الكمبيوتر و كانهم ما عندهمش احساس
    و انا بحكيلها و هيه بتقولي مش مشكلتنا و تضحك
    قعدت ازعق و هي بتقولي شرفتينا
    خايفه علشان المكالمه متراقبه
    يالله حاجه تجنن

    معلش
    ما يقع الا الشطار

    ReplyDelete
  20. ReemoApril 28, 2007 at 2:51 AM

    المشكله لو كان معاك رصيد يغطى المحول اليك
    وتحوله بالغلط كنوع من الشهامه
    اعتقد ساعتها المقلب هيقلب بغم
    كل مقلب وانت طيب
    تحياتى

    ReplyDelete
  21. UnknownApril 28, 2007 at 4:46 AM

    للاسف انا اتعرضت للموقف ده مع اصحابي
    كتبت عنه
    http://mishsyasa.blogspot.com/2007/03/blog-post_3159.html

    ReplyDelete
  22. koukawyApril 28, 2007 at 5:31 PM

    اه حقيقي وحشني كومنتاتك بس ياللا خلص اللي وراك بسرعه و ارجع بقي
    بالنصبه للموضوع ؛ الانسان لا يكل و لا يمل في ابتكار احدش و اجدد الطرق للمشي الغير سليم او الحرام
    طب انت نصيبك طلع ان معكش رصيدتخيل لو كان معاك رصيد كان هيتنصب عليك رسمي

    ReplyDelete
  23. bastokka طهقانةApril 28, 2007 at 9:40 PM

    يا نهار ابيض
    طيب انت لازم تنشر الموقف ده في كل المجموعات البريدية المصرية علشان الناس متتغشش
    انت اللي خدمك ان رصيدك كان منخفض اصلا لكن لو عندك رصيدك كان عالي مكنتش خدت بالك

    يا ساتر الناس دي ازاي بتقبل على نفسها الحرام و لا بيعتبروها حداقة

    اعوذ بالله

    ReplyDelete
  24. gohaynaApril 28, 2007 at 10:02 PM

    يالهوي

    هو النصب كمان عنيني عينك كدا

    وصل للرصيد

    الواحد بعد كدا يحط قفل علي التلفون

    ليقوم من النوم يلاقي الشبكه مسحوبه



    والله هم يضحك وهم يبكي

    هنوصل لغايه فين في النصب

    خلاص الحيل كلها عملناها

    ربنا يعنا والله
    تحياتي وربنا معاك في سفرك

    ReplyDelete
  25. مجهولApril 29, 2007 at 4:44 AM

    اميره البلطجيه
    ههههههههههههه
    بجد فكره جديده مووووت
    من هنا ورايح حأجر شقق

    ReplyDelete
  26. مجهولApril 29, 2007 at 4:45 AM

    محض روح
    كويس بلاش يا افندم دي
    محسساني انك بتكلمي لوا شرطه
    ههههههههه
    والله احنا شعب مبتكر
    بيعرف ازاي يتفنن ويعيش مبسوط
    ويقلب عيشه
    ههههههههههههه

    ReplyDelete
  27. مجهولApril 29, 2007 at 4:46 AM

    نوني
    اهلا بيكي في مدونتي
    ومتقوليش تعيش وتاخد غيرها
    لااااااااااااااااااااا
    انا منضحكش عليا لسه
    هههههههههه

    ReplyDelete
  28. مجهولApril 29, 2007 at 4:46 AM

    عم ديفيد سانتوس
    والله انته مانته فاهم حاجه
    عموما
    ثانك يو

    ReplyDelete
  29. مجهولApril 29, 2007 at 4:48 AM

    ام العيال
    يا بنتي والله انا ماوقعت في المقلب متخافوش
    ثم النصب ده فن
    زي السيما كده
    علي فكره تعليق حبيب ديفيد سانتوس فوقك اهوه
    ههههههههههههههههههه

    ReplyDelete
  30. مجهولApril 29, 2007 at 4:48 AM

    ريمو
    فعلا حتبقا غم

    ReplyDelete
  31. مجهولApril 29, 2007 at 4:50 AM

    مشمش
    اشكرك لزيارتك
    وقريت البوست
    وربنا يستر النصب بقا في كل حته

    ReplyDelete
  32. مجهولApril 29, 2007 at 4:51 AM

    كوكي
    والله انتي ليكي وحشه كبيره اوي
    لو معايا رصيد
    مش عايز اتخيل عشان اعرف انام
    هههههههههههههههههه

    ReplyDelete
  33. مجهولApril 29, 2007 at 4:52 AM

    الطهقانه هانم
    يا نهار فل
    النصب وصل كل حته
    وشكل معاكي رصيد كبير
    ههههههههههه
    الله يبارك يا ستي
    بلاش أر

    ReplyDelete
  34. مجهولApril 29, 2007 at 4:54 AM

    جهينه
    هههههههههههههههههههههههههه
    قفل علي الموبايل
    يا خرابي
    ههههههههههههههههههه
    افرضي الموفتاح ضاع حتفتحي الموبايل ازاي ولا حتجيبي نجار
    يفش الباب

    ReplyDelete
  35. عصفور المدينةApril 29, 2007 at 7:29 AM

    حصلت معانا بس حظها وحش في خط بزنس
    قلت لها حظك وحش الخط ده مش بيتحول له رصيد
    قالت لي ازاي دي الآنسة لسة محولة رصيد من عندي قلت لها والرسالة جت من عندك ليه مش من فودافون تقفلي ولا تحبي اتصل بفودافون قفلت جري
    أصل محسوبك ابن بلد بس دقرم

    ReplyDelete
  36. مجهولApril 29, 2007 at 5:45 PM

    عصفور المدينه
    ماشي يا دقرم
    ههههههههه
    انا بقا خطي يا سيدي مش بيزنس
    واللهم لا حسد
    ههههههههههههههه
    كرت وحياتك
    بس اول مره اسمع ان فيه كمان بنات نصابيين
    الواحد يخلي باله بقا

    ReplyDelete
  37. حواءApril 29, 2007 at 9:02 PM

    كل مقلب وانت طيب يا راجل يا طيب .. مع الاعتذار لصباح ..

    ReplyDelete
  38. خمسة فضفضةApril 30, 2007 at 2:33 AM

    السلام عليكم ورحمة الله وبركاته




    بس كويس ان رصيدك ما كانش فوق ال 40 جنيه والا كان زمانك محولهم له بكل طيابه
    ههههههههههه

    معلش تعيش وتاخد غيرها ....ههههه

    ReplyDelete
  39. مجهولApril 30, 2007 at 4:34 AM

    بوسي
    لا مش أنا اللي أبكي
    لا مش أنا اللي ينضحك عليا
    مع الاعتذار لعبد الوهاب
    .........
    ههههههههه
    تحياتي

    ReplyDelete
  40. مجهولApril 30, 2007 at 4:35 AM

    دكتوره فضفضه
    وعليك السلام ورحمه الله وبركاته
    اعيش انشاء الله
    بس خلاص
    الواحد بيتعلم
    ده مش حأامن لاخويا علي الرصيد بعد كده
    عض قلبي
    ولا تعض رصيدي
    ههههههه
    تحياتي وسعيد بزيارتك

    ReplyDelete
  41. EsmeraldaMay 1, 2007 at 4:20 AM

    لو حصل ده معايا و لا كنت حاخد بالى و كنت حعمل اللى بيقول عليه زى الجردل
    لأنى حتى الان مش فاهمه موضوع تحويل الرصيد

    اهو كلام و السلام

    ReplyDelete
  42. اسكندراني اويJune 21, 2007 at 2:40 PM

    تصدق انا اول مره اسمع عن الموضوع دا بالذات حتى دي كمان
    اي شيطان يوحي لهؤلاء بذلك فعل ............ حلوه دي

    ReplyDelete