Wednesday, February 21, 2007

و... كان لابد ان ادون


أبدأ منين .... أبدأ منين
بقول أبدأ من النهاية إني خلاص عملت مدونة أخيرا
طب عملتها ليه؟؟؟؟؟؟؟
سؤال صعب الإجابة السهلة جدا علشان أبقا حر
أكتب اللي أنا عايزه
أعبر
أنقد..أتكلم
أصرخ .. أرتاح
أهوه يمكن أكون بنور شمعة في الظلام
بس برضه ممكن تكون نقطة سودا علي صفحة بيضا
محدش عارف
بس خلاص .. نتكلم بقا شوية عن البداية
صراحة كنت معجب جدا بفكرة التدوين و كتابة الخواطر
أعجبت جدا بمدونات ناس كتير طبعا لا أعرف عناوينهم كلهم
بنت مصرية - الوعي المصري - هريدي -الغزالي- ذو النون المصري - محمد عبدالغفار - مع نفسي لغاده - كينج توت
مبرمج حر-حسني سليمان-توتا-شارم.نااااااااااس كتير مدونااااااااات كتير
يمكن أكون بختلف مع أرائهم في نقاط كثيرة بس إحترام لون الأخر..... صفه فقدناها .....
من حقنا نعترض علي أي رأي
بس مش حقي أحتقره ليس لسبب إلا أنه عكس رأيي
وده اللي بيسموه رفض الأخر علشان كده
و... كان لابد أن أدون
مش بحاول أصلح مجتمعي
بحاول أصلح نفسي الأول
علي طريقه إبدأ بنفسك
من مجهول
إقتبست العنوان من مدونة رائعة لغادة وكان لابد أن ارسم ...........................................

6 comments:

** عـــــــــــادل ** said...

صحيح شمعه ممكن تساعد في تبديد الظلام حتي لو شمعه مبروك المدونه بس حاول تكسب من وراها حسنات تعرف انا خايف اكتب خايف اكون بساعد في نشر حاجه سيئه علي الصفحات دي ربنا يستر

.:.-=- ELGaZaLy-=-.:. said...

اتكلم وعبر عن نفسك...


مش مهم قول الى جواك طلعة اصرخ اتكلم...

من مجهول said...

اشكركم جدا علي مروركم يا جماعه
وليه تخاف يا عادل من اللي بتكتبه
لو مقتنع بيه اكتبه انشره
ممكن يبقا صح وتكسب احترام الاخرين
ممكن يبقا غلط وتصلح نفسك وتغير اقتناعك للصح
وساعتها حتكسب احترام الاخرين و احترام نفسك اهم
شكرا يا غزالي علي كلماتك
والي الامام يا روميل
قصدي يا غزالي
من مجهول

من مجهول said...

اشكركم جدا علي مروركم يا جماعه
وليه تخاف يا عادل من اللي بتكتبه
لو مقتنع بيه اكتبه انشره
ممكن يبقا صح وتكسب احترام الاخرين
ممكن يبقا غلط وتصلح نفسك وتغير اقتناعك للصح
وساعتها حتكسب احترام الاخرين و احترام نفسك اهم
شكرا يا غزالي علي كلماتك
والي الامام يا روميل
قصدي يا غزالي
من مجهول

chaos said...

انا مش قديم قوي في التدوين بس بقولك
خُش ولا يهمك
يكفيك شرف المحاوله

arab girlscool said...

This is such a nice addition thanks!!!
شات صوتي شات صوتي
عرب كول
شات صوتي مغربي
دردشه صوتيه
انحراف كام
منتديات منتديات عرب كول