Thursday, March 01, 2007

السقف .. القطة .. وأنا

قتلني الملل
إنها الواحدة بعد منتصف الليل ولم أفز اليوم بأي مباراة
علا صوتي .. ألعن منتخب فرنسا و البلاي ستيشن
دي فرصة تضيعها يا زيدان ياراجل حرام عليك
ده إنته كنت حر ياراجل
هوه يعني الواد صاحبي ده مولود في بلاي ستيشن
أحسست بالضعف و الكبت
وكعادتي حتي أهرب من الإحساس بالهزيمةالمنكرة
.................
بلاي ستيشن إيه دي لعبة للعيال الصغيرين
وأديني بخليك تفوز علشان تفرح

أمسكت بالريموت لأغير القناة
وأغير معها رداء الهزيمة والموضوع نفسه
ميلودي تتحدي الملل يالملل
العربية.. دريم .. الجزيرة إثبت
............................
موضوع طرح للمناقشة بين مفكرين وكتاب
حول حرية التعبير والرأي بين مؤيد و متحفظ
....................
جات من عندك يارب ..أهو نغير الكلام
.................
إنتهي البرنامج . بكل ما فيه من أفكار و رؤي
ولكن طرحت فكرة في داخلي للمناقشة
.................
أنا مروح بقا عايز حاجة .. أشوفك بكرة
............................................
في طريق العودة وحيدا
عاد الصوت يرن في أذني يذكرني بالفكرة
راح يلعب برأسي يمينا و يسارا كالأرجوحة
....................................
مجهول ..أسئلةعندي تحتاج جواب منك
ما الحرية ؟
هل هناك سقف للحرية ؟

أليس من حقك أن تتكلم في كل شئ مادمت حر؟
أليست الحرية عقيدة ؟
ألا يستحق كل صاحب مبدأ الإحترام؟
أليس من المفروض أن نحترم لون الأخر؟
هل ستغير رأيك وتؤمن بسقف الحرية وقيودها؟
...........................................
لم ادري بنفسي إلا وأنا أمام الشقة
أفتح الباب .. أضيئ الأنوار
أحاول جاهدا أن أتخلص من غبار الأراء
تترد في رأسي بصوت رنان
سقف .. عقيدة .. حرية
مش فاهم حاجه
وانا مالي بس الناس اللي في البرنامج قالوا كل حاجه

وضعت رأسي لأنام أصارع التفكير الفلسفي
فغدا يوم شاق متجاهلا الحرية و السقف
يعلو الصوت و يعلو
هل تترابط الكلمات ؟
سقف .. عقيدة .. حرية
..........................................
لا ... كده مفيش غدا
لا ... كده مفيش يوم شاق
ااااااااااااه
أنا مالي بس ومال مناقشات زي دي
مش كنت أتفرج علي ميلودي
منك لله ياللي في بالي
اه .. وجدتها.. الإجابه بسيطه

ظللت أردد محاولا إقناع نفسي بالحل
أنت حر مالم تضر
أنت حر مالم تضر .. بسيطة
نعم الحريه لها سقف
فيه خطوط حمرا لا يمكن تجاوزها
الدين .. العادات .. التقاليد

فتجاوزها يعتبر إهانة للأخرين من متبعيها

وان تتكلم بكل صدق لا لأسباب شخصية ودوافع إنتقامية
ياسلام عليا .. يا سلام يا مجهول يانجم

........................................
هل مقتنع بما تقول مجهول ولا كلام حفظته وخلاص
كلام إنشا يعني

هكذا نطق الصوت الرنان الذي أشعل الجدال بالبداية
.....................................
صرت لا أدري ماذا أفعل ؟
تركت الفراش لربما تتركني تلك الأفكارالغريبة
.........................................
وجدتها .. تاني
أشغل نفسي بأي حاجة و ماأكثره اللي يشغلني
ضغطة علي زر في الكاسيت المجاور
و إستمتع بكوكب الشرق تشدو
أكيد الشريط لسه فيه من إنبارح
.................
أعطني حريتي أطلق يديا
إنني أعطيت ما أستبقيت شيئا
اه .. من قيدك أدمي ... بس إخرسي
...........
ااااااااااااه
كده بقا شكل الليلة عليا أنا
أنا أقوم أكل أحسن
مفيش حل غير إني أشغل المخ نفسه

...........

ياتري التلاجه فيهاإيه النهارده؟
ياسلام هيا دي الاسئلة
أممممممممممم

............................................
تركت لنفسي حرية الإختيار
أخرجت الطعام وأنا سعيد فالأفكار عن الحرية
إنصهرت أمام الطعام

وفجأة
..............
حكمتك يارب سله الزباله بتتحرك
هوه البيت سكنه عفاريت و لا إيه؟

ذهبت بنفسي مصحوبا بما تبقا من حطام الجرأة

من بعيد أحاول أن أفهم
................
اااااااااه يا بنت ال
اسف قصدي يا بنت القطه
..............
كانت قطة جاري عمرو
مؤكد.. دخلت خلفي عند عبوري من الباب

جرس الهاتف يرن
تركت المطبخ مسرعا لأرد علي الهاتف
وحين عدت كانت المفاجأة
كانت قطه عمرو خلصت علي الاكل كله
منك لله
قلتها و الدموع في عيني ولا أنتظر إجابة
تنتهكي حرمة بيتي
تنتهكي كل عزيز لدي
أكلي تاكليه.. حرام عليكي
وتعامليني بلا أدني ذوق
أنتي تستاهلي ضرب الجزمه

أجابت
أنا حرة.. ومعنديش سقف
.................
أرأيت .. الحمد لله أنك إنسان و لست ...... قطة
هكذا نطق صوت أخر كان صامتا طوال الجدال

فحريتك لها سقف .. سقفها أدميتك وخلقك و إنسانيتك
عبر و أنقد وتكلم في كل شئ بحرية
لكن لا تتجاوز السقف
سقف إنسانيتك
فقط .. حافظ علي أنك ... إنسان
......................
الأن أحسست الراحة

نعم ... سأنام فغدا يوم شاق
وأعد الله انني سأظل دوما ... إنسان
...........
أولئك كالأنعام بل هم أضل، أولئك هم الغافلون
صدق الله ومن أصدق من الله قيلا

32 comments:

tota said...

العزيز مجهول
الحرية كما قلت لها حدود واهم شىء فى الحرية ان تدرك انك انسان من الانسانية وليس من الشكل الجسدى
حريتك تنتهى عندى على عتباتى مرتبطة كما قلت بحدود من جميع الاتجاهات بالدين والاعراف والتقاليد والقوانين الوضعية والشرعية والنواميس الالهية حتى تظنها مقيدة لكنها ليست مقيدة لكنها منظمة
حريتك تقف عندما لا تسىء الى نظرى والى سمعى فمن يظن انه حر فيرتدى ما يشاء او يقول ما يشاء مسيئا الى من حوله تحت مبدأ انا حر فليسكن الغابة ويستمتع بحريته اما من ارتضى ان يعيش فى مجتمع انسانى محكوم به فليتبع ما تم الاتفاق عليه
انا معك ان الكلمة مطاطة الى ابعد الحدود ومفهوم كل واحد لها يتوقف على رغبته فى تحقيق فكر معين
لكن فى النهاية الكلمة لها سقف
اعجبنى اسلوبك فى عرض الفكرة فلم امل من البوست وانسجمت مع الطريقة ليس هذا اطراء لكن من الناحية التقنية هى طريقة جاذبة تبعدك عن الملل وتحببك فى الفكرة
تحياتى

كراكيب عادل said...

كثيرا ما نتجادل مع انفسنا ومع غبار الاراء كما تسمية

ولكن في نهاية المطاف نهزم امام اشياء منطقية اخري

لكل شئ حدود فليس هناك حرية مطلقة واذا ذاد الشئ عن حده انقلب الي ضده


بس ايه الحلاوة دي سيبك انت الكبير كبير

الكلام يكاد ينطق يا مجهول ووصفك جميل انا حسيت بيك وانت داخل وبتنور النور تعرف فيه جدال بين النفس بيجنن

تعال اضحك عندي شوية يا راجل وسيبك

المنفي said...

سرد يبعث على الدفء
لا تلتفت الى ظلك

محض روح said...

فحريتك لها سقف .. سقفها أدميتك وخلقك و إنسانيتك
عبر و أنقد وتكلم في كل شئ بحرية
لكن لا تتجاوز السقف
سقف إنسانيتك
فقط .. حافظ علي أنك ... إنسان
فعلا لزم نحافظ عليها او ننقذ البقيه المتبقيه منها
بوست معبر اوى
ربنا يوفقك ياجميل

Anonymous said...

البوست حلو ومش ممل يمكن لانه احداث واقعيه ليومك بالنسبه بقى لموضوع سقف الحريه اللى المفروض نقف عنده مش عارفه ايه هى اصلا مفاهيم الحريه عند كل واحد فينا لو دققت شويه هتلاقينا كلنا مش متفقين على حاجه واحده كل واحد هيناقش المفهوم من وجهة نظره واولوياته هو وايه اللى يحجمه وايه اللى مش فارق معاه دى حاجه والحاجه التانيه ايه هو حدود سقف الحريه اللى احنا بنتكلم عليه يعنى ارتفاعه قد ايه بجد انا مش قصدى هزار فعلا مين يحدد ارتفاعه صدقنى دايما هتلاقى قيود مفروضه مهما حاولت تحطمها بس يمكن الحاجه الوحيده اللى مش هنقدر نختلف عليها او ناخدها معيار لينا فى كل حاجه ونشوف كل المفاهيم من الطاقه دى هى دينا واللى محددلنا حريتنا منين ولفين بس مرسى انك ناقشت الموضوع ده واتمنى فى يوم تغير مجهول ده والنبى ونوصل انه يبقى معلوم

ذو النون المصري said...

انا لا اعتقد بضرورة تقييد الحريه بل اظن اننا يجب ان نترك الحريه تتحرك في اوسع مجال ممكن لانها غالبا تاتي بالخير
و اذا خيرت بين تقييدها او اطلاق العنان بلا قيود لها لاطلقتها بلاقيود
الحريه هي اهم مقومات انسانية الانسان
الانسان حر

An Egyptian in UK said...

عزيزى مجهول اول زيارة لى و سعيد بها لمدونتك ...عجبنى اوى تصويرك لصراعك الفكرى عن مفهوم الحريه...فى الحقيقه انا من مؤيدى ارائك و لكن اضيف عليه حته وهى من اجل حماية انسانية الانسان لا بد ان يكون هناك قانون و عرف متفق عليه ...حتى يحميك من من ينتهك حريتك ايضا...فيكف لو اتى فرد وقال انا باكرهك و و عايز كل ما اشوفك اؤذيك و انا حر فى تصرفى ...هنا القانون لابد ان يدخل ليحمى حريتك
مع تحياتى

الوردة السودة said...

الحرية ان تختار ماتحب


وتفعل مايحبه الاخرون

هو ده القانون

مجهول said...

سيدتي العزيزه توتا
كم سعيد لأري تعليقك الموضوعي عن بوستي ده
اشكرك جدا لرفع روح اخوكي المعدنيه
لأن رأيك فعلا كان يهمني
أشكرك مره ثانيه عزيزتي
ولك تحياتي

مجهول said...

عدووول باشا
أشكرك علي كلامك الجميل جدا وانشاء الله تعليقي حيوصلك علي ديل المعزه
بس ايه يا عم انته خلاص حتقضيها روايات
وكمان رعب
فاكر نفسك ستيفن كينج
شكرا يا عزيزي علي تعليقك الجميل
الي لقاء عندك

مجهول said...

المنفي
تعليق بسيط جدا
لكن كأنك قلت ما اردت ان اقول
لا تلتفت لظلك
وارجع لطبيعتك الانسانيه
حكم انسانيتك
شكرا لك ياعزيزي علي تعليقك

مجهول said...

شكرا و الف شكر
محض روح
علي كلامك الجميل ده والتمس العزر انني غائب عن مدونتك من فتره
ظروف سفر بقا
لك تحياتي

مجهول said...

عشره عمر الجميله الرومانسيه
اشكرك قووي علي تعليقك الموضوعي
بس ببساطه هناك اختلاف صغير
الحريه لا تختلف من شخص لاخر من وجهه نظري
بين الاشخاص الطبيعين فالتحكيم بالانسانيه
في رأيي هو المقياس علي الحريه
ليس بالدين فقط
بل بالعادات و الاخلاق و التقاليد و الانسانيه
كلها صفات تنظم الحريه
لا تقيدها
لك تحياتي

مجهول said...

العم صاحب النون المصري
عزيزي الرائع دائما
اختلف معك و اختلاف لا يؤكد صحه كلامي او كلامك
الحريه احدي صفات الانسانيه بالطبع
لكن الانسانيه هي ما تحكمها
الانسانيه كلمه جامعه
بين الدين و الخلق و العادات
لابد يا عزيزي من شئ ينظم الحريه
لا ان نعطيها بلا قيود
فلو حدث فإن الحريه تتحول الي بهائميه حيوانيه
والامثله كثيره
ازرداء للاديان - تهكم و اهانه للاخرين بطريقه غير موضوعيه
هجوم علي العادات السيئه سيتحول الي حاله من الرفض للمجتمع
ومهاجمته بصوابه و خطأه
لابد من شئ ينظم
والا فأهلا بالفوضي
لك تحياتي يا استازي الرائع

حائر في دنيا الله said...

للحرية حدود, فبدون الحدود تصير فوضى

فحريتك تقف عند حريتي
وسقف حريتك ينتهي عن سقف حريتي أيضاً، والقوانين ليست قيود على الحريات بل تنظيم أكثر من قيود
كما إشارة المرور ليست مانع لك من المرور وإنما تحميك من السيارات المارة والمسرعة

مع تحياتي

مجهول said...

اضفت فأبدعت سيدي
د / مصري مقيم في المملكه المتحده
فعلا فالحياه بلا قانون عديمه النفع
فلا الانسانيه وحدها يمكن ان تحكم
ولا القانون يمكنه ان يبني بل سيهدم في طياته الكثير من الحريه
الحريه
هو الخليط بين انسانيه الانسان و قوانينه من دين و عادات و مفاهيم
اشكرك
سعيد جدا جدا جدا من هنا لبريطانيا
لزيارتك الجميله
لك خالص تحياتي

مجهول said...

عزيزتي الورده السودا
اشكرك جدا علي زيارتك و تعليقك
لكن ليست الحريه فقط ان تختار و تفعل ما يحبه الاخرين
بل يمكن ان تقف امام ما يحبه الاخرين و تنقده
وتهاجمه
لكن هناك منطق واحد و معيار تلتزم به
الا تجرح احدا
ان تكون انسانا
ده ما اردت ان اقوله
لك خالص التحيات
وقريبا سأكون في مدونتك

مجهول said...

حائر في دنيا الله
كلامك اختصر ما قلت
سقف حريتك عند سقف حريتي
وما قلته ان انسانيتك هي ما تحكمه
وفطره الانسان لا تختلف من شخص لاخر
اشكرك يا عزيزي علي كلامك البسيط و تشبيهك اللي كان غايب عني
لك تحياتي

.:.-=- ELGaZaLy-=-.:. said...

الحرية ممتازة بشرط ان لا تتجاوز السقف..

والا ستفقد ما هوا من اكثر من الحرية ستفقد عقلك ...

تحياتى

مجهول said...

شكرا لك يا غزالي يا جميل علي تعليقك
لك تحياتي

أميرة البلطجية said...

أحييك ع البوست الرائعة دي
واسلوبك في الكتابة ممتع زي ما فكرتك ممتعة كمان
ومتأكده انى ان شاء الله حفتكر اجابتك كل ما يضرب السؤال ده في دماغى

مجهول said...

عزيزتي اميره
الف شكرعلي كلامك الجميل
وسعيد جدا بزيارتك

ياسمين said...

طول عمرى بقول ان الحرية هى أغلى شىء فى الوجود ممكن يحصل عليه الإنسان وهى ايضا اذا كانت تؤذى الاخرين وتلغى وجودهم وآدميتهم

تعرف ان ايذاء الاخرين هو أكبر جريمة فى التاريخ والأديان والعرف والقانون .. دة رايى

أول شعور بآدميتنا هو شعورنا بآدمية الاخرين واحترامها

تحياتى على بوست يعبر باسلوب جميل عن ماهية الحرية

مجهول said...

ياسلام ياسمين عندي هنا
جناب عمده كفر المدونين
تشرفت سيدتي بزيارتك
ولا تطيلي في الغياب مره اخري
ومبسوط ان الدعوه اياها عامه
ادعي بس اني اقدر اجي
شرف ليا بجد اني اراكم
لك تحياتي

Sampateek said...

محتاج تركز افكارك
و تبطل نت و بلاي استيشن و تليفزيون و انت حتبقى فله

مجهول said...

سمباتيك
ماشي كلامك
اركز افكاري اوي اوي
حاضر
ميرسي علي زيارتك الغاليه

An Egyptian in UK said...

عزيزى مجهول ...انا باشكرك جدا على تعليقك المشجع ليه على الكتابه...ثانيا اتمنى لك ان شاء الله الخير فى سفرك و تحقق كل امانيك...ثالثا انا اسف على قفل باب التعليقات...و ليس له اى علاقة بتعليقك...انما انا دايما فى مناوشات و قرف و بعض الهجوم من يوم ما اعترضت على مدونة نكنيف مهاجم الدين الاسلامى و غيره...و لكن ح اعمل ايه قدرى و لازم اصمد...عموما انا اسف مره تانيه و ادعو لك بالتوفيق

مجهول said...

سيدي الجميل و الرائع
د - رفاعي
اشكرك جدا علي تعليقك
وانا بالطبع غير موافق واسجل احتجاجي علي اغلاق التعليق
يا دكتورنا
لو كنت تحدثت كما فهمت عن تكفير مهاجم الدين الاسلامي وغيره من الاديان
فهو موضوع في غايه الجديه و الخطوره
اردت يوما ان اكتب فيه
وتراجعت خوفا
صراحه خوفا
ليس لشئ الا انني اريد ان اكتب حتي تكتمل عندي الادله و البراهين علي حجتي
وسأرحب بكل تعليق
وياسيدي الغالي
لو معجبكش تعليق ارميه في اقرب سله مهملات لو احتوي اهانات بالطبع
فهو لا يعد تعليق بل سفه و تحقير ومكانه الزباله
سعيد جدا بتعليقك يا سيدتي
واراك قريبا عندك في مدونتك لأكمل قصه مفاعل كينشاسا النووي

An Egyptian in UK said...

ان شاء الله قريبا ...ح اكمل القصه...و انا فعلا عجبنى البوست لمسرحية فى انتظار جودو...لصامويل بيكيت

بس هو تقريبا كان فيه جمله بتتردد دائما فيها و هو
-انا لا اعرف يا سيدى

عموما كل تحياتى لك من كل قبلى

مجهول said...

استازي الغالي
د - محمد رفاعي
بعد التحيه
كنت اود فتح التعليق علي بوستك الجديد
بس ياخرابي علي الرقاصه
واكيد حكتبلك عليه تعليق هنا برضه
اما بالنسبه ل
في انتظار جودو
فكما فهمت يا استازنا
الجزء الاول من روايه لهيرمان هسه ينهيها بسؤال
والاجابه هي عنوان مسرحيه بيكيت
في انتظار جودو
اردت فقط ان اقول
من مازلنا ننتظر لكي يحقق احلام حياتنا
من مازلنا ننتظر وعمرنا يمر دون ان نفعل شئ
كأنهم كانوا بيردوا علي بعض
او كما بدا لي
لك تحياتي دوما

М€ŝЋМΣŞĦ said...

مجهول

انا مشغول شويه الايام دي عشان كده مش حقدر اتصفح البلوج بتاعك , بس كان لازم ارد الزياره , ان شاء الله في زيارات تانيه

arab girlscool said...

This is such a nice addition thanks!!!
شات صوتي شات صوتي
عرب كول
شات صوتي مغربي
دردشه صوتيه
انحراف كام
منتديات منتديات عرب كول