Thursday, April 19, 2007

طعم الحياة

المياه كلها بلون الغرق
هكذا عرفها إيميل سيوران
...
المياه كلها بلون الحياة
هكذا عرفها أخرون
...
ماذا لو إتفقوا علي رؤية واحدة
هل تختلف الحياة؟
..
العين هي العين
البصر هو البصر
ولكننا لا نري كما يري الأخرون
نختلف في رؤيتنا للأشياء
ماذا لو إتفقنا
هل سيكون للحياة طعم؟
ربما

31 comments:

Ahmed Shokeir said...

ده من اجمل الحاجات إختلاف الرؤى

والأجمل إختلاف الرؤية عند نفس الشخص من وقت لآخر وده بيدي للحياه أفاق أوسع وأرحب ومذاق أحلى لمن يرى الأشياء مرة بعينه ومرات بعيون الآخرين

... said...

الحياة كلها لن يمكنك الحكم عليها بكلمة
احسها حينا بطعم المر
وحينا بطعم الشهد
طعم الحياة يلخصه إحساسك بها فى اللحظة التى تتحدث فيها
فقد تتغير قبل أن ترمش العين

... said...

طعم الحياة لا يمكنك التعبير عنه بكلمة
أحسه حيناً بطعم العلقم
وحيناً بطعم الشهد
طعم الحياة يمكنك التعبير عنه فى اللحظة التى تتحدث فيها فقط
فهى تتغير
قبل أن ترمش العين

Dr.khaled said...

سلام عليكم
طبعا شرفني اني اكون اول واحد يعلق :)
فينك من زمان يا وحش؟؟؟

الله يعينك
كلماتك طيبة....
تأمينا على كلامك
العلماء قالوا زمان ايه
يسعنا ما وسع السلف...ولا يسيعنا مالم يسع السلف

يعني في حاجة اسمها اختلاف التنوع..ده مفيش عليه مشاكل
وكمان الاختلاف السائغ
انما الغير سائغ لا
ما علينا
المهم حياك الله
انا تابعتك من البوست اللي فات
ما شاء الله
الردود كانت فيه الى حد كبير في بينها اتفاق على الثوابت
بارك الله فيك

Meno said...

لولا اختلاف الاذواق لبارت السلع كذلك الحياه فلو كلنا رأها بنفس الشكل ونفس المعني فسوف نعمل كلنا لنفس الهدف لكن الحياه مليئه بالاهداف التي يجب ان تتحقق
مجرد وجهه نظر تتحتمل الخطأ والصواب

maged stephen said...

نحن نرى الاشياء كما نود ان نراها

محمد عبد الغفار said...

لو اتفقنا بالشكا ده تتوقف الحياة

شهيدة said...

طعم الحياة يحلو أكثر باختلاف نظرتنا لها
وهذا التنوع يزيدها حيوية ونشاطا

ولكن الأهم أن لا يتحول هذا الاختلاف في النظة الى كره لبعضنا البعض أو لأصحاب النظرة الأخرى
على العكس، علينا أن نفهم هذا الاختلاف وننميه ونتعرف عليه، حتى نصل في النهاية الى سبيل يوحد الأهداف حتى نصنع حياتاً أحلى طعماً وشكلاً وعيشاً

تحياتي

Anonymous said...

عزيزى مجهول ...ادبيا الكلام جميل...لكن كحقائق علمية...الاختلاف بين انسان و التانى هو اختلاف فى المفاهيم...و اللى بيشكل المفاهيم دى هو عدة عوامل:
العوامل النفسيه لكل فرد... يعنى مثلا زى العواطف و الرغبات و النزوات المكبوته داخل كل واحد منهم... و الماده التانيه هى العوامل الاجتماعيه زى مثلا انتمائك لجماعتك ... و الماده التالته هى عوامل حضاريه بيشترك فيها الكل او مجموع الجماعات...زى مثلا الحضاره البدويه او الحضاره المدنيه او الغربيه و هكذا...و العامل الاخير هو الوراثه...مجموع العوامل دى كلها مع بعض بيكون الشباك او الاطار اللى بنبص منه على عوالمنا...و لذلك كل فرد بيختلف عن التانى
مع تحياتى
لورد جيمى ...الرفاعى سابقا
:)

حواء said...

أزيك يامحمود
أعتذر عن الغياب عن زيارتك بس ظروف
المهم انت عامل اية يارب تكون بخير
البوست رغم قصرة إلا إنة معّبر طبعا الحياة كلها مواقف وكل موقف بيأثر فى النفس تأثير إما سلبى أو إيجابى وبيترتب
على كدة رؤية الشخص للحياة فإذا كان الموقف مريح للنفس فأكيد هينظر للحياة
برؤية سعيدة وبيكون طاير أحيانا من الفرحة والعكس لو كان الموقف معقد أو تعرض لصدمة أو صدام مع اى شخص فيرى الحياة ألوان كلها سوداء
وكذلك تختلف رؤية شخص أخر للموقف نفسة عن سابقة وذلك حسب قدرتة وإستعدادة لتقبل الأحداث
طولت عليك معلش المرة الجاية هأطول أكتر سلام

Amany said...

طعم الحياة مختلف تبعا لكل شخص
فالانسان سعيد الحياة حلوة ونغمتها حلوة

والانسان الحزين
الدنيا مالهاش طعم وهكذا وهكذا

Reema said...

احلى حاجة في الحياة ان كل واحد يشوفها بعينيه هو وبتفكيره الخاص بيه

ساعتها هاتقول ان البصر هو البصر والعين هي العين
لكن الرؤية غير الرؤية
والحياة غير الحياة
وساعتها هايكون ليها طعم ولون

والانسان الواحد بيشوف الحياة بين كل فترة والتانية بشكل مختلف
وممكن اللي حوالينا يكشفوا لينا عن جوانب تانية واشكال اجمل واحلى في حياتنا نكون مش شايفنها

c'est la vie
كل يوم ليه شكل ولون
ودي متعةالحياة في حد ذاتها

محض روح said...

الاختلاف مطلوب
احنا بنكمل بعض
الدنيا صعب تقوم على فكره واحده
كل واحد فينا بيشوفها على حسب نظرته ليها المعطيات وحده بس
ادركنا هو الي مختلف
ممكن انا اشوف الورد الأسود على انه كئيب
وغيري بيشوفه على اساس انه مثال على ابداع الخالق

فاكر جاهين قال ايه
لولا اختلاف الرأي يا محـــــترم
لولا الزلطتين ما لوقود انضرم
و لولا فرعين ليف سوا مخاليف
كان بيننا حبل الود كيف اتبرم ؟
عجبي

طولت عليك
تحياتي يافندم

koukawy said...

لو اتفقت الأذواق لبارت السلع
بيتهيألي هي كده صح مش عارفه
المهمانه موضوع مهم جدا للمناقشه ؛
مش عارفه اعتقد هتبقي ممله و لو حطيت الحيام ساعتها علي الجهاز اللي بقرا ضربات القلب او النبض هتلاقيها ماشيه في خط واحد و فيها رتابه

حائر في دنيا الله said...

عفوا يا صديقي
اختلف معك لأول مرة، فالحياة لن يكون لها نفس الطعم ولا المذاق
ولو لم تختلف العيون والرؤى داخل الشخص ذاته لمللنا من الحياة واكتئبنا منها اسرع
فمتعتها في تنوعها

مع تحياتي

حسام مراد said...

لو اتفقنا فى رؤيه الاشياء مش هايبقى للحياه طعم خااااااالص
الاختلاف ده ليه مذاقه الخاص عند كل
شخص عن التانى والدنيا كده حلوه يا عم ولا ايه ؟؟؟
تحياتى
سلام

mo'men mohamed said...

عندما يلبس المرء نظاره سوداء يرى الدنيا سوداء
وعندما يلبس نظاره حمراء يراها كذلك
لو أننا جميعا لبسنا نظاره الإسلام سنرى كل الدنيا من حولنا كما أمرنا الله و رسوله

Anonymous said...

لن يكون للحياة أى معنى لو اتفقت الرؤى
الاختلاف نعمة
يجعل للأشياء نكهة خاصة لدى كل منا

وصدق اللى قال
لولا اختلاف النظر
لبارت السلع

وكلمة سلع لا تقتصر على ماديات فقط
تشمل روحانيات ومفاهيم ورؤى وألوان

انا عن نفسى
بأحس بالملل لو لقيت صديقتى شايفة كل حاجة بنفس عينى
وتنظر للحياة بنفس منظورى

اختفت المتعة وقتها

تحياتى

استفسار غلس شوية
انت عامل موديريشن لية؟؟
لية الديكتاتورية دى؟؟

كراكيب عادل said...

لا هيكون للحياة طعم ولا ريحة ولا لون

يا عم لازم نختلف علشان نتخانق ونتصالح

بقولك الكلام النظري كتير يا محمود اهم شئ الواقع الواقع مختلف حتي لو انت بينك وبين نفسك هتلاقي نفسك بتتجادل اعمل دي ولا لا تردد اختلاف

أميرة البلطجية said...

ولو كلنا بقيتا زي بعض يبقي يله انا وانت وسمسم وكوكو ودكتور محمد وكل الحلوين اللي بيعلقوا عندك نقفل البلوجز بتاعتنا ونعمل بلوجاية واحدة موحدة ونكتفي بتعليق واحد على كل بوست عشان كل الكومنتس حتبقي مكررة
!!
تخيل!!

gohayna said...

من الممكن كلنا لو اتفقنا علي طعم للحياه مش هتكون حاجه جميله
لانه لولا الاختلاف دا كنا حسينا بوتيره الحياه وكونها ممله الي ابعد درجه

جميل لو كل واحد حس بطعم الحياه من وجهه نظره هو الاختلاف في الحالات دي بيدي تناغم


تحياتي

Blank-Socrate said...

الاتفاق يلغى الابداع
مدونه جميله سعدت بالزيارة

صاحب البوابــة said...

رؤية فلسفية للحياة

تحياتي لك

لكن نظرتى للحياة تكاد تكون اكثر بساطة

مجهول said...

لا أجد ما اعلق به علي كلماتكم وتعليقاتكم الواعيه
فقد اتفقتم جميعا علي الاختلاف
الاختلاف الذي يصنع اتفاق
تباين الرؤي الذي يعطي افقا اوسع للادراك و الفهم
اختلاف وجهات النظر ليسمح بتعدد قراءه المواقف من زوايا مختلفه
اختلاف النظره وتباينها من انسان لاخر ليخلق مساحه من التغيير و التنوع
لا اجد ما اوصف به سعادتي لاتفاقككم معي فيما رأيت
ربما رأي سيوران المياه بلون الغرق
ورءاها غيره بأنها بلون الحياة
هكذا كان الاختلاف في الرؤيه و المواقف
فلسفيا
حللها د.محمد الرفاعي علي طريقته
فالاختلاف نابعا من مواقف ومفاهيم تتأثر بعوامل
نفسية وثقافيه واجتماعيه ووراثيه
فما اراه في بيئتي جميلا قد لا يراه غيري جميلا
وما توارثته من مفهوم الجمال قد لا يقبله الاخر كمفهوم للجمال
واضاف معظمكم كلمه رأئعه
لولا اختلاف الذوق لبارت السلع
هكذا ما رأيته من تعليقاتكم الكريمه الاختلاف ضروري جدا في كل شئ متاح
فبإختلافنا نتيح مجالا للابداع والتنوع في ابداء وجهات النظر الاخري لمفهومها
وهذه هي نعمه الله للبشر
الاختلاف
طباعا وعادات وتقاليد ومفاهيم ورؤي
الاختلاف النابع من رؤيه خاصه وليس اختلاف من اجل اختلاف لا اكثر او اختلاف من اجل جدل او شهره
شريك مخالف يعني
اشكركم علي تعليقاتكم جميعا


...
احمد شقير
تشرفت فعلا بوجودك صدقني فأنا اعتبرك من اعمده التدوين المصري
المدونه منوره بقالها تلات ايام
....
حلم
تعليقاتك دائما ما تفرحني لما تمتلكين من رؤيه جميله فلسفيه ناعمه
...
خالد وليس بخالد
افرح دائما لتعليقك اخي الكريم
واشكرك علي متابعتك واعذرني لغيابي عن مدونتك لظروف قهريه
....
مينو
اشكرك علي زيارتك وتعليقك واتمني تكرارها وقريبا سأزورك في مدونتك
........
ماجد ستيفن
مدونتي منوره مرتين
اشكرك علي زيارتك جدا
وفعلا نري الاشياء كما نود ان نراها متأثرين بعوامل غرست فينا
.......
محمد عبد الغفار العزيز جدا
اشكرك جدا علي متابعتك ليا
وياريت مايكونش فيه سوء تفاهم من البوست السابق
تحياتي لك دوما
......
شهيده
يا سلااااااااام
شو الاخبار
كيفيك
منيحه
هههههههههههه
وفعلا عندك حق
علينا أن نفهم هذا الاختلاف وننميه ونتعرف عليه
حتى نصل في النهاية الى سبيل يوحد الأهداف حتى نصنع حياتاً أحلى طعماً وشكلاً وعيشاً
........
د. محمد سابقا
اللورد جيمي حاليا
تعليقك كاف جدا
وتحياتي لك ويارب تكون بخير
.........
حواء
طولي علي راحتك
اتكلمي زي ما انتي عايزه
اسعد دايما برؤيه تعليقك
تحياتي
.........
اماني
اهلا بيكي وبعودتك من جديد
واتمني زيارتك دوما وستجديني عندك انشاء الله في اقرب فرصه
.........
ريما
سيدي يا سيدي علي الفرنشاوي
c'est la vie
يا سلااااااام
ههههههههههه
اشكرك جدا يا ريما علي اهتمامك
وعقبال ما تطلعي في السي ان ان
..........
محض روح صاحبه الروح الجميله
يا سلام يا عم جاهين
تحياتي يا فندم؟
افندم؟؟
طيب
ههههههههه
.........
كوكي
يا سلام لما ترجعي تصوصوي عندي
ايوه كده ارجعي تاني من سايبر من بيتكوا بس خلي للمدونات دم خفيف كده
تحياتي
علي فكره موضوعك عن الاسلام غايه في الامتياز
.......
اخي العزيز حائر
انا مقلتش اني شايف ان الاختلاف وحش
انا باخد رأيكوا علشان تقولوا الدرر و الكلام الحلو ده
ولا انته عايز تختلف و بس
عايز تتعارك يعني طيب
هههههههههههههههههههه
تحياتي لك يا حائر يا جميل
............
حسام مراد
اشكرك علي زيارتي
وكويس انه لسه متقبضش عليك
هههههههههههههههههههههه
تحياتي لك يا عسل
...........
احباء في الله
بالطبع
نضاره الاسلام الصحيح السمح تغير طعم الحياه بصفه عامه و خاصه يا سيدي الفاضل
تحياتي لك واشكرك علي زيارتي
..........
شهرووووووووزه
ديكتاتووووووووووور
ماشي
حشيلها علشان خاطرك
ولا تزعلي بس علشان كان فيه مشكله بس في المدونه
ولا يهمك
ودايما بفرح بتعليقك يا استاذه
..........
عدوووووووووول
اهلا بيك وبعودتك يا زعيم
وفعلا ملهاش طعم و لا ريحه
حنكون زي الكمبيوتر بنمشي بالمعادلات الرياضيه
هههههههههههه
..........
اميره البلطجيه مولاتي
يا هلا بيكي ده انتي عايزانا نبقا زي بعض بقا
فكره كويسه نعمل مدونه واحده
هههههههههههه
وحلوه ان التعليقات حتبقي مكرررررررررره
ههههههههههههههههه
تحياتي لك
..........
جهينه
فعلا ستكون ممله جدا الحياه
فعلا فعلا
........
بلاك سقراط
اشكرك علي زيارتي يا استاذ
وفعلا الاتفاق يلغي الابداع
...........
صاحب البوابه
يا دي النور
ههههههههه
اشكرك علي زيارتك
ومنه لله كلام الفلسفه

عقد
بس الحياه فعلا بسيطه

Unknown said...

مساء الخيرات يا دكتور

شُفت الإختلاف ؟
الخيرات بالجملة
يللا
الخير الكتير حلو برضه

الموضوع حلو ومهم وتقيــــل
وأخدت بالي إن كل الأخوة المعلقين إتفقوا على أن يختلفوا
تعال بقى إختلف
جرب كده ؟
طبعاً النتيجة غير مضمونة
مش قصدي أشكك في آراء حد بعينه وحياة ربنا
بس إنت عارف
أنا إشتكيتلك قبل كده
أول ما أفتح بقي وتخرج جملة ( بس أنا رأيي ) العيون تحمر والوشوش تكشـّر وإلى آخره إلى آخره

عموماً تحياتي
وياريت تسمحلي أختلف معاك وما أختلفش مع شهروزة وأسألك
moderation
ليـــــــــه ؟

التعليقات بتتحذف عن طريق صاحبها أو صاحب المدونة نفسه

سلااام يا فندم

chaos said...

البدايات المختلفة تؤدي إالي نهايات مختلفة
قاعدة رياضية لم افهمها ابدا الا قريبا
اعتقد انه ابدا لن تتوحد رؤيتنا للحياة
و لكن الممكن ان تتحول رؤية الشخص للحياة طبقاً لتغير قناعاته مع مرور الزمن
تحياتي

Anonymous said...

الحياة ليست بحياة
من غير اختلافات

ده اللي مخلي ليها مذاق
ومذاق حلو كمان

مش لولا اختلاف الاذواق لبارت السلع
:)

bastokka طهقانة said...

لا ابدا
مكنش حيبقى ليها طعم
حلاوتها كده
انت بتحب حاجة يمكن اكون انا بكرهها

الاختلاف هو الملح
تقدر تاكل من غيره؟
و لا اكمنك نباتي؟

koukawy said...

انت فين مختفي
امور الوزاره شغلاك و لا ايه؟

مجهول said...

أميرتي الجميله
عارف يا اختي و الله اللي قصدك فيه ربنا يعينك
ههههههههههههه
وانا شلت الموديريشن خلاص و لا يهمك
علشان خاطر عيونك و عيون شهروزه
بس كده انتوا تأمروا
.......
ابيتاف الساحرة
كلامك صحيح و تعليقاتك دائما تشجعني و تفرحني
........
طهقانه صاحبة الدم الخفيف

لا اجد ما ارد به علي كلامكم بالطبع
كلمه طهقانه صحيحه جدا
الاختلاف ملح الحياه
وانا مش نباتي يا ستي دي كانت تجربه و مضت
ومتفكرنيش
..........
صديقي العزيز الغائب من فتره و اللي منورني فوضي
كلامك فعلا صحيح
بدايات مختلفه تؤدي لنهايات مختلفه
وانته بقا كنت فين يا ابني
اخيرا رجعت تاني
بجد تعليقاتك عندي بفرح بيها قوي

حواء said...

عمرك ما حتلاقى 2 شايفين الدنيا بعين واحدة او قلب واحد لازم يبقى فى اختلاف وتميز ده احنا لو شفنا الدني بعين واحدة حنفضل ساكتين زى الاصنام لا كلام ولا مناقشات ولا اى حاجة خاااااااااالص