Sunday, April 29, 2007

الكتابة .. التاريخ .. البهلوان

البوست طويل
ولو عايز تقراإعمل نسكافيه وتعالي
ولو مش عايز
الخلاصة موجودة في نهاية البوست
وأي خدمة
............
إهداء إلي من علمني أن النقد
هو إكتمال البناء

...........
أظن
حين راودتنا فكرة الكتابة للمرة الأولي
إعجابا بمن قرأنا لهم
لم نكن نتصور يوما صعوبتها
وكونها طريقا محفوفا بالمخاطر والمهالك
كنا فقط
نفكر ونتمني دخول هذا العالم ثنائي التناغم
بين القاريء والكاتب
.......
ربما إكتشفنا فيما بعد
صعوبة
أن تخلق ذلك التوازن الرابط بينك و بين قاريء
صعوبة
أن تقدر علي إيصال فكرتك دون جرح له
صعوبة
أن تستحوذ علي عقله وتقدر علي التأثير فيه
صعوبات كثيرة
أن تتمسك بمعايير الكتابة و القلم
.........
الكاتب يمكن تصنيفه بمجرد القراءة له
فهناك نوعان
المحترف
كاتب تقرأ له وتحترمه
ربما تكن مختلفا معه في نقاط عديدة
أو ربما تختلف معه كليا
لكنه بسحره وحضوره
وإمتلاكه كاريزما كتابية خاصة
يقدر علي توصيل فكره إليك بلا أدني حرج
ناجيا بنفسه من النقد الهدام وإحتساب الأخطاء
وأخذا بيدك لتري ما يري
وتفكر مثلما يفكر
هؤلاء الكتّاب
يمكنك أن تقرأ هدفهم الفكري بكل وضوح
واضح المعالم غير مبهم
يجعلك تسبح بنفسك بإشتياق ولذة في أعماقه
.........
والمتفزلك
كاتب تقرأ له وتضحك
تتأفف من ضحالة رؤيته وضيق أفقه
تختلف معه كليا وموضوعيا
ولا تكن له أي إحترام فكري
فكتاباته لا تحمل مضمونا وغير هادفة
تحس بعدم مراعاته لقارئه وعقله
فهو يكتب بلا ضوابط ولا معايير
هؤلاء الكتّاب
لن تتمكن من إستنباط أفكارهم
ولن تقدر علي إستنتاج هدف أو مشكلة يطرحوها
تحس في كتاباتهم بغبائها وحماقتها
............
والكتابات منها أنواع
أعتبر أصعبها كتابات التاريخ ونقده
فهي تحتاج لنوع خاص من الإحتراف والدقة
فكتابات كالسياسية
لا تعبر إلا عن رؤية صاحبها أو وجهة نظره
ربما يدخل فيها عامل التاريخ كسرد للأحداث
ليس إلا
وكتابات الأدب و الفن
إنما هي موهبة وقدرة إبداعية بحتة
ذات قدر من الخصوصية الشخصية
وكتابات الخواطر و المشاعر
لا تحتاج حرفية بل إن رقتها وجمالها كونها تلقائية
خارجة من قلب إلي قلب
والكتابة الدينية
لا تخرج أبدا عن إطارها العقيدي
فهي محددة بتعاليم ليست من صنع بشر
ولها قدسيتها ورفعتها وجلالها
.........
ونعود لكتابات التاريخ ونقده
حيث يتحول الكاتب إلي رابط
بين ماض وحاضر
ليعرض لقارئه قراءته التاريخية
ليعينه علي فهم تاريخه وربما تعديله
وأخذ العبر و الدروس لينفع بها حاضره

وهنا تأتي صعوبتها
..........
فقراءة التاريخ
كقراءة كتاب
لا يمكنك أن تفهمه إلا صفحة صفحة
فلا تفهم صفحتك الحالية إلا بصفحتك السابقة
ولا السابقة إلا بالتي سبقتها وهكذا
لتخلص في النهاية بفكرة أو هدف أو مضمون
تربط من خلاله ماضيك بحاضرك لتتقدم
...........
سألته يوما ما التاريخ؟
أجابني
البحر
كلما أبحرت كلما كنت تائها وحيدا
فخذ منه الدّر والجواهر
وإبتعد

..........
هناك شعرة فاصلة
بين نقد التاريخ وهدم التاريخ
قد يراها المحترف
فينقد دون جرح ولا تأويل
وينقل قارئه لعقله
ويجعله يكتشف هدفا يخرج به من كتاباته
رابطا إياه بحاضر
محافظا علي إحترام التاريخ ورموزه

وقد تختلف معه لكنك ستحترم فكره
.........
وقد لا يراها أساسا المتفزلك
فيهدم ما يعتقد أنه يبنيه
ويطول بمعول هدمه كل شيء
حتي قارئه ومحرّماته
ليبقي هو في النهاية وحده
لا يعرف أي هدف كان يتحدث عنه
فتجد كلامه فارغا من نقد بناء
وقتها
يصبح الكاتب بهلوانا
يتلاعب بالألفاظ و الأهداف
يدعي التنوير وعقله ظلامي
فلم يفهم أدني أساسيات التاريخ
لم يعلم
أنه لولا الأمس ما كنا اليوم
وخلق التاريخ لنتعلم
لا لنهاجم أشخاصا ونحقرهم

وستختلف معه لكنك لن تحترمه
.........
تستفزتني بشدة كتابات بعضهم
عن نقد للصحابة رضوان الله عليهم
ليخرج الرأي عن دائرته
ليصبح تطاولا وسفها
ولا يؤتي ثماره كرأي بل تتحول
إلي كتابات بلا هدف
تغرق في بحور الماضي وكأنها قارئة
للتاريخ وشاهدة علي الخلق منذ البدء
فلا تستنتج هدفا ولا فكرة ولا قضية
بل لا تري إلا الحمق و الغباء
لعن الله يوما أصبح البهلوان
كاتبا

.........
...الخلاصة
كتبت هذا البوست
وتكلمت عن المحترف و المتفزلك من الكتّاب
وعن الكتابات
وخاصة نقد التاريخ
ولكن الداعي الأكبر كان
ماقرأته في بعض الصحف
عن ما يدعونه نقدا تاريخيا
لم يخرج عن كونه إهانة لمكانة الصحابة
رضي الله عنهم في قلوبنا كبسطاء
وأعاد لذاكرتي مقالات لأخرين
يهينون رموز هذا الوطن ممن رحلوا
بوقاحة وتطاول
لاتتفق مع حبنا لهم ولتعلقنا بتاريخنا
وفخرنا به بصفة عامة
ولكي لا يفهمني أحد بالخطأ
لست ضد نقد التاريخ وتصحيح المزوّر منه

ولا ضد الرأي الأخر
ولست ضد نقد أي إنسان أيا كان
فكل بشري يخطيء ويصيب
ويؤخذ منه ويرد
وأنا مع كل رأي صائب ومحترم
يعطي هدفا وتصورا ورابطة
بين التاريخ و الحاضر

تفيدنا في الأن وليس الأمس

محافظا علي مكانة كل شخص وحرمته
لكي لا نهدم تاريخنا ونجلس علي أطلاله

....
فما حاضر أمة
إلا عصارة تاريخها وجواهره

51 comments:

chaos said...

مجهولنا العزيز
ليس من الإنصاف أن تضع نفسك مع البسطاء، ففي رأيي المتواضع لقد قيمت أناس تكتب، و ليسوا كتاباً تقييم علي حسن اضطلاعك و بما يوضح انك لم تكتب إلا عن قناعات و تواضع و دراسة، هذه هي إفرازات زمن الفوضي - مرحلة ما بعد العولمة- إختلظ فبها الغث و الثمين، فليس لنا سوي إعمال العقل فيما نري و نسمع و نقراء
تحياتي

محض روح said...

اول تعليق
:)

اولا بالنسبه لتوصيف الكتاب

فيه نوع منهم
بتحس انه بيحفر فى ذكرتك
كلمهم مش مجرد كلام بتقرائه لا كلام بتفكر فيه وتعكسه عليك تشوف نفسك فيه
بتحس انك انته بطل الروايه
زي احلام
مستغانمي
او إميلي برونتى
وفي نوع تاني بيكتبو بطيبه اوى
عارف لما تحس من كتير ما اسلوبهم طيب
مش فاكر ليهم كلام محدد
حاجه كده زي ثروته اباظه
ونوع الثالث وانته بتقراء ليه بتحس انه جي من عالم اخر بيستخدم مفردات غريبه بعيده عنك
تحاول تمسك خط تمشي عليه علشان تحدد مفهومه ايه
متلقيش
ودول الأسف فيه منهم كتير
..................................
اما بالنسبه للتاريخ
ديما تناول التاريخ سواء بالكتابه او النقد
بيحتاج نوع من انواع الالمام والحياديه
وموضع ربط الماضي بالحاضر
صعب جدا ومش اي حد يقدر يقف عند نقطه عدم المساس بالمورثات
وفي نفس الوقت يعرض بصوره تتماشى مع العصر
ومشكلتنا دلوقتي صعبه حسه اننا محاصرون بين جيلين
جيل ماضي بلا افق وجيل حاضر بلا جذور
مفيش نقطه حوار مشتركه

وبالنسبه للكتاب الى بيهجمو رموز دينيه بلا اي سبب دول زادو بصوره مخيفه
لسه من فتره قريبه

كتب صحفى عن اسوء 10 شخصيات فى الاسلام
من وجه نظرة كان فيهم السيده عائشه
وفيهم صحابه مبشرين بالجنه
وبجد مفهمتش ليه ايه الداعي اني اجرح رموز دينيه

احنا دلوقتي محتجين معالجه واقعيه للتاريخ
تحترم عقولنا وفى نفس الوقت ميكونش فيها تصغير لاي رمز
و يكون فيها مساحه احترام للمعتقدات
سواء كانت دينيه او تاريخيه

فما حاضر أمة
إلا عصارة تاريخها وجواهره

بوست حلو فعلا
وفيه نقاط كتتتتتير اوى

تحياتي يا فندم

محمد عبد الغفار said...

هواه حتى الموت

eldoctor said...

كيب بأمانة ... المدونات اللى أنت زرتها ...
كم منهم محترف .. وكم منهم من الهواة؟

عصفور المدينة said...

جزاك الله خيرا أنت تتكلم عن ناس تكتب وفيه عنده هدف واضح وطريق الوصل لهذا الهدف مشروع ومتسلسل تسلسل منطقي يعني يوجد طريق مشروع له
لكن يا أخي البهلوانات يضعون الهدف أولا أو غالبا يوضع لهم من قبل مموليهم ومن ثم يصاغ الطريق (الذي هو النص المكتوب) فبالتالي لا يكون مقبولا ولا راسخا ولا منطقيا ولا منصفا وفي النهاية يتوه في مزابل التاريخ إن شاء الله

مجهول said...

العزيز فوضي
اشكرك علي زيارتك ومتابعتك
انا اعتبر نفسي من البسطاء
الذين يحبون الصحابه ويعشقون تاريخهم ولا يقبلون الاهانه لاحد منهم
بل و اعتبرها اهانه شخصيه واكثر
تماما كما قلت انه زمن الفوضي
حين يصبح بهلوانا كاتبا
والراقصه مربيه فاضله
انه زمن الفوضي

مجهول said...

محض روح الرقيقه
انتي مش اول تعليق
ههههههههههههههه
بس دايما احلي تعليق
الكتابه كما قلتي تماما
منها ما يدخل عقلك ومنها مايدخل قلبك
ومنا ما يشد عليه السيفون
بالنسبه لموضوع اهانه الصحابه
والمثال اللي ذكرتيه لا اجد الا الامتناع عن امثال هؤلاء من الحمقي
فمن هو كاتب المقال هذا ليهاجم عائشه رضي عنها او عثمان رضي الله عنه
ويصنفهم بأسوأ شخصيات الاسلام
اتذكر قول صديق لي دوما
عثماااااااااااان يالهوووي
ده لو محدش حيدخل جنه سيدنا عثمان داخل داخل
ده من العشره المبشرين
.....
قالها بتلقائيته
وانا معه
الهجوم علي الاشخاص غباء وحمق ودافع شهره او منظره
ومع تصحيح المغلوط و المزور من تاريخنا لكن
بلا هجوم علي رموز عندنا لا يقدم ولا يؤخر

مجهول said...

استاذ محمد
فعلا عندك حق
هواة حتي الموت
سيظلوا هواة حتي لو اخذوا نوبل
وعلي ذكر نوبل فهم في طريقهم اليها
وفقا لطريقه محمود السعدني الساخر الكبير حين كتب من عشر سنوات تقريبا
كيف تحصل علي نوبل
لعن الله يوما صار صحفيوا الفضائح كتاب ومؤلفين ونقاد

مجهول said...

استاذي الفاضل المحارب الدكتور
اولا
اود الترحيب بشده بتشريفك لي هنا في مدونتي
واعتبر مدونتك من اجمل المدونات التي اطوف فيها
واما عن التقييم بين المدونين
فرأيي اعتبره لنفسي
قد يختلف معي اخرون كثيرون فيما اري
فالتدوين تختلف رؤيته من شخص لاخر كل حسب ميوله واتجاهاته
فقد تري ان مدونتي تافهه في حين يراها اخر هادفه
وهكذا
ولست اقييم احد ككاتب محترف او هاوي في التدوين
فكلنا نكتب رأينا وبصراحه
كل في مساحته
ومن يكتب اما له او عليه
له جمهور وقراء
تشرفت بحضورك

مجهول said...

عصفور المدينه
ارحب بك اولا
وشكرا علي المعلومه ان فيه بنات نصابيين كمان
ههههههههههه
قراءتك فعلا لمست ما ارمي له
هناك من يكتب بدافع فكره متحمسا ومتسلسلا
وهناك من يكتب بدوافع اخري
المال او الشهره اصلها بقت موضه

ibn nasser - ابن ناصر said...

موضوع رائع وعجبني مضون اخر كلامك وهو انك تقصد النقد البناء
تحياتي

حواء said...

على فكرة اى واحد ى الدنيا عايز يكتب مش شرط يكون محترف او ضليع فى الكتابة والادب زى واحد مثلا ممكن يكتب مجرد خواطر او حاجات بتحصل له فى الحياة اليومية مش بيقدر يعبر عليها بالكلام وممكن مش بيلاقى اللى يسمعه فبيحاول يكتبها ولو من القلب يتوصل للقلب .. ومينفعش ابدا عشان مش عجبانة نقول ده بيتفزلك اوعايز يلفت الانتباه .. وده رأيى

Dr.khaled said...

الله الله يا استاذ /مجهول
انا لما لاقيتك عامل تحذير انه طويل قلت ادخل على الخلاصة
ولما قريت الخلاصة..قلت..يا واد ارجع اقرا البوست شكله جامد...وقد كان والحمد لله

كلامك طيب وجميل عن نقد التاريخ ..واخراج المزور منه
أو هو كما كان يسميه الشيخ الالباني رحمه الله (التصفية والتربية) وينادي به... طبعا التربية مفهومة...والتصفية هي اللي حضرتك عبرت عنه الوقتي
ننادي فعلا بتصفية التاريخ من البلايا التي فيه..ولكن من الذي سيصفي لنا التاريخ؟؟
هل هم خريجوا الأرصفة والشوارع؟؟
أم من تربوا على ناصية الشارع؟؟
أم هم.. من يأكلون بأقلامهم؟؟

لسان حاله يقول لك :
وإني وإن كنت الأخير زمانه ..لآت بما لم تستطعه الأوائلُ

يشعرك بانك لا تعلم شيئا...ولم تقرأ شيئا
يريد أن يقول لك..(ما أريك إلا ما أرى..وما أهديك إلا سبيل الرشاد)
ديدنه في ذلك..انه لا عصمة لاحد بعد الانبياء....نعم لا عصمة لاحد بعد الانبياء...لكن....الصحابة مكانتهم غالية عالية...لا نخض فيهم بلساننا
فلو انفقنا مثل جبل ذهبا ...ما بلغنا مد احدهم...ولا حتى تصف مد أحدهم

ينقل لك من كتب الامام المؤرخ الطبري..ويقولك اهه ..الكلام موجود في الطبري اهه انا مجبتش حاجة من عندي
والجاهل -ده- او غيره يعني..مكلفشي نفسه حتى يقرأ المقدمة اللي موجودة في كتاب الطبري..لانه لو قرأها هيعرف إنه جاهل

وأنا هنا بانتهز الفرصة الطيبة دي..وانقل مقدمة الامام الطبري في تاريخه لما قال
(وليعلم الناظر في كتابنا هذا أن اعتمادي في كل ما أحضرت ذكره فيه مما شرطت أني راسمه فيه,إنما هو على ما رويت من الاخبار التي أنا ذاكرها فيه والآثار التي أنا مسندها إلى رواتها .فما يكن في كتابي هذا من خبر ذكرناه عن بعض الماضين مما يستنكره قارئه,أو يستشنعه سامعه,من أجل أنع لم يعرف له وجها من الصحة ولا معنى في الحقيقة فليعلم أن لم يؤت في ذلك من قِبَلِنا , وإنما أتي من قبل ناقليه إلينا.وإنما أدينا ذلك على نحو ما أٌدي إلينا)
أظن اللي متعلم الكتابة والقراية جديد هيفهم معنى الكلام ده
والامام الطبري بكده القى العهدة على اللي روى ليه...يعني هو كل اللي وصل له كتبه (وبالاسانيد) علشان لو حد بعد كده قال لك الكلام ده صح او غلط..نرجع نشوف رجال الاسناد...هل هم ثقات ناخد كلامهم..ولا ضعفاء متروكين ومجروحين نرمي كلامهم في الارض؟؟

معلش يا مجهول يا خويا-انته اللي جبته لنفسك- :)

هزود بس حتة تانية بالمناسبة دي
وهي ان كلنا عارفين القصة المشهورة بتاعت عمرو بن العاص-رضي الله عنه- وابي موسى الاشعري-رضي الله عنه- في حادثة التحكيم ...لما قال وانا اخلع صاحبي كما اخلع هذا الخاتم .......الخ
القصة دي موجودة عند الطبري في التاريخ بتاعه ومنتشرة جدا جدا ومشهور اوي اوي بين الناس
بس القصة دي اللي رواها واحد اسمه لوط بن يحي (وكنيته أبو مخنف)
اهو الامام الطبري ذكر القصة دي في تاريخه..بس انت تعرف المحدثين قالوا ايه عن ابي مخنف ده..؟؟
قالوا عنه : كذاب , ساقط, هالك. واهم بمرة, يروي الاباطيل عن الثقات. والادهى من ذلك انه شيعي
وعلى هذا فقس

معلش اصل بحب اعلق في البوستات اكتر من كتابة الموضوعات
استحملني ..بس واحدة بواحدة...البوست طويل...والتعليق كمان طويل :)

الخلاصة -برضه عشان تبقى واحدة بواحدة-
1-بحبك في الله ..لأنك كفيتني..عشان انا كنت عايز اكتب بوست عند جريدة الفُـــجر (بضم الفاء) لكن الحمد لله انت قمت بالدور بدالي
2 اسمع المحاضرة الحلوة دي للشيخ الحويني...بقالها كذا سنة بعنوان
تحطيم الرؤوس وضرب الرموز
وده رابطها
http://www.islamway.com/?iw_s=Lesson&iw_a=view&lesson_id=334

مجهول said...

ابن ناصر
صديقي العزيز اشكرك دوما علي متابعتك
وطبعا اقصد النقد الذي يكمل البناء
لا النقد الذي يهدم

مجهول said...

الصديقه الجديده بوسي كات
المدونه زادها نور وكهربا النهارده
بالطيع يا حنين لم اقصد الا ما عنيته في البوست
من يكتب من قلبه
هو محترف
واكثر من محترم
فمن يخرج من القلب ارق واجمل نوع من الكتابات يكن محملا بتجارب وحكايات حتي لو بالعاميه لكنها صادقه ودافئه المشاعر
رحم الله عبد الوهاب مطاوع
وغيره من اساطير الكتابات القلبيه والعواطف والاحساس
...
انا لم اقصد حصر الكتاب بين محترف ومتفزلك بناء علي رأيي فيه
لااااااااااااااا
بل كنت اقصد
ان من يكتب بلا رادع ويهين ويكتب بعشوائيه كلاما لا علاقه له برأي او احساس او حتي هدف
اري انه متفزلك
يستفز من يقرأ له بلا داعي
وذكرت كمثال لمن ينقد في التاريخ بدون وعي وهدف
ويهين رموز للوطن وللتاريخ القديم والصحابه بدون هدف او رأي واضح
بل كل ما يكتبه بناء علي فهم لروايه احاديه الجانب في الكتابه
غير ملم بباقي روايات التاريخ
......
لو قرأتي كلامي
ستجديني انني من اشد الناس حبا للرأي للاخر
وليس عندي محظورات علي التاريخ واي موضوع غير ما حظره الله وغيبه في علمه
واري ان معالجه التاريخ حق اصيل يجب الاهتمام به
ولكن
دون مساس بحرمه الموتي والرموز
فيمكنني انا اهاجم فلانا وفلانا كأفعال لكن لا اهاجم الشخص دون افعاله
...........
اعجبتني شجاعتك في ابداء رأيك وهذا ما كنت اريده
ان نختلف في الرؤيه ونختلف دوما ودوما
لكن لتكن هناك نقطه اتفاق
ان الهجوم الغير مبرر علي التاريخ بأشخاص لا احداث لا يعد كتابه
ولك في ذلك امثله لا تعد ولا تحصي
كالهجوم علي الصحابه
والهجوم علي رموز البلد من مصطفي كامل لغايه دلوقتي دون تبرير
فيخرج الرأي عن سياقه ليتحول لساحه شخصيه من الانتقام
هكذا اري
واتمني ردك علي كلامي
تحياتي وسعدت جدا بزيارتك

مجهول said...

الدكتور خالد
جزاك الله خيرا علي اضافتك
وهكذا اتفقنا
التاريخ مباح للنقد والمعالجه
من صاحب فكر
سواء كنا معه او ضده
فالتاريخ ليس حكرا لاحد
كل من له رأي ويري فيه خيرا للبشر فليتفضل ويطرح رأيه
ويدور نقاش هادف ومحترم
نخلص منه لفكره ومضمون ونتفق علي نقاط
هكذا نرقي
بتعدد الرأي دون تسفيه الاخر
وبإحترام حرمه الاشياء والاشخاص و الموتي
فلا يتحول نقد المواقف الي نقد شخصي وانتقامي
تحياتي لك ودمت بخير

Unknown said...

صباح الخيرات يا دكتور
مش عارفة ليه الخير عندك بيبقى خيرات ؟
كويس

الموضوع جامد موووت
بس عندي 3 نقط مافيش غيرهم وحياة ربنا

أولاً
في رأيي إن أفضل وسيلة للتعامل مع الكُتــّاب البهلوانات زي ما سميتهم
هو التجاهل .. لأن عدم التجاهل بيضعهم تحت دائرة الضوء أكتر
وبيزوّد من رواج أفكارهم

ثانيـــاً
عجبتني قوي جملة ( كل بشري يخطئ ويصيب ) طب ليه بنحرم الصحابة مثلاً من حقهم الطبيعي في فعل الحطأ والصواب ؟
وأعتقد إن نقد أي إنسان في خطأ تسبب فيما بعد في رسوخ مفاهيم خاطئة أو متعصبة حتى الآن هو نقد مسعاه التصحيح وليس التقليل من قيمة الصحابي الدينية أو الإنسانية
بدون طبعاً الخوض في أي تفاصيل شخصية

ده رأيي

ثالثــاً وآخر حاجة
أنا باموووت من الضحك على ناس بتكتب أو بتقول حتى ... إنها بتكره فلان وخصوصاً لمّا يكون فلان ده مات وشبع موت
مالوش دعوة قوي بالتدوينة بس إنت عارف
أنا بآجي هنا أتعالج نفسياً

بعد إذنك الشيزلونج بتاعي

أسوور said...

تصنيفك للكتابة والكتاب أعجبنى
وفعلا هناك كتابات الفزلكة ودة تصنيف جديد أو تسمية جديدة للكتاب الأى كلام
كلامهم مجرد فذلكة
وفعلا تضحك من مرارة ما تقراه وجهله وضآلة معلوماته
وعلى فكرة الكتابة دى بتغيظنى قوى
تحياتى للبوست القوى وعلى فكرة قريته من غير نسكافيه

sara said...

البوست رغم انه طويل زي ما بتقول..الا انه بجد ممتع جدا ..وياخدك معاه من اول سطر لاخر سطر..حسيت وانا بقرأة اني شايفه بعض النماذج اللي قريتها في حياتي للكاتب المحترف وكنت بقارن في ذهني وانا بقرأ البوست فعلا بين كتاب اظنهم محترفين ..وكتاب اظنهم متفزلكين علي حد تعبيرك

كنت قرأت وسمعت عن بعض الاراء اللي بتنقض الصحابه ..زي الرأي مثلا اللي بيقول عن ابي بكر الصديق _رضي الله عنه_ انه قام بحروب اهليه ..اللي هي حروب الرده..بس المشكله فعلا ان بعض الناس ..وانا شوفت الكلام دا بعيني فعلا بتتأثر بالرأي دا ...بجد ربنا يعفينا من هؤلاء الكتاب ومن امثالهم

البوست رائع واسلوبك في العرض والنقد ..قوي ومتماسك ..احييك جدا

حواء said...

لكل قاعدة شواذ وهما دول الشواذ ... وبعدين انا قلت لك اللى زيهم كل همهم يلفتوا الانتباه وحد يتكلم عليهم زى ما حضرتك كدة اتكلمت ولو انا مش هعلق عليهم خااالص عشان بيبقى تفكيرهم محدود وكل همهم يظهروا وخلاص ... المهم انا دورت عالحروف النجليزى اللى قلت لى عليه مش لاقياها بصراحة مش عارفة تقصد ايه ....؟؟؟؟؟

مجهول said...

اميره
دايما كده معايا علي الخط علطول
واي خدمه وكل زياره وانتي طيبه
ثم تتعالجي ليه
انتي بجد انسانه محترمه وعاقله
وولا يهمك اتفضلي برضه الشيزلونج تحت امرك
ههههههههههههه
تحياتي دوما

مجهول said...

ياسمين
ياسلام وانتي منوره التعليقات
ومنغير نسكافيه برضه
اصل فيه ناس مش بتطيق تقرا حاجات طويله
وانا منهم صراحه
هههههههه
لازم اشرب حاجه
تتفضلي شاي دلوقتي؟

مجهول said...

none
اشكرك علي كلامك الجميل
ومتابعتك ليا واضافتك المحترمه
ودايما بسعد بتعليقاتك
تحياتي

مجهول said...

بوسي كات
يا اهلا
وسهلا
ومرحباااااااااااا
كنت اقصد اقول
word verification
بتاع التعليقات
اللي بيخليكي لازم تكتبي الحروف اللي ظاهره قدامك في مربع تحت التعليق
ارحموااااااااااااااا
ضعاف النظر
ههههههههههههههههه
وشكرا لتعقيبك
وصدقيني كثيرين فعلا فضلوا الصمت
حتي لا نشهر هؤلاء ونلقي عليهم الضوء
لكن انا مش شايف اني وضحت او شهرتهم انا اتعرضت في كلامي للموقف فقط

koukawy said...

صدقت يا مجهجه يا اخويا

Esmeralda said...

موضوع الكتابه التاريخيه ده مظلوم عندنا
محدش بيكتب بموضوعيه
يا الشخصيه طيبه او شريره يا ريت كده و بس لأ
يا ملاك و ممكن الموضوع لحد التأليه او شيطان
مثال على كده
ماقبل الثورة كله شياطين و مابعدها الملايكه

اسمح لى اديك رابط لمقاله قرأتها من 10 دقائق بس :)

http://208.109.248.104/article.aspx?ArticleID=56748

و اهو كلام و السلام :)

Unknown said...

انا شايف ان حتي التاريخ مش واخد حقه صح..لان اللي حينقد التاريخ حينقد التاريخ المكتوب

وللاسف لسخريه القدر.. احيانا في مناطق معينه من التاريخ , يكتب التاريخ من وجهه نظر الاقوي..وتسري علي الضعيف

لهذا تعرض التاريخ في بعض فتراته لحملات تشويه
وفي البعض الاخر لروايات مختلفه لا تدري ايها الصحيح وايها الخاطيء
ولهذا ايضا..نقد التاريخ يحتاج وقفه عندما ننقد ننقد اي تاريخ فيهم ؟

ولكن الشيء الوحيد المتفق عليه انه ايا كان صحه التاريخ من عدمه ,فان التاريخ مصدر لا ينضب للعبر,من لا يعرف كيف يتعلم من تاريخه هو شخص جاهل اخطأ في حق نفسه واخطأ في حق من تضرر بسبب جهله

كثير من الاحداث علي مر التاريخ قد تبدو مكرره.. والحل لاشد المشاكل تعقيدا في عصرنا الحالي ..دارس مبتديء في التاريخ سيقترح حلول فعاله اثبتت علي مر التاريخ انها هي الحل الوحيد
ولكن للاسف تدخل تعقيدات كثيره تحول دون تحقيق هذا .. كالمطامع الشخصيه.. او تقديم مصلحه النفس علي المصلحه العامه

اسف علي خروجي عن الموضوع قليلا.. بس علي الاقل انا بتكلم عن التاريخ
;)
والكلمه دي وردت في النص
:P

أسوور said...

مجهول
انا برضه مش بحب البوستات الطويلة بس البوست شدنى جدا وجرجرنى وراه لحد الآخر
:)
مش أى حد يقدر يعمل معايا كدة على فكرة
تحياتى

Anonymous said...

فعلا البوست كان ممتع

العملة الواحدة لها وجهين
من هادم وبناء
أنا لست مع تسليط الضوء على من لا يستحق
لة فى الأساس

Tamer Nabil Moussa said...

بوست رائع

الناس دى ليسة لها اى قيمة

وتريد الشهرة ولو على حساب الدين

تحياتى

حواء said...

أعتذر على عدم الزيارة
لانى بأكتب من برة وكان نفسى أعلق من زمان لكن الكمبيوتر فية مشكلة وأوعدك أول مايتصلح هأجى على طول
انت فاكرنى ولا اية سلام

gohayna said...

عن نفسي انا كل كتاب بحس بيه بشكل مختلف مع اختلاف كاتبه

يعني فيه ناس بحس بكلامهم كله وتستطيع الحروف انها تسكن وجدان عقلي وتلعب دور مهم في مسار حياتي

وفيه نوع تاني بعد ما بخلص قرائه الكتاب بنسي اسم الي كاتبه

بحس انه مفيش تواصل بيني وبينه
ومش بكتش دا غير بعد انتهاء الكتاب واحساسي اني متعلمتش منه اي حاجه

اما البهلونات ووصفك ليهم فأنا معاك في كل الي بتقوله

والمشكله انهم بيكونوا فاهمين انهم علي قمه الهرم وهما في القاع


تحياتي ليك بجد

والبوست مش طويل ولا حاجه
من ترتيبه وافكاره الحلوه محستش انه خلص
تحياتي تاني

الوردة السوداء said...

الموضوع كويس جدا
ويشد اوى
انا عن نفسى قريته كله
مع اخهتلافى معاك طبعا
فى بعض الامور
فى تصنيف الكتاب
بس انت فى الاخر اعتقد كنت موفق اكتر فى توضيح رؤيتك

Reemo said...

انا بشوف دايما ان الكتابه ضمير
وده منطبق على جميع انواع الكتابات
وخاصه الكتابه التاريخيه والسياسيه
اعتقد ان المتحكم الرئيسى فيها ضمير الكاتب فهناك من يشوه الكتابه لا لسبب الا لتشويه وطلب الشهره بالانتقاد المتوقع الحدوث لتشويهه وهناك من ينتقد بهدف التصحيح للقارئ هناك منيكتب كنقل فقط وليس لاضافه جديد بهدف الكتابه فقط
اعقد ان الفاصل بين كل نوع والتانى هو ضمير الكاتب فعلى حسب ضميره ومدى مصداقيته مع نفسه اولا قبل الاخرين ستظهر كتاباته
موضوعك جميل بجد
تحياتى

bastokka طهقانة said...

دي حاجة حلوة قوي قوي


فعلا متفقة معاك في كره من يحاول تشويه سيرة الخلفاء الراشدين رضوان الله عليهم


ربنا يهدينا و يهديهم


اوروفوار

koukawy said...

قلت اعدي اسلم و اقول فينك من زمان ؟؟؟؟

شـريف الصيـفي said...

بوست جيد يا " مجهول" ولي تعليق عام
انا اوافقك تماما في كل ما قلته
بس هناك مشاكل عديدة أهمها هي النظرة المقدسة للتاريخ ووضعة في مكانة ليست له كعلم بل كنص مقدس
ولنأخذ مثال صغير نحن لا نعرف عن صلاح الدين إلا تحرير القدس لكن هناك جوانب بشعة مازالت محفورة في الذاكرة الشعبية عن حكم قراقوش وزير صلاح الدين ، اغلاق الأزهر الشريف مئة عام كاملة واجبار المصريين للتحول عن المذهب الشيعي

كيف سيتعامل الباحث هنا مع هذه الشخصية
مثال ثاني ذكر في التعليقات وهو شخصية عثمان بن عفان رضي الله عنه نعم من العشرة المبشرين للجنة لكن سياساته هي التي مهدت للخلافة الأموية
وتأسيس تاريخي لما نحن عليه اليوم

مثال تالت مهم حول الحدث الديني والذي ينبئنا بزيارة المسيح الطفل مصر مع ابويه فتاريخيا وعلميا لا دليل واحد على صدق هذا الحدث الديني والذي اكدته المصادر الدينية وحدها
ميلاد المسيح نفسه وفقا للمصادر التاريخية يجب ان يكون سبع سنوات قبل تاريخ الميلاد المتعارف عليه
هنا المشكلة
كيفية الفصل بين ما هو ديني عقائدي وما هو تاريخي
القدسية التي تتوج بعض الاحداث او بعض الشخصيات دينية او وطنية
هنا المأزق

على المستوى الشخصي
ساستفيد كثيرا من مقالك
هيباتيا

مجهول said...

كوكي العزيزه
اشكرك علي سؤالك عليا
والله كنت مشغول اوي بس الدنيا منغير بلوج بقت وحشه شويه عندي
تحياتي

مجهول said...

ياسمين
يا سلام عليكي لما تجامليني
بجد بفرح بتعليقاتك يا جناب نايب العمده للرابطه التدوينه
ههههههههه
انشاء الله في حركه ترقيات قريبه حشوفك فيها

مجهول said...

ازميلدا
شكرا علي زيارتك وتشريفك ليا
وشكرا مره تانيه علي المقال ده
رغم اني كنت قاريه الصبح
بالطبع فيه ظلم كبير للشخصيات
كل واحد بيكتب بميوله وما يمليه عليه هواه
مش كلهم بس كتير منهم

مجهول said...

مشمش
صدقني مش عارف اشكرك ازاي
انته بجد جبت اللي عايز اقوله
فعلا
التاريخ مصدر للعبر ليس الا
ويمكننا ان نأخذ منه ما يعالج مشاكلنا او يساهم في حلها
لا ان نهدمه
تحياتي ليكي
بجد تعليقك رائع واسف لتأخري في الرد

مجهول said...

نبيذ
اهلا اهلا بالصديقه الرقيقه
اسف لتأخري في الرد وعدم زيارتك في مدونتك بس انا كنت بعيد اوي عن التدوين
وفعلا انا شايف كلامك صح
تسليط الضوء علي من لا يستحق
ويمكن وقعت انا في الخطأ ده

مجهول said...

تامر نبيل
فعلا لا قيمه لمن ليس له تاريخ ولا اصل ولا قيم ولا مبادئ
لا قيمه لمن يهاجم مقدسات الاخرين
لا قيمه ولا عقل لمن يهاجم فقط دون هدف

مجهول said...

حواء
طبعا فاكرك
امال حاطك عندي في قايمتي المفضله ليه يعني
ههههههههه
سعيد بتعليقك واتمني تعليقك دوما
وربنا يقوم جهازك بالسلامه
هههههههه

مجهول said...

جهينه
اشكرك عزيزتي
علي متابعتك ليا
وارجو ان تكون كتابابتي دوما خفيفه
هههههههه
تحياتي

مجهول said...

الورده السوداء
اختلفي حضرتك زي ما انتي عايزه
هههههههه
اكيد طبعا لازم نختلف
كل منا يري الكاتب من تصنيفه
وانا قلت انها وجهه نظري
وسعيد اوي اوي بتعليقاتك دوما
رغم غيابي الاضطراري عن مدونتك ومدونات اصدقائي
اشكرك علي متابعتك دوما

مجهول said...

ريمو
تعليقك بجد رائع
بجد وفعلا تعليقك وتعليق مشمش بيلخصوا كلامي الكتير في كلامكوا
الحكم
هو الهدف
والضمير
هدف لبعث حل من التاريخ للمشاكل الحاضره
والضمير في الكاتب ليكتب بضميره وحياديته
تحياتي علي كلامك الجميل

مجهول said...

طهقانه هانم
والله عندك حق
وبكون سعيد اوي بتعليقاتك البسيطه
ومعلشي بقا شكلي فاتتني حكايات كتير من حكايتكوا بس ملحوقه
سلامي لطهقان
واورفوار
وبونجور

مجهول said...

استاذة هيباتيا
سعيد جدا بتعليقك الاول عندي
وسعادتي اكبر لعودتك وكم كنت انتظرها
وسعيد لاتفاقك معي
وما ذكرتيه من امثله
وما طرحتيه من اسئله
ربما سيصنع مناقشات طويله بيننا
سوف تفتح علي مر الايام
انشاء الله
ولكن ليكن اتفاقنا سائدا
ان تصحيح ومعالجه التاريخ
لا تتم الا بالالمام بكل الروايات وكل التفاصيل الدقيقه عن الفتره او الشخصيه
دون التعرض لاي احد بالاهانه و التقليل الا نكن نهدم تاريخنا
ثم ان الصحابه والرموز بشر يمكن ان يخطئوا لكن
سيدتي نحن في فتره ضائعه بين جيل يبحث عن عقل يفكر به واتجاه يأخذه بعيدا لحياه ومستقبل مشرق
نبحث عن قدوه وعبر وخلاصه تجارب تفيدنا في حاضرنا
نبحث عنها في التاريخ
اذا فلماذا نحاول زياده الالتباس في رؤوس الناس
نحاول معالجه التاريخ لكننا في الواقع نخطئ ونهدمه
انها شعرة فاصله
بين الاثنتين
سيدتي كم سعادتي لا يوصف بتعليقك عندي
وعودتك مره خري
فقد كتبت البوست يوم ان اعتزلتي
وها عدتي كما عهدتك كاتبه محترمه ورائعه
ربما نختلف كثيرا لكني احترمك
مع تحياتي
..........
ملحوظه
هناك خطأ كتابي في تعليقك
قلتي


مثال تالت مهم حول الحدث الديني والذي ينبئنا بزيارة المسيح الطفل مصر مع ابويه


.....
أبويه
طبعا دي الغلطه
وقصدك
أمّه

......
تحياتي لك مره اخري واتمني تواجدك دوما

شـريف الصيـفي said...

البحث عن قدوة
ذكرتني بمقولة من مسرحية برتولد بريخت " حياة جاليليو" قيلت على لسان جاليليو ردا على تلاميذه الذين اتهموه بخيانة قضية العلم واستسلامه لمحاكم التفتيش وردا على تلميذه اندريا الذي قال: مسكين البلد الذي ليس فيه أبطال! فرد جاليليو: مسكين البلد الذي يحتاج لأبطال
.............
أدينا اختلفنا تاني أنا أتحدث عن التاريخ كعلم وأنت مصمم النظر له من منظار الأسطورة

شفت ادينا أمام مثال رابع

tota said...

بين هؤلاء الكتاب يقف القارىء حائرا لا يعرف كيف يصنف قد يستغرق وقت طويل حتى يصنف الكاتب وبعدها يعرف خطواته التاليه

وقد يتحول هذا القارىء يوما الى كاتب كما تحولنا جميعا عن طريق التدوين قد يتعلم البعض من اشياء كان يبغضها وقد يسقط فى نفس الهوة دون ان يدرى

قلة فقط استطاعوا ان يتداركوا الاخطاء وان يفصلوا الكاتب عن رأيه فى النقد

اكثر شىء كرهته بمعنى كلمة الكره فى العالم التدوينى والذى يكون فيه جليا القدرة على النقد المباشر عن طريق التعليقات هو توجيه النقد للشخص لا لوجهه النظر وشتان الفارق فى الخطاب
لا يحق لاى شخص توجيه نقد لشخص لا يعرفه لكن له كل الحق ان ينتقد الفكرة بطريقة تخلو من اى سب فلايعنى اختلاف الراى ان احدهم على حق ولكن لكل فكرة اتجاهات مختلفة يمكن ان تُفهم منها

اما حرية نقد الصحابة فكما اشرت لا يملك الكاتب هذا الحق انما يملك نقد الفكرة وليس هذا يعنى ان اى منهم مخطىء او على صواب

سر بينى وبينك اشك دائما فى التاريخ لان كتابه بشر ولطالما كان هناك اهواء ومفاهيم واختلاف فى وجهات النظر فيبقى نسبة لا بأس بها غير حقيقية فى السرد تصيبنى بحيرة وارفض تصديق التاريخ بنسبة مائة فى المائة ( هذا على هامش الموضوع ليس اكثر) من اى الكتاب انت يا صديقى ؟