Saturday, September 08, 2007

صراع مع .. فكري

حدث بالأمس أن كنت في صراع مع فكري .. تاااني
و فكري الذي لا تعرفونه .. هو صديقي اللدود

تماما كأني أقف أمام المرايا
مجهول في ناحية .. وفكري عكسها .. وكلانا ينظر للأخر بحنق

فكري عكسي تماما
بدءا بالهيافات وإنتهاء بالأراء القيّمة ووجهات النظر , فلم أتفق معه يوما علي شيء تقريبا والحمد لله
وكل مرة تنتهي كما بدأت .. هدنة مؤقتة وإلي لقاء أخر , وفي اللقاء الأخر نفتح .. صفحة جديدة
وصفحة ووراها صفحة ويخلص الكشكول , ونجيب كشكول جديد وهكذا دواليك

من فترة ليست بالقليلة أنعم الله عليّ بحياة خالية تقريبا من .. فكري
فقد سافر أخونا فكري ولم اعد ألقاه وخلي الجانب الأخر في المرايا
إلا من مناوشات هاتفية أو أحاديث كتابية يمكننا إنهاؤها في أي وقت والتحجج بسوء الإتصال

كنت كثيرا أجلس أفكر في .. فكري
لماذا هو عكسي دوما ؟ أو ربما لماذا أنا عكسه؟ , فقد إختلفنا في كل شيء

بدءا من
زمالك وأهلي
فهو اهلاوي متعصب مغرور متعالي من وجهة نظري
وأنا زملكاوي يعيش أوهام المؤامرة ووساوس الظلم المدبّر من وجهة نظره

وأيضا الذوق في الطعام والشراب
أنا لا أحب تناول السمك ومنتجات أعالي البحر كثيرا
هو سبب رئيسي من أسباب نضوب الثروة السمكية
أنا من محبي الشاي الأخضر
وأخوكم فكري ... بلاش أقولكم بيقول إيه علي الشاي الأخضر

قس علي ذلك كل شيء
الرياضة المفضلة لكل منا
أراؤنا في الفن والمسرح والسينما
أراؤنا السياسية والإقتصادية وحتي نظرتنا للتاريخ
ووجهات نظرنا في القضايا العامة حولنا
حتي الإختلاف النفسي كان موجودا بيننا
فمثلا أنا أعشق المطر لحظة نزوله وهو مصاب بالمطروفوبيا
حتي الإختلاف في طريقة الحياة وتناولها

وأضف لذلك كم القلق والحيرة والإنفعال الذي يضعني فيه بعناده
وكم الضغط النفسي حين لا أجد مفرا من فتح صفحة جديدة لموضوع جديد وإختلاف جديد
فصديقي اللدود فكري سيكون أحد الأسباب المنطقية لإصابتي بالضغط والسكر والشلل الرعاش

بعد كل هذا وأكثر
نعم يوجد أكثر بكثير وكثير مما ذكرت

بعد كل هذا وأكثر لماذا أفكر في فكري وأشتاق إليه
وليس هناك شيء ولو تافها يجمعنا
سؤال وجيه .. صح
.....
فلاش باك
منذ عامين جمعنا مكان ما .. مجهول وفكري
وكنت مصرّ أن ابتعد تماما عن أي موضوع للجدل والنقاش أيا كان تافها أو دسما

فقد كنت أحس بوخز في الجانب الأيسر لصدري من الإرهاق طوال اليوم , ولكن مع فكري ونقاشه سيتحول الإرهاق بالطبع إلي .. ذبحة صدرية

خدنا الكلام وأفقت في النهاية لأجد نفسي في قلب النقاش
عن القراءة فوائدها ومضارها

أي نعم .. هناك من وجهة نظري مضار للقراءة
وهي متمثلة في أخي اللدود فكري .. من وجهة نظري
فصاحبنا يعد من مساويء التعليم والقراءة والكتابة ومشروع نحو الأمية
فعندما يقرأ كتابا به فكرا أو وجهة نظر يقتنع بها تماما
وبمجرد أن يقرأ الكتاب يقتنع تماما ويسلم تسليما أن صاحب الفكرة
بيقول كلام زي الفل
دون أن يكلف نفسه في البحث عن وجهة نظر أخري
ويقارن بنفسه أيهما أقرب للصواب والحق
وكثيرا ما يشغل باله وعقله وتفكيره بأفكار بالية
وخرافات وكتابات لا تودي ولا تجيب
ولا يأتي من ورائها طائل غير البلبلة والتخبط

وبالطبع قلت وجهة نظري بدون ذكر أسماء منعا للتجريح
وإنتظرت الذبحة الصدرية .. من فكري
صمت فكري كثيرا قبل أن ينطق ... أتفق معاك

سبحان الله .. لم أسمعها في حياتي منه إلا هذه المرة

وأتبعها بقوله
والحمد لله أنا مش كده خالص .. أنا من أنصار الرأي والرأي الأخر

أأأأأأأأأأأأأأأأأأأأأأأأأه
...........
عودة لسؤالي وإجابته
كثيرا نحتاج في حياتنا أمثال فكري .. الصورة العكسية
وجهة النظر الأخري حتي لو كانت قاسية
إكتشفت الأن سر إشتياقي لجلسات فكري

فأنا لست ملاكا بأجنحة وكثيرا أعاند وأتشبث بوجهة نظري , وأتبني موقف وأظل أدافع عنه
غالبا يكن فكري في الجبهة الأخري المضادة
إذن فهو فعلا صورتي العكسية
تلك المرايا التي تكشف لي عيوبي دون أن يتعمد , وربما أنا أيضا له كذلك
أراه عنيدا .. وهو بين نفسه يراني كذلك

ولكن في فترة النقاهة التي خلت .. من فكري
أحسست بملل الحياة علي وتيرة واحدة وأحسست بنقص شديد في صفوف المعارضة
فكما أشرت برأيي في القراءة ووجوب تنوعها بين الرأي والرأي الأخر , يمكننا أن نتبع نفس المبدأ في الأصدقاء والمحيطين بنا

بالطبع الأخلاق والصفات الحميدة هي أساس للإختيار , وتكن بعدها نعمة تنوع الأشخاص حولك
لا أعني هنا أن يكن التنوع دائما لدرجة .. عناد فكري
لكنك تحتاج لوقت أن تقف أمام مراية تعكس كل شيء فيك أمامك ,تحتاج لمن يقف علي الجبهة الأخري يقل .. لست أتفق معك
تخيل لو كنت من محبي
حديث المرايا
وهو ليس دربا من جنون , أن تجد مرايا ناطقة تري فيها صورتك العكسية
فالضد يظهر حسنه الضد
وللحق .. كثيرا تعلمت منه وأخذت عنه , وهو أيضا كثيرا تعلم مني وأخذ عني
لكنه العناد المتبادل بين بني البشر يمنعنا من الإعتراف , والحب أيضا الموجود داخلنا رغم إختلافنا يمنعنا من الإفتراق
حقا .. إنها تركيبة إبن أدم العجيبة
............
وبالأمس
كان لقائي مع صديقي اللدود بعد غيبته الطويلة , خدنا الكلام كالعادة لكني إستفقت مبكرا
قلت بصوت عالي .. لا يا عم مش لاعب تاني , ضحك كعادته وطلب فتح صفحة جديدة
وأكتملت .. صورة المرايا
...................................
كل عام وأنتم بخير بقرب حلول شهر رمضان المعظم
أعاده الله علينا جميعا بالخير واليمن والبركات
اللهم بلغنا رمضان ووفقنا إلي ما تحبه وترضاه

59 comments:

Gid-Do - جدو said...

صديقى العزيز

بوست يبعث على التفكير ـ يؤدى اختلاف وجهات النظر فى مسالة ما الى بحث كل جوانب المسالة مما يؤدى الى الوصول الى توضيح المسالة اكتر ـ ـ فيه مثل مصرى شعبى
بيقول ـ القط بيحب خناقة ـ تحياتى
وكل سنة وانت بخير بمناسبة رمضان

محمد عبد الغفار said...

اشوف فيك يوم يا فكرى

tota said...

اولا كل سنة وانت طيب
ورمضان كريم عليك وعلى الامة لاسلامية جميعا وعلى فكرى كمان
:)

فكرى وانت والتضاد
اظن وصفت باشتياقك لفكرى برغم تعارضه معك فى كل شىء الصورة الطبيعية للحياة
ونرجع نقول ان لولا وجود التضاد فى كل شىء لكنا اصيبنا بالملل ولفقدنا ادراكنا لمعنى الشىء
مستحيل تعرف ان فى نهار الا اذا كان فى ليل
ومش هتحس بالدفى الا اذا حسيت بالبرد

وهكذا كل شىء معنوى او محسوس
وجود فكرى يعنى وجود الحوار ومحاولة اثبات الرأى
بدون فكرى او النظرية العامة وهى اختلاف وجهات النظر ستكون الحياة مجرد نسخ متطابقة من الاشخاص واغلب الظن ان الاحاديث سوف تندثر

اختلاف الفكر والاذواق هو المبرر الوحيد للتنوع فى الحياه

جميل ان يكون هناك رفيق يلعب دور المرايا فى حياتنا والاجمل ان نتعلم كيف ننعم باقتباس الاشياء والاستفادة منها

عندك واحد فكرى سلف ده حاجة جميلة جدا

احسنت يا دكتور فى لمس الاشياء الطبيعية بنظرة مختلفة عن النظرة المعتادة
تحياتى

عصفور المدينة said...

كل عام وانت بخير وانت وفكرك الرائع

الحقيقة نحتا إلى فكري زي بتاعك ده بس ليس من أجل تعذيب النفس ولكن لتفهم الآخرين جيدا وإعادة تقييم المواقف وترتيب الأفكار

Jana said...

دكتور مجهول

فكرى اذن يرتدى قميصا ذا ازرار على الجهة اليسرى
ويرتدى ساعة ويضع دبلة فى اليد اليمنى

لا عجب اذن ان لم تتفقا

ولكن بالرغم من برودة درجة حرارته وسطحه الاملس دائما
وصورته المسطحة ذات البعدين دون الثالث

الا انه الاقرب اليك ..وبعد الله ...الاعلم بك

فيكفى انه يضحك ...ويبكى معك ذات اللحظة

كل عام وانت بخير
والى الله اقرب

فى القلب said...

مجهول
تصور وأنا أقراء تمنيت أن يكون لى صديق مثل فكرى فهو فعلا كنز
لم أحس بأهميته ألا عندما قرأت كلامك
لانى غالبا فى حاله توافق حركى عصبى مع الذى أكلمه فى المرأه
لأجل ذلك أبحث عن الأختلاف فيمن حولى
لأجل أن يصنعوا لى هم الذبحه الصدريه
هههههه
وكل عام والعملاقين المجهول و فكرى فى أحسن حال

عدى النهار said...

كل رمضان وأنت طيب

كان لي صديق مثل فكرى ولكن ليس بتلك الحدة.. يمكن بسبب تشابه الأسماء فقد كان إسمه مدحت

كان ذلك أيام الجامعة وسنوات العمل الأولى.. يبدو أن طبع "النآر" يهدىء مع مرور السنين

(:

كل رمضان والمسلمين جميعاً بخير وحالهم أفضل
واللهم بلغنا رمضان ولا تحرمنا فضله
ووفقنا لما فيه رضاك وأعنا عليه

مجهول said...

جدو العزيز

بس مش في كل الاحوال القط يحب خناقه
وخصوصا لما ابقا قط وفكري خناقه
ههههههههههه
تعدد الجوانب هو طعم الحياة الذي يكسبها طبيعيتها

كل عام وانت واسرتك بكل خير

مجهول said...

محمد عبد الغفار

وانا كمان

كل سنة وانت طيب

مجهول said...

عصفور المدينة

فعلا مش لازم لدرجة فكري
ده يبقا عناد فكري ورفض في اغلب الامور

بس الاختلاف مطلوب
ولو كما قلت دافعا لفهم الاخرين والقدرة علي التواصل معهم

كل عام وانت بخير

مجهول said...

jana

لا يا سيدتي ليس الاختلاف لهذه الدرجه
ههههههههههه
او تصدقي ممكن اصل مش ببص علي الحكاية دي

.........
صورة المرايا التي توصفينها يا عزيزتي هي نفس ما احس به دوما حين انظر اليها

رغم السطح الاملس البارد الا انها بالفعل الاقرب لي بعد الله تعالي

وهكذا كان فكري

تحياتي لك ونورتي المدونة يا شريكة اللعبة

كل عام وانت بخير

مجهول said...

في القلب

مابلاش احسن

يحفظك الله من كل الامراض

بس صراحة في اختلافات مع اخونا فكري محدش يستحملها بصحته غيري الحمد لله لو مع حد تاني ممكن تبقا مشكله

بين اصدقائك ستجدي صورتك العكسية دوما ربما تكن بإختلافات بسيطة وانشاء الله معدلة اكثر من فكري ... دققي بس حتلاقي صدقيني ... بس ساعات الاتفاق بيكون راحة
ههههههههههه

كل عام وانت بخير وصحة وسلامة

مجهول said...

مدحت .. عدي النهار

كل عام وانت بخير

اكيد صاحبك مش حيوصل لدرجة العند
لان خلافاته قلت وكانت محصورة في فترة معينه

بس ده بيدي طعم جميل للحياة بين الاصدقاء
تعدد للأوجه التي جمعها الحب والصداقة


كل عام وانت بخير
ربنا يتقبل مني ومنك ومن كل المسلمين خالص الاعمال

مجهول said...

توتا

رمضان كريم عليكي وعلي كل احبائك
........
عندي واحد فكري سادة .. ينفع
ههههههههههههه
...........

الصورة الطبيعيه هي بالفعل الصورة وعكسها
فلا يوجد شيء الا وضده يجعله واضحا جليا

تعدد الجوانب في الحياة واختلاف اتجاهاتها هو طعم مميز فيها يدفعها للاستمرار


تحيات معطرة بالياسمين

Anonymous said...

هل يا ترى فكرى كائن حى؟؟

ولاّ اللفظ نفسه يتمتع بخاصية الجناس الكامل؟؟

لأن أحياانااا
أنا أشعر بداخلى بالاثنين سويا
أنا وفكري
فكري اللى هو فكري
من فعل فكر يفكر يتفكر

خخخخخخخخخخخخ معلش توضيحة عالماشى

بأحس بعدها انى ممكن يخرج فكري من جوايا ويقعد جنبي ياخد ويدي معايا




كل سنة وانت طيب
ورمضان كريم عليكم يا رب

انكسارات .. احمد البوهى said...

اسعدنى زيارتى لمدونتك كثيرا
حقيقى تحمل فكر مميز
وراقية المعالم
وهادئة المنطق
...
على فكرة انا كنت مفكرنى انت ..بس اتلقيتها تشابه صور
..
تقبل تحياتى

خمسة فضفضة said...

السلام عليكم ورحمة الله وبركاته

جميل ان يكون في حياتنا آخر وجميل ان نتقبل هذا الآخر بصدر رحب

فكما ذكرت كلنا يحتاج من يوضح له عيوبه واخطائه ويظهرها له واضحه تماما كما يري صورته في المرآة


ربنا يخلي لكل واحد منا فكري بتاعه

-----------

بالنسبه لموضوع الاهلي والزماك فكري عنده كل الحق
فعلا كل الزماكاويه مصابين بالوسواس القهري ويعيشون في اوهام نظرية المؤامره

كمان موضوع السمك ...هو فيه حد في الدنيا ما يحبش السمك يا مجهول باشا

(: (: (:
-------------------

كل سنة وانت طيب ...اللهم بلغنا رمضان


تحياتي

koukawy said...

رمضان كريم و كميييييل

حائر في دنيا الله said...

في الاختلاف فوائد كثيرة دام تحت إطار التفاهم والتكامل والإحترام المتبادل والرغبة في الوصول

و
رمضان كريم
والسلام عليكم

.:.-=- ELGaZaLy-=-.:. said...

صديقى العزيز

كل عام وانت بخير...

رمضان كريم

أميرة البلطجية said...

كل سنة وحضرتك طيب يا دكتور
والحلقة الرابعة من اللعبة نزلت

... said...

ممكن اقول رمضان كريم
:)
كل سنة وانت طيب

lonely said...

الاختلاف فى الاراء والطباع لا يمنع وجود توافق روحى هو ما يجعلنا نشتاق لاشخاص قد يكونو عكسنا تماما
وهناك شيء اخر اقوى الا وهو التعود
اعتياد شخص ما حتى لو كان على النقيض تماما منا
يجعلنا نشتاق اليه اذا ما اختفى من حياتنا
التعود احيانا يكون اقوى من الحب نفسه
رمضان كرييم

gohayna said...

اولا كل سنه وانت بالف خير وصحه وسعاده

انت وفكري
ههه

ثانيا صحيح الانسان سعات بيحتاج انه يبص في الاتجاه المعاكس عشان يفوق وعشان يقدر يعرف اتجاهتا تانيه واراء تانيه لموايع بيسعي انه يكون فيها وجهه نظر

ودي مش بتيجي غير بالمناقشه والاستماع للرء والرائ الاخر عشان نقدر نكون صوره صحيحه لاي موضوع



ودا الي انت بتعرضه بكل كلامك دا باسلوب شيق وممتع

بجد انت فنان وبتخليني افكر بابعاد مختلفه جدا جدا جدا

كل سنه وانت طيب ويارب ربنا يهنيك

ويسعدك


وبطل لعب ششويه مع فكري


تحياتي ليك جدا

محض روح said...

في ناس كتير وجدوهم مابيكونش مريح اوي بالنسبه لينا بس صعب نعيش من غيرهم

فكري موجود كتير
وممكن يكون كمان فينا

على العموم كل سنه وانته طيب ورمضان كريم عليك يارب
:)

yasmina said...

فعلا كثيرا ما نحتاج في حياتنا الى فكر يختلف عنا ويرينا الطرف الاخر للعملة

كثيرا ما انقش فكري ايضا واحتار معه

لدي بوست عن الفكر كتبته سابقا

تحياتي

koukawy said...

جيت اسلم عليك و علي فكري

أسوور said...

فكرى هو النقيض والتناقض داخل كل منا
بوست رائع بجد
تحياتى

Anonymous said...

وحشنى كلامك وكل سنه وانت طيب كنت متابعاك بس من بعيد
رمضان كريم

yasmina said...

كل عام وانت بخير

هو الفكر دايما ياخدنا لبعيد
وانا عندي مشاكل كثيرة مع فكري لانه دائما يتلقفني من مكان الى اخر

ولا يدعني ارتاح

تحياتي

محض روح said...

ممممممم
ليك كتير مش بتكتب
يارب تكون بخير
:)

طمنى عليك

كل سنه وانته طيب

حائر في دنيا الله said...

ها يعم المجهول أين ذهب بك فكرك
الي نعيم تنعم به بعيدا عنا
أم أرق تحمله وحدك

يسر لله أمرك
وطمأننا عليك

لك تحياتي
السلام عليكم

Jana said...

اتمنى الا يكون صراعك مع فكرى هو سبب اختفائك
عموما لمن سيخرج منكم اولا
كل سنة وحضرتك فى نعمة وخير

اعرف قاتلا مأجورا ..ابن حلال ..قد يخلصك من شخص ما اذا احببت

تقبل الله صيامك
وثبتك على طاعته
عيدا سعيدا

دمت طيبا

Anonymous said...

حبيت اقول كل سنه وانت طيب جدا ومحبوب جدا وبتحب جدا وكل حاجه كويسه جدا وكل اللى انت بتحبهم طيبيين وكيسيين جدا جدا

عدى النهار said...

حبيت أقول لك كل سنة وإنت طيب ولعلك تكون بخير إنشاء

sara said...

بوست جميل وواقعي

عشت قصته قبل كدا مع صافي صاحبتي او الصورة المضاده ليا ..رغم اننا اصحاب جدا وبنحب بعض جدا ..الا اننا عكس بعض في كل حاجه..هي مسالمه وهاديه ووديعه وبتذاكر دروسها اول بأول ..حاجه كدا عامله زي صورة الطالب المثالي اللي بيرسموها في الكتب

انا طبعا العكس مناكفه ودماغي ناشفه وشرانيه ومش بذاكر غير اخر شهر بس ..ورغم كدا كانت تقريبا نتايجنا واحده في اخر السنه .. والاغرب اننا اصحاب جدا وبنحب بعض جدا

يمكن ساعات بحتاج لها لما يبقي العند راكبني ..هي اللي بتقدر تهديني ..وهي بردو بتحتاجلي لما بتبقي محطوطه في موقف مش عارفه تاخد فيه قرار

يعني احنا كدا عاملين زي الشكلين اللي بيكملوا الدايرة

عكس بعض ..بس الدايرة ما تكملش غير بيهم

بوستك دا بجد ..فتح ماسورة زكريات صعب اقفلها بسهوله ..ويمكن انزل بوست قريب عن صافي صاحبتي


ملاحظه اخيرة : انت ليه طولت الغيبه كدا ؟؟

الأغاني للرأفتاني said...

ولاااااه يا دكتور
هو فكرى قتلك ولا ايه؟
ولا نتيجه الامتحانات مش ولابُد؟
طمنا عليك

مجهول said...

شهروزة العزيزة
ممكن يحمل الاتنين
بس فكري شخص حقيقي بس مش اسمه فكري

زيارتك دوما تسعدني جدا

تحياتي لك

مجهول said...

inksarat

اهلا بك صديقا وزائرا بمدونتي المتواضعه
وستجدني قريبا وفي اقرب فرصه معلقا عندك

تقبل مودتي

مجهول said...

دكتورة فضفضة

متفق معاكي في كل حاجة
بس
بلاش حكاية الوسواس دي
لو عند الزملكاوية وسواس يبقا برضه الاهلاوية جنون عظمة
اهي كلها امراض نفساوية برضه
ههههههههه

ومش انا لوحدي اللي مش بيحب السمك
ده فيه رابطة اللي مش بيحب السمك
واحنا كتير اوي اوي
.......
انا زعلت علي فكرة لهزيمة الاهلي انبارح
الحاجة الحلوة الوحيدة في الكورة راحت

تقبلي مودتي
وكل سنة وانت بألف خير ولو انها متاخرة اوي

مجهول said...

حائر في دنيا الله العزيز جدا

اشكرك لسؤالك عني اخي الكريم
ادام الله عليك نعمة حب الناس

عائد ان شاء الله قريبا للتدوين من جديد

تقبل تحياتي الخالصة

مجهول said...

كوكاوي الكميل

اشكرك يا كوكي يا رقيق علي سؤالك
دمتي دوما بخير وسعادة يارب

وكل لحظة وانت بخير

مجهول said...

محض روح الرقيقة

طبعا فيه ناس وجودها تقيل علينا
بس شر لابد منه
ههههههه
زي الملح كده والبهارات لازم علشان نعرف نكمل اكل
ههههه

دمتي بخير وسعادة

مجهول said...

الغزالي
العزيز جدا

كل لحظة وانت بخير
لو انها متأخرة شهرين
بس سامحني

دمت بخير وسعادة

مجهول said...

اميرة ... ندي ... ملكتنا المبجلة

متخافيش متابع تطورات الاحداث
واللعبه تتحول من احسن الي افضل الي اجمل

كل لحظة وانت بخير
وعاشت المملكة

مجهول said...

حلم
صاحبة الطيارة المحلقة عاليا

كل لحظة وانت بخير
ولو انها متاخرة

استمحيكي عذرا للغياب في الرد

مجهول said...

ياسمين

تعليقك دايما بيسعدني
يا نقيب المدونين

كل وقت وانت بخير
ودمتي بسعادة دوما

مجهول said...

عدي النهار

راجع ان شاء الله قريبا

تقبل مودتي الخالصة واشكرك علي سؤالك

ادام الله عليك حبه وحب من يحبه

مجهول said...

jana

بلاااااش قاتل مأجور

خلاص فكري سافر

احمدك يارب

واخيرا حرجع تاني بعد التخلص من مخلفات فكري من البيت

هههههههه

اشكرك لسؤالك
وكل وقت وانت بخير وطيبة

مجهول said...

yasmina

الفكر يأخذنا دوما لبعيد
المهم
الا يشتتنا ويضيع عقولنا

دمتي بخير دوما

مجهول said...

جهينه .. صاحبة الخبر اليقين

وحشتني جدا كلماتك الرقيقة الهادئة في فترة غيابي

عائد قريبا لبحر احلامك الصامت العذب

اتمني لك السعادة دوما
دمتي بخير

مجهول said...

lonly
التعود احيانا يكون اقوى من الحب نفسه

جملة رائعه
اوافقك رأيك الرائع

التوافق الروحي قد يتواجد حتي وان وجد اختلاف في الرأي او في اسلوب الحياة

اشكرك علي متابعتك
نورتي المدونة

دمتي بخير دوما

مجهول said...

bonboni

اهلا بك جدا جدا جدا

نورتيني بجد
كنت اتساءل دوما
اختفيتي ليه كده

جميل انك عدتي مرة اخري

اشكرك علي كلماتك وسؤالك عني

دمتي بخير وسعادة دائمة

مجهول said...

رأفتولوجي العزيز اوي

ايوووووووووه عليك

هوه احنا بنلعب كورة مع بعض في الشارع علشان تقولي يا ولاااااااه
ههههههههههه

جميلة اوي القصيدة الاخيرة بتاعتك دي

انته بتعرف تكتب الكلام ده ازاي ؟؟

......
امتحانات ايه راجل !! احنا بندور علي المم دلوقتي
اكل العيش بقا
.......
اشكرك لسؤالك عني يا صديقي العزيز

جزاك الله كل خير ووفقك في حياتك دوما وسدد خطاك

مجهول said...

none

مناكفه ودماغي ناشفه وشرانيه ومش بذاكر غير اخر شهر بس ..ورغم كدا كانت تقريبا نتايجنا واحده في اخر السنه


وانا كماااااان برضه
هههههههه

زي ما قولتي بالظبط
بيكملوا الدايرة

لابد منهم الاتنين معانا

اشكرك علي تعليقك الجميل
واتمني لك حياة صافيه وسعيدة مليئة بذكريات جميلة

gohayna said...

الحمدلله اننا اطمنا عليك

يارب ترجعلنا بالف مليون سلامه يا اخي العزيز

تحياتي ليك جدا

Reema said...

عودة
:)

koukawy said...

انت فين يا مجهجه البلوجات وحشه من غيرك

gohayna said...

انا قولت انك رجعت ومقلتش

طلعت لسه

لما ترجع طمنا عليك يا اخي العزيز

تحياتي ليك جدا