Thursday, April 05, 2007

قل ما بدا لك يا بني و لا تخف

نعيش في عصر إختلط به الحابل بالنابل
وتشتت فيه الأفكار وكثرت به الإدعاءات
وإرتكبت به الجرائم والأفعال بدعوي حرية الرأي
وأٌستغل الهدف الأسمي للفكر والعقلانية
وأصبح حجة يتغني بها كل جاهل وغبي ومٌغرض
........
وبحثا عن طوق نجاة
نخوض معركتنا العقلية
ننهل من تجارب الأخرين
ونتعلم من تجاربنا
نشكل أفكارناووجهة نظرنا في الأمور
ونكون شخصيتنا علي هذا الأساس
ونصبح أصحاب فكر
..........
قد نقترب من الصواب ولكن
قد ياخذ التشدد والتنطع للبعد عن الحق
وإزدراء الأخرين من مخالفينافي الرأي
قد يصيبنا تشددنا بالعمي
فنهدم بأيدينا ما نعتقد أننا نبنيه
معتبرين أنفسنا أوصياء علي عقول الأخرين
..
وقد نبتعد عن الحق
ويطيح بنا الإنحلال لبحور من الضياع
ونتوهم كمال عقولنا وفكرنا
ونعلو بأنفسنا فوق كل نقد
وتأخذنا العزة ويتلاعب بنا الغرور
فنتوه .. ونتوهم الحق في الضلال
فنخدع بحرية الفكر ونتعدي حد الأخر معتدين
ولا نرحب بأي صاحب عقل غير من أتفق معنا
ونقصر الإبداع والرأي علي ذاتنا
..
وقد نصبح عبيدا لفكر الأخرين
نتوجهم ألهة للوجدان والعقل
لايقولون إلا صوابا
نصدقهم بلا تبرير ولا تفكير
نلغي عقولنا ليفكروا هم ويملوا علينا لننفذ
وكأنهم ليسوا بشرا مثلنا
..
وقد يضيق بنا الحال
ولا نرضي أن نكون من الثلاثة حالات السابقة
ونمتنع عن الكلام
ونصمت طويلا وإلي الأبد
خوفا من الخطأ
وفقدانا للثقة في قدرتنا
وحزنا علي حال الدنيا
فقد ضاع فيها الحق
..........
ونقف في لحظة صدق نتساءل
أين الصواب
..
وسيكون العقل هو الجواب
فلا متبوع ينفع تابعه إلا في الحق
ولا فضل لإنسان علي إنسان إلا بالحق
خلقنا جميعا سواسية
..........
إن الفكر و الرأي نعمة من نعم الله علي الإنسان
ميزه به المولي عز وجل ليتدبر ويتفكر
وأعطاه الفرصة كاملة في حريته للإختيار
من حرية رأيه لحرية عقيدته
..
وعليه
كن وسطا متسامحا
فقد أصبح الفكر مسؤلية الفرد حامله
به يحاسب وبه يعاقب وبه يكافأ
فلن تجد مبررا واحدا لأحد ليحجر علي فكر أخر
حتي لو كان داعيا إلي حق
فلا دعوة للحق بالهدم
بل الدعوة بالبناء و العقل والحوار
ومواجهة فكر بفكر
...
كن إنسانا يفكر بعقله ولايعلو علي أحد
فلن تجد مبررا لأحد أن يعلو بفكره فوق النقد
فلا هو إله ولا رسول بل هو بشر
يخطئ ويصيب
وناقديه بشر..يصيبوا ويخطئوا
ولا يكتمل فكر إلا بنقد
ولن تجد مبررا لعاقل أن يتخطي حدود الأخرين
فلا هي حرية فكر بل سفه
وهمجية وغباء وجهل وتخلف
ولن تجد عاقلا يفكر يري حقا في ضلال
...
وكن أنت عقلا وفكرا
فلن تجد أبدا مبررا لمن باع عقله وأصبح قردا
أو بغبغانا يردد بلا فهم
لن تجد مبررا لمن تخلي عن أمانة الله وميزته للبشر
وأصبح كالأنعام يقتدي بلا أن يفكر
أصبح تابعا غير مأسوف عليه
يركب بساط هواه تارة يمينا يسبح
وتارة شمالا يسبح
لا فكر ولا رأي بل إمعة
...
يقول الشاعر في التسامح والوسطية
وأوفِ ولا تستـوفِ حـقَّــك كلَّه
وصـافح فلم يستـوفِ قطُّ كريمُ
**
ولا تغلُ في شيء من الأمر واقتصد
كلا طرفي قصـد الأمـور ذميمُ
...
يقول الله عز وجل
قل هل ننبئكم بالأخسرين أعمالاً
الذين ضل سعيهم فى الحياة الدنيا
وهم يحسبون أنهم يحسنون صنعا
صدق الله ومن أصدق من الله قيلا
...
يقول المصطفي
لا تكونوا إمعة تقولون إن أحسن الناس أحسنا
وإن أساءوا أسأنا ولكن وطنوا أنفسكم
إن أحسنوا أن تحسنوا وإن أساءوا أن لا تظلموا

صدق صلي الله عليه وسلم
...
وأنظروا إلي قول علي رضي الله عنه
إن هذه القلوب أوعية فخيرها
أوعاها للخير والناس ثلاثة
فعالم رباني، ومتعلم على سبيل نجاة
وهمج رعاع أتباع كل ناعق
لم يستضيئوا بنور العلم
ولم يلجؤوا إلى ركن وثيق
أفٍ لحامل حق لا بصيرة له ينقدح الشك في قلبه
بأول عارض من شبهة لا يدري أين الحق
إن قال أخطأ وإن أخطأ لم يدر
مشغوف بما لا يدري حقيقته
فهو فتنة لمن افتتن به
وإن الخير كله من عرفه الله دينه
وكفى بالمرء جهلاً أن لا يعرف دينه
...
وأمامن يخاف من قول رأيه
خوفامن وقوعه في الخطأ
أو فقدان ثقة في الناس
أو إقتناعا بكثرة الزيف والخداع
فلا أراه محقا فرأيه الخطأ أمانة
كرأيه الصواب
فلتقل رأيك مادام نابعا من عقلك
فلتقل رأيك راجياالصواب والحق
أخطئ و عد وأعتذر
تعلم
كن اليوم تلميذا تكن غدا معلما
إهدم بنيان الخوف في قلبك بخطئك
وإبني بنيان الثقة بإعتذارك
...
وأخيرا
أهديكم كلام الرائع فاروق جويدة

قد علموني الخوف يا ولدي
وقالوا.. إن في الخوف النجاة
إن الصلاة .. هي الصلاة
إن السؤال جريمة لا تعصي يا ولدي الإله
عشرون عاما يا بني دفنتها
وكأنها شبح توارى في المساء
ضاعت سنين العمر يا ولدي هباء
والعمر علمني الكثير
أن أدفن الآهات في صدري و أمضي..كالضرير
ألا أفكر في المصير
قل ما بدا لك يا بني و لا تخف
فالخوف مقبرة الحياة
من أجل صبح تشرق الأيام في أرجائه
من أجل عمر ماتت الأحلام في أحشائه
قل ما بدا لك يا بني
حتى يعود الحب يملأ بيتنا
حتى نلملم بالأمان جراحنا
لا تتركوا الغد في فؤادي يحترق
لا تجعلوا صوت الأماني يختنق
..
الجزء الخامس .. ويتبع

41 comments:

محمد العنانى said...

كلامك صح
ناس كتير اوى مش عرف هدفها ايه ولا هى اتخلقت ليه وكمان فكرين انهم صح
والله اعلم هم من الاخسرين اعمال ام لا
ندعو الله بظهر الغيب ان يفرج الهم ويزيل الغمه
من شعبنا وبلادنا الحبيبه
تحياتى

أميرة البلطجية said...

يااااههههههه
انا بحمد ربنا على نعمة القراية
سبحان الله... كلامك جه ع الوجيعة برضه ..انا مش عارفة انت كتبت الكلام ده ليه وحاسة ان فيه كذا نقطة مش نقطة واحدة..لكن من بين سطورك ما يتردد صداه الان في قلبي وعقلى..من زمان وانا بحاول اقاوم موضوع التعنت للرأي ده في نفسي.. وبعد ما دخلت عالم التدوين لقيت الموضوع كبير اوي..اكبر من مناقشة مع والدي او اخويا..لقيتني في اليوم الواحد وبمنتهي البساطة بقرا الرأي وعكسه وكلهم كلهم حاجات جديدة عليا..طب انا فين في دول وانا مين..فكرت اعد في الضل زي مانت بتقول واسمع ومتكلمش..بس حسيت اني متخلقتش عشان كده.. بحاول اتعلم واعرف الحقيقة..عل وعسي ابقي اضافة للحياة قبل ما تروح مني
تحياتي ليك يا مجهول
انا ححط البوست دي في ركن البوستات المفضلة :)

ام العيال said...

hat 3eyally el awel
ha mosh 7a2ol ra2yeeeee

wa3333333
fenko ya 3yalllll
:''''''(

koukawy said...

بص الموضوع اللي انت بتتكلم فيه يا مجهجه
مهم بجد و فكرني بالناس اللي بتغمي عينيها و تمشي ورا حاجه سواء كانت صح او غلط من غير متدور و تشوف او تدي احتماليه 50 في الميه صح و النص التاني غلط الا ان يثبت الموضوع
بالظبط زي المتابعين لقناة الناس اللي هي قناه انا مبحبهاش خالص و بحس ان اي حد كده بقي داعي و بيتكلم في الدين
تلاقي في نوعيه من الناس انا قبلت منها ناس علي طول تستشهد بقناة الناس و هما ما يعرفوش المصحف مكتوب في ايه و لا الأحاديث اللي بتتقال دي صحيحه و لا لأ تحس ان نوعية الناس دي اللي انا كاتباهم كمثال لا اكتر
لاغيين فعلا عقلهم و مسيرين ما يعرفوش ان يوم الحساب هما مش هيتحاسبو علي دماغ محمد حسان و لا علي كلام محمد حسين يعقوب و لا علي كل ده
هو صحيح الداعيه عليه جزء من الغلط بس اللي بيسمع عليه انه يبحث لو في كلام مش مقنع
بس انا رغيت كتير اوي ايه ده
المهم بيقي اللي انت قولته يطبق علي حاجات كتيييييييييييير غير المثل بتاعي كمان
ميرسي يا مجهجه علي البوست الكميل ده

حــلم said...

هى لحظات قليلة تلك التى نتوقف فيها لنتسائل كما فعلت
هناك من المحظوظين الذين يملكون تلك اللحظة كل لحظة
ويعون جيداً الهدف ..وبالتالى الطريقة والاسلوب الذى ينتهجونه فى الحياة

أنا معك فيما قلت
لكن نوازع النفس البشرية عادة ما تحيد بالانسان وتدفعه ليفعل بلا وعى مالا يرضاه اذا أمعن الفكر

مثلاً قد تجد من ينتقد الآخرين .. ويرى فى كل سلوك هفوة.. ويستطيع توجيه اللوم بمنتهى الذكاء..لكنه لا يتحمل كلمة نقد تمس ذاته

قد يكون هناك من تستعر بداخله نيران الثورة .. لكنه صامت عند لحظة قول الحق

اختلاف الطبائع له تأثير كبير فى السلوكيات

هذا تحليل فقير لأنى غير متخصصة.. لكنى أشد على يدك
كلام جميل بجد

محض روح said...

مش عارفه اقولك ايه هو مين الي رفاعي على كده؟
البحث عن طوق النجاه الموضع ده كان شغلنى
اوى
وانك ممكن تاخد افكار بعض الناس الى بيتفقو مع ميولك وترفض
الى مش هيخدمك
والى افكاره هتخدمك بدافع عنه
مش كده وبس لا وبتعبد الشخص ابل الفكره
كتير بيرفعو اشخاص فوق مستوى النقد وبينسو
انهم بشر
ومن حقك انك تقبلهم
بافكرهم او ترفضهم
عارف فكرتنى بكلمه للشاعر إميل سيوران

مثل كل محاربي الأيقونات حطمت أصنامي لأخص بحطامها قرابيني

وهو ده الى بيحصل فى الوقت الحالى

تحياتي يافندم
فى انتظار السادس

ياسمين said...

بص يا دكتور
كل واحد دماغه عاجباه حتى المجانين والأغبياء
لكن فعلا لازم كل واحد مننا يكون له أفكاره الخاصة ولازم كلنا نجتهد ونقيس سواء فى الدين أو التقاليد والعادات
واللى يناسبنى ممكن ما يناسبش غيرى ما ينفعش نعمم لكن الأكيد الأكيد ان أكبر خطيئة يقع فيها الإنسان هى ظلمه لأخيه الإنسان

مجهول said...

عزيزي محمد العناني
توحد الرأي في نظري مستحيل
فخلق الانسان وتشعيه اعراقا واصولا
الي اختلافه اديانا واتجاهات يحول دون ذلك
ما تكلمت عنه هي انمطه من التفكير قد نمر بها في حياتنا
كالتشدد والاستخفاف بالاخرين والغرور في رأينا او كالاتباع الاعمي بلا تفكير
او حتي الجبن والخوف من ابداء الرأي
اشكرك عزيزي علي مرورك
وهداك الله دوما للصواب والحق

مجهول said...

اموره مولاتي وحامله لواء المملكه
ما اردته مما كتبت هو ان يكون التفكير و العقل هو القياس
ما نحكم به الاراء
فلا نقرأ ونتحيز بلا تبرير
ولا نسفه الاخرين ورأيهم بلا دافع
ولا نتبع بلا تفكير
ولا نقف لا نكون رأيا فقدانا للاهتمام
الشئ الوحيد المرجو مننا جميعا ان نفكر ونتحدث ونكتب ونقر اراءنا بلا تعصب
وبمنتهي الحريه وبلا تهجم علي حدود الاخرين وان نقرأ الرأي وعكسه ونمرره علي العقل لنقول هذا صواب وهذا خطأ
وكل حسب مرجعيته من تجارب وعادات وتقاليد ودين
تحياتي لك يا اميره اوي

مجهول said...

وانا برضه يا ام العيال مش حجيبلك العيال الا لما تقولي رأيك
رأيك انتي
ههههههههه
متخافيش كده هو انا اقدر ادبح فرخه
ههههههه
ارجعي اكتبي بقا وحستينا

مجهول said...

كوكي العسل
معاكي في ان اللي بيحصل ده عميان وغيبوبه واتباع احمق
موضوع قناه الناس
انا مش بحب اتفرج عليها زيك
ورغم اني مش ضدها ولا بكرهها ولا برضه بشوفها اصلا غير مرات معدوده
بس فعلا
كلامك صحيح جدا وممكن نطبقه علي حاجات كتير
التشدد مثلا
التنطع و الغباء والدعوه للدجل والخرافات مثلا
الاتباع بلا تفكير مثلا
حاجات كتير اوي
تحياتي ليكي ياكوكو

مجهول said...

استاذه حلم الطياره اللي دايما محلقه فوق
معاكي طبعا
الخطأ وارد فهو اساس بشري
ممكن نغلط مره ومليون
بس المهم نتعلم
نقف في النهايه عند درس معين
ومنكررش الغلطه تاني
نكون رأينا كده
من غلطنا احنا قبل غلط الناس
تحياتي لك علي كلامك الرائع

مجهول said...

صاحبة الروح الهادئه
محض روح
بصي بقا يا ستي
بدل جبتي سيره ايميل سيوران وكلامه الجميل ده فأنت كده فعلا فهمتيني
محدش فوق النقد ومحدش يقدر ميقبلش النقد
كلنا نتنقد وكلنا ننقد
ناخد اللي يوافق افكارنا ونرمي اللي مايوافقهاش
بدون تجريح فيه ولا اهانه
الله ينور علي كلامك العسل
تحياتي ليك دوما

مجهول said...

ياسمين
وحقولك يادكتوره ياسمين بقا
كلامك صحيح كل واحد دماغه عجباه
ومعنديش اعتراض
بس كل واحد ليه عقل وممكن يفكر
الغبي ممكن يبقا ذكي
ممكن يتطور ممكن يتغير
يتعلم
من هنا حنكن تفكيرنا
اما القياس
فيختلف من واحد لواحد
بالترتيب والاولويات بس لازم يكون فيه قياس معين نقيس بيه فكرنا
اما حنقيسه علي ايه فراغ يعني
يا سلام علي كلامك الجميل ده
وياسلام لما افتح التعليقات الاقي تعليق منك
ازرغت يا خواااااااااااتي
ههههههههههه
اتمني لك دوما السعاده وتحياتي

bastokka طهقانة said...

ولدي نصحتك لما صوتي اتنبــــــــــــح


ما تخفش من جني و لا من شبـــــــــح


و ان هب فيك عفريت قتيل إسألـــــــــه


ما دافعش ليه عن نفسه يوم ما اندبح


عجبي!!

tota said...

العزيز المجهول
صدقت يا عزيزى فخير الامور الوسط
فلا يكن المرء كما قلت تابعا ولا متبوعا على طول الخط ولكن وسطا لا يحيد عن الحق ان كان على صواب
هذا ما كنت اتمنى ان اراه فى مستوى التعليقات فى جزئية التدوين
ان تكون الكلمات ليست تأميماً فقط للمدون ان كان على حق نعم فنؤيد ما نراه فى كلماته يتفق معنا لكنه دوما ليس على حق ان نختلف معه فلا مانع بشرط ان يكون الاختلاف فى وجهه النظر وليس الاختلاف مع الشخص نفسه فنخرج عن دائرة الحوار الى دائرة التشريح الشخصى
استخدمت امثالك عن الحديث وهى عامة فى الجزء الذى نتعامل فيه فى العالم التدوينى لانه هو الذى يبدو فيه هذا التواصل جليا
ربما اذا نبه احدهم على ذلك مرارا وتكرار توقفت الكلمات التى بلا معانى التى يظن البعض انه تبهج المدون لكنها ابدا لا تترك صدى عنده كما لا تترك صدى غير شعور النفاق فى كلمات الناس فلا اظن انى سوف احب من لا يتكلم غير بكلمات الاستحسان لو من لا يفعل غير المهاجمة على طول الخط لكن تشعر بالرضا فيمن يتفق ويختلف معك فيشعرك بكيانه ووجوده
اشكرك على الشعور الذى منحته لى
اتعرف ما هو
شعرت انى انا التى كتبت التدوينة
تحياتى

amira said...

ممممممممممم
مش عارفة أعلّق ولا لأ

أصلي لازم أقولك إني قريت
بس مش قادرة أعلّق

لسّه خارجة من مناقشة عكس اللي إنت بتقوله خاااااالص
مناقشة من نوعية
لا تجادل ولا تناقش يا أخ علي
وأنا طبعاً اللي قايمة بدور علي
وطبعاً مناقشة دي كلمة إعتبارية في الحالة دي
بس نمشيها مناقشة

مش عارفة أقول حاجة غير كده
أكيد إنت عديت بالموقف ده كتير وفاهمني
يا ريت تقولي بتعمل إيه في الحالات اللي زي دي

تحياتي يا فندم

مجهول said...

العزيزة أميره
تعليقك وحده مش كفاية .. اتبرع ولو بجنيه
هههههههه
سعدت بتعليقك جدا
وطبعا اتحطيت في مواقف زي دي كتير
ساعات بمشي فاقد الامل مرددا شتيمه من نوع ياولاد الكلب حتودونا في داهيه او والله مانتوا فاهمين حاجه
طبعا بصوت واطي
هههههههههههههه
ساعات كنت بسكت وبهز دماغي وخلاص
بس دلوقتي لا لا مستحيل
بتكلم لغايه ما اقنع اللي معايا ولو مقتنعش بكون برضه مبسوط اني قدرت ارد حتي
..
المشكله يا عزيزتي ليست فيكي
انما في الطرف الاخر
وده النوع اللي لا يقبل اي جدال في كلامه فرأيه صواب وستجدي الكثيرين كده في موضوعات كثيره يعتبر رأيه فوق النقد وما علي الاخر الا ان يكون مستمع فقط
النوع ده مريض نوعا ما
بجنون العظمه الفكريه فهو يصنف عقله فوق البشر وكلامه كتابا مقدسا لاجدال ولا مناقشه
انصحك لو مقدرتيش تقنعي اللي زي دول سيبيهم وامشي لانهم مايستاهلوش اساسا حد يكلمهم ولا يناقشهم
فمن لا يتقبل رأيك لا يستحق منك الاستماع وقريبا سيجد نفسه وحيدا او بين اتباع له لا يفهمون ولا يتكلمون
اغبياء اغبياء اغبياء
حسبي الله ونعم الوكيل
ده العقل ده نعمه
سلام

مجهول said...

طهقانه هانم
وعجبي فعلا
..
فعلا جاهين عنده حق
اشكرك جدا لتعليقك البسيط

مجهول said...

وبينما انتظر تعليقاها بفارغ الصبر
فهي دوما الاستاذه
توتا
بصي
اولا انا بحب اجامل الناس وده مش معناه اني بنافق حد لا دي حكايه تانيه خالص
بس بجد عمري ما جاملت حاجه مش عجاباني
ثانيا
انتي ومش حقولك كعادتك اصل بقت قديمه وهيا دي عادتك خلاص
قاعده جوه دماغي
انا فعلا كنت بكتب وعيني وعقلي علي التدوين او الكتابه والقراءه عامة
فيه ناس كتير اوي تايهه ياتوتا
ماهما فاهمين ولا عارفين ولا شايفين صح
انا اعتبر نفسي منهم
انا ولا مرشد ولا هادي ولا مفكر انا واحد جربت التوهان
اترمي في حضن الكتب دي شويه وشويه اترمي في حضن اتجاه ضدها
بقيت مش عارف ايه اللي صح وايه اللي غلط شويه اقرا واقول ياحلاوه الفكر ده حلو وشويه اقول لا دول ولاد مش عارف ايه وبيهم وعليهم
بقيت تايه انا فين عقلي؟؟ فين تفكيري انا
ربنا بيقول


فبشر عباد الذين يستمعون القول فيتبعون أحسنه أولئك الذين هداهم الله و أولئك هم أولوا الالباب

يعني بيقول فكروا يا بشر مش كل اللي كتب بيكتب صح ولا كل اللي بيتقال صح او علي الاقل ينفع لينا فكروا يا ناس
خدوا اللي يناسبكوا واللي شايفينه صح
وكونوا دماغ صح حتي لو فيها افكار غلط بس خليها من دماغك واطلب انها تتصحح ودور علي الصح

انا ذكرت قبل كده كلمه لمكسيم غوركي
من العظماء مَن يشعر المرءُ في حضرتهم بأنه صغير
ولكن العظيم بحقّ
هو الذي يشعر الجميع في حضرته بأنهم عظماء

ايوه هوه ده العظيم اللي يخليني اتكلم واعارضه واطلع صح يقولي ايوه صح انته صح

مش يقولي لا اريكم الا ما اري مفيش عقل بشري مطلق الكمال ابدا
ولو تفتكري قصه الفاروق عمر حين وقف وسط الناس وبأعلي صوته يقول

اصابت امرأه وأخطأ عمر

ياسلام ده خليفه وعمر بن الخطاب والله لو كانت انا كنت حقول لا لا واقعد اجادل واتوه واضلل
او اتشدد واقول اصمتي يا امرأه مين اداكي حق تتكلمي
وشوفي برضه المرأه دي وقفت وقالت رأيها
الموقف ده بيجسد كل اللي عايز اقوله

قول رأيك اسمع الرد عليه
احترم الرد
لا تتشدد لا تنفع
اعترف بالحق
تفوز حتي لو كنت مخطئا

ثالثا
بما انك تعرفيه شخصيا
للحج جرجس من قلبي سلام
فكم اشتقت لصاحب صوت مميز وقلم حر
قد اختلف معه قليلا لكني اعتز اني تركت يوما تعليقا عنده
فمن قلبي سلام لرجل احترمته لشهور قبل ان ادون وبلغيه
كل سنه وانته طيب يا حج

رابعا
انتي ايه بقا خلتيني اقعد افكر في حاجه ارد بيها علي كلامك الحلو ده
يعني انا الغلبان وصلت لمستوي توتا
واني ممكن هيا تحس انها كاتبه البوست ده
بلاش والله الكلام الجامد عليا ده لأني قعدت ساعتين احاول افكر في رد
خالص تحياتي يا استاذتي الغاليه ودايما رافعه راسنا كده
هههههههه

ريما said...

زي ماكتبت عن اللي قاله فاروق جويدة
الخوف مقبرة الحياة التشبيه ده لوحده
يرعب لو فكرنا فيه كويس
معنا انك تسكت عن حق يعني انك بتدفن نفسك وحياتك

من الاخر مهما كتبت ابلغت في كلامك
بس سؤال انت مش بتكتب ليه في الصحافة تحترف يعني :))

ربنا يوفقك ان شالله

يعقــــوب .... said...

جميل قوي الكلام ده..و لو ركزنا فيه وفهمناه صح و طبقناه أصح ..بس بالعقل برضه و بحكمة مع تمسكنا بمبادئنا, بقيمنا و افكارنا الصحيحة مع برضه قايلية للتعايش و استقبال افكار الاخرين مع عدم التخلي عن اهدافنا و ثوابتنا...مقال جميل و كلامه منمق و مرتب قوي

حائر في دنيا الله said...

اذا أعمل الانسان فكره فإما أن يصل للحق أو ان يهوى في قاع الباطل
وبين الاثنين يقع الهوى
يسحبك للحق إذا وجد منك ارادة وللباطل اذا رآك تميل لهوى النفس

ومهما كنت في اي الطريقين فلا تكن ذات تشديد وقول معك كن من اهل الوسط المتسامحين حتى تصل في النهاية للطريق الصحيح

ولك تحياتي وتقدير على هذا المقال الممتاز

Sharm said...

منتظرين الجزء السادس
شكرا يا جميل

Anonymous said...

رأيى صواب يحتمل الخطأ
ورأي غيرى خطأ يحتمل الصواب

حكمة لو اقتنع بها كل متجادلين
كانت الدنيا اتغيرت ملامحها

تحياتى

amira said...

أستاذ مجهول

أنا عارفة إنك لسّه حالاً خارج من تاج
معهلش بقى
رزق ومقسّمه صاحبه
أيــــوة
ليك عندي تاج

أيــــوة
هيّا إسمها تدبيسة

إتفضل حضرتك

مجهول said...

عزيزتي ريما الرقيقه
ربنا يخليكي علي كلامك الحلو
بس صحافه حته وحده لا ياستي انا شايف البلوج احسن من ميت جونال علي الاقل خالص اديني بتكلم وبستفيد من رأي ناس احسن مني زيكوا كده
ونقدر نتواصل مع بعض
يعني اتجاهين رايح جاي ... افيد واستفيد
شكرا ليكي علي كلامك الجميل

مجهول said...

العزيز يعقوب
كلامك صحيح جدا
بس خد هنا لما اقولك
انا رحت ازورك لقيتك قفلتها بالضبه و المفتاح واعلنت اتجاهك للتعليق
معنديش مانع بالطبع واتمني اكتشافك السريع لنفسك ومصالحتها والعوده للكتابه واشكرك لتعليقك اللي اتشرفت بيه
واتمني زيارتك علطول

مجهول said...

شهروزه
يااااااااااااااااااااااه
انتظرت زيارتك كتير اوي اوي
بجد انتي من اصحاب الفكر اللي انا بحترمه حتي لو اختلفت معاهم ومتابع مدونتك من زمااااااااان
واشكرك لاضافتك
ويارب نلاقي ناس بتحاور بالطريفه دي كتير
وتحياتي مره اخري لزيارتك الغاليه

مجهول said...

أخي حائر الجميل
اضفت فعلا يا صديقي
وبلاش اقولك اخي دي اصلها ممكن تودي في داهيه علي رأيك
هههههههههه

مجهول said...

أميره
منك لله
هههههه
واوعدك اني اجاوبه بس لما افوق من صدمه الاولاني

مجهول said...

شارم
صديقي العزيز
اشكرك لزيارتك ليا واوعدك بالجديد وياريت يبقا عند حسن ظنك

المٌهَــــاجِر المَصْـــــــرى said...

رائع يا دكتره..رائع جدا
الايات القرانيه والحديث وابيات فاروف جويده
كانوا اختيار جيدا لتوصيل فكرتك لنا كقراء
الوسطيه اختيار صعب يا صديقى..لا يصل اليه الا ذوى العقول النيره..جعلنا الله منهم

تحياتى

مجهول said...

استاذ مهاجر الغالي وبلاش العزيز اصل تزعل برضه
بترد بسرعه كده ياااااااه
انا بتلف حواليا بشوفك يمكن تكون ورايا ولا حاجه
ههههههههههه
ربنا يخليك علي ذوقك
انته من اصحاب العقول دي بجد
ربنا يوفقك دايما

An Egyptian in UK said...

عزيزى مجهول اخبارك ايه؟
على فكره فيه حاجه عايز اقولها ...اعتراف...قصيدة فاروق جويده كانت فعلا ملهمه ليه بانى اكتب البوست الاخير بتاعى
مع خالص تحياتى

مجهول said...

العزيز اللي دايما بيغيب علينا
انتي عايزني اعيط يعني علشان تفتح التعليقات ياراجل انته
هههههههههه
انا طبعا قريت بوستك الجديد
وكلامك رائع وصراحه كنت عايز اعمله رابط من عندي علي البوست ده برضه
الا لما انته توافق طبعا
عموما كلامك وصل وكلامي وصل وغيرنا كتير كلامه حيوصل
المهم اللي يفكر من عقله هوه وميخافش
وبقولك
بلاش الغياب ده تاني بقا
ولعن الله الخوف ... فمن الخوف ما قتل

الوردة السوداء said...

جيت على الجرح اوى

كلامك بيوجع
وبيواجه

بس تفتكر ده الحل
بعيدا عن الموضوع نفسه احب اقولك
ان سلوبك متطور فى الطرح
وبيعجبنى جدا
وبيشدنى لحد اخر سطر



مع انى مبرجحش ان البوست يبقى كبير
لان القراية على الشاشة متعبة

بس بحييك

Anonymous said...

اصدقائي الأعزاء
نظراً لأنشغالي الشديد ولحتى نهية العام قررت دمج مدونتي سردية وسرديات مصرية وإليكم العنوان الجديد
http://maraseel60.blogspot.com

مجهول said...

العزيزه
ورده سوداء ذات بريق العينين
تحياتي علي كلامك الجميل
ومعلشي للاطاله ووالله انا كمان مش بحب القرايه الطويله علي الشاشه
بس فيه مواضيع بتحكم ساعات اني اقول رأيي
النضاره تمنها عليا يا ستي متخافيش
ههههههههههههه
تحياتي
واوعي تحرميني من تعليقك

أحمد ندا said...

!

arab girlscool said...

This is such a nice addition thanks!!!
شات صوتي شات صوتي
عرب كول
شات صوتي مغربي
دردشه صوتيه
انحراف كام
منتديات منتديات عرب كول