Tuesday, April 10, 2007

حي علي التسامح

جرس تليفون
السلام عليكم
إزيك يا حج يا عجوز
إزيك يا واد يا جورج
كل سنة وأنته طيب يا حج
وأنته طيب يا جورج وأهلك كلهم بخير يا حبيبي
أنا مش حتنازل عن الكحك زي كل سنة
هاهاهاها طيب يا سيدي محجوزلك
حاجي أعيّد عليك بقا العصر النهاردة
وبالمرة أخد الكحك
هاهاهاها
..........
جرس تليفون
ألو
إزيك يا واد يا رياض فين بابا
إزيك يا عمو
كل سنة وأنته طيب يا حبيبي
بابا معاك أهوه
إزيك يا حج
إزيك يا أبو رياض كل سنة وأنته طيب
حترجع تاكل لحمة تاني بقا إبسط يا عم
هاهاهاها ربنا يخليك ومحيرمناش من صوتك علطول
..................
هيا دي مصر

19 comments:

الوردة السوداء said...

يبقى انت اكيد

اكيد فى مصر

Unknown said...

أستاذ مجهول

عايزة أقولك حاجة وربنا يستر

بص
في العهد القديم
مذكور أن من حُكِمَ عليه بالذبح هو إسحاق
بمعنى
عيد الأضحى اللي عند المسلمين
كان علشان إحياء فكرة طاعة سيدنا إبراهيم لربه حتى ولو بذبح إبنه
وقصة الكبش اللي ربنا إفتدى بيه إبن سيدنا إبراهيم
القصة دي مذكورة في العهد القديم بكل تفاصيلها
الإختلاف الوحيد أن المقصود بالذبح كان إسحاق وليس إسماعيل
عليهم جميعاً السلام

ليه بقولك الكلام ده ؟

علشان في عيد الأضحى .. المسيحيين بيهنّوا المسلمين بالعيد برغم قناعتهم الدينية المخالفة لأسباب إحتفال المسلمين بالعيد
لكن قناعتهم دي مابتمنعهمش من إنهم يعيّدوا عليهم

المسلمين بقى يا سيدي
معظمهم بيشوف إن عيد القيامة مُخالف للعقيدة الإسلامية وبالتالي حراااام إنهم يعيّدوا على المسيحيين في العيد ده

وعجبي

تحياتي
والله ما كان قصدي أرغي كده

مجهول said...

شكرا ورده
وهيا دي مصر

مجهول said...

أميره
أنا مش حرد علشان ربنا يستر ويعديها علي خير الكلمتين اللي قلتيهم دول
مش عايزينها تولع احنا بنقول اننا نحب بعض
انا متابع صراعات عند اميرة البلطجيه وفي مدونات كتير اوي
متردد صراحه اعلق علي حاجات كتير
ربنا يعديها علي خير الكلمتين دول يا اموره
هههههههههههههه
تحياتي

Unknown said...

عايز تعمل
delete
للتعليق ده
إعمل يا ياشا

أنا لمّا باعلق عندك
ببقى عارفة بقول إيه لمين
لكن بما إن محدش ضامن
يمشي آمن اليومين دول
ومعنديش إستعداد أقعد أتخانق مع حد عندك
إعمل
delete
يا فندم

تحياتي
وإرتعاشاتي

مجهول said...

لا فعلا حلوة ارتعاشاتي دي
ولا فعلا انتي متعرفنيش يا اموره
انا كنت بهزر بس علي كلامك وقولك
......
عايزة أقولك حاجة وربنا يستر
.......
حسستيني انك رميتي قنبله وطلعتي تجري فقلت اخليكي تقلقي بقا
ههههههههه
ثم انتي فعلا متعرفنيش انا بحب احاور واتكلم رغاي يعني
ومش بمسح كومنتات حد ولا حمسح انشاء الله
واخيرا ياستي
اهلا بكل انسان عايز يتكلم بعقله ويدخل في مناقشات
يتفضل منغير ما يستأذن
ومتخديش كل حاجه جد كده يا اميره اصل تعجزي بسرعه
هههههههههه
تحياتي تاني

Reemo said...

نورت مصر :D
مدونتك لطيفه
تحياتى

lastknight said...

عزيزى مجهول الجميل .. و ايضا الأخت أميره
دعونا نكون فى منتهى الوضوح و الصراحه .. و لنواجه اسوأ الكوابيس .. نظرة المسلم المسيحى لبعضهما و فى أسوأ الكوابيس هى نظرة المؤمن للكافر .. فأنا كمسلم كافر فى وجهة نظر المسيحى .. و المسيحى كافر فى وجهة نظرى - طبعا هذا بأسوأ الكوابيس فالمسيحى عندى كتابى و ليس كافر لكن المهم - هناك أسلوبين للتعامل مع تلك المعضله .. اما نضيع عمرنا و طاقتنا و مواردنا نكفر فى بعض ..
أو
نتعلم كيف نتعايش مع كفر بعض - بافتراض اسوأ الكوابيس - هنا تكون فرصة كل منا المسلم و المسيحى فى التنافس لأظهار أقصى ما فى ديانته من انسانيه و تسامح و تفاهم
أذا ببساطه .. الأختيار هو .. اما الأنغماس فى غباء التكفير .. او .. الأنهماك فى البناء المشترك بالتعايش
كل سنه و أخوانى المسيحيين بألف خير

أميرة البلطجية said...

مجهول
لا لا لا ..يا يعز عليا السطرين بتوع انا عايز اعلق على حاجات بس مبرضاش
حفتح على نفسي فاتحه انا مش قدها انا عارفة
بص يا سيدي
ايميلي
shatshoota@gmail.com
ابعت علق كيف ما بدالك
واحب دايما اسمع منك
اما عن البوست بتاعتك
فحى على التسامح
وفي الاخر..لكم دينك وليا ديني
:)

مجهول said...

الجميل المحترم اللي منورني بزيارته
فارس قديم
ايه يا عم النور قاطع عندي من زمان لسه فاكر تجي بقا دلوقتي
علي فكره كلامي لاميرة كان هزار بس زي ما وضحت
انا معك يا عزيزي
المواجهه هي الحل للمشاكل بالطبع
انتظر بوستات مني انشاء الله عن الفكر الاسلامي من واقع قراءات ودراسات كتير
وبالنسبه للبوست ده
انا بس كنت بنشر صوره للتعامل بين المسلمين و المسيحيين في مصر ليس الا
لا كان قصدي فتح حوار عن الموضوع ولا اي حاجه
وياريت متقطعش نورك من هنا تاني والا حزعل اوي
وانا زعلي وحش
تحياتي

مجهول said...

ريمو
يادي النور
نورتي مصر يا اختي العزيزه
واهلا بيك في مدونتي المتواضعه
تحياتي

مجهول said...

اميره المملكه
تحياتي الاول
وانا برضه كلامي كان هزار
وانا مبخافش اني اكتب ابدا بس اعتراضي علي التعليق في مواضيع ستجر اخرين لموضوعات فرعيه
فلعن الله الجدل الزي لا يؤدي الا الي مشاكل اكثر ولا يطرح فكر يحترم
وانا سعيد جدا جدا بثقتك الغاليه انك تديني ايميلك وده شئ اعتز بيه بجد
وانشاءالله كلامي حيبقا هنا
وميمنعش برضه ندردش معاكي واطمن عليك من الايميل هههههههههههههه
الفين سلام سلاح للاميره
وعاشت مملكه
بلطجيا العظمي
وزير المملكه
من العاصمه
بلطجياستان

ibn nasser - ابن ناصر said...

ده الهرم...ده ابو الهول....ده النيل
دي مصر يا عبله....
تحياتي

Anonymous said...

مش فاهمة بصراحة
اية لزوم التذكير بحاجات زى دى
زى بالضبط ما احنا عاوزين نحبب المسلمين ونقولهم دينكم جميل
ما احنا عارفين انه جميل

برضة العلاقة الانسانية بين البشر لازم تكون خالية من اى خلفية دينية
والا مش حنلاقى حد نكلمه الا نفسنا

زى الموضة اللى اجتاحت الأفلام والمسلسلات فى اعقاب الأحداث دى
كل الجيران فجأة بقوا عم رمسيس ومارى
والرهبان يحضروا سرادق العزا بتاع المسلمين وابصر اية
احنا مش عاوزين حد يفكرنا

احنا عاوزين ننسى الفروق و نتجاهل تماماااا كلمة مسيحى ومسلم ودين وطائفة الخ الخ الخ

زى ما كان المصرى طول عمره بيتعامل مع التانى على اساس جنسيته وليست ديانته
يبقا لازم دة اللى يكون موجود
ولا كحك ولا لحمة ولا تهنئة ولا ذكريات وبوس واحضان
لازم الحياة ترجع طبيعية خالية من العنجهية الدينيةو التظاهر بالتسامح زى ما كانت
ولية ندور على مصطلح تسامح من اساسه؟؟
طالما مش حننظر لبعض نظرة دونية الكلمة دى حتتلاشى الا فى التسامح الانسانى بين القوى والضعيف والقادر والغير قادر
مش نضيع قيمتها فى حصرها فقط فى التسامح الدينى؟؟؟؟

على الأقل
حنعرف نفكر ونبص لبلاوينا ومشاكلنا وحاضرنا المهبب بستين هباب ويمكن
يمكن
يكون مينا عنده فكرة احسن من فكرة مصطفى تحل الأزمة
أو محمد عنده رؤية اعمق من رومانى للى بيحصل دلوقتى
ونحط دى على دى ونخرج من عنق الزجاجة اللى مش باين له فرجة دة

اعذرنى على القسوة فى الكلام
لكن فعلا الوضع بقا مستفز

تحياتى

gohayna said...

والله انا كان نفسي من زمان اتكلم في الموضوع دا
انا عمري مهتميت اذا كان الي
قدامي
مسيحي او مسلم
بالعكس انا كل اصحابي تقريبا مسيحيين
وعمرنا ماحسينا ابدا ان فيه حاجه ما بينا
حتي لما كانت فيه مشاكل بتحصل
بين المسلمين والمسيحين

ولا كأننا في الموضوع اساسا
والله فيه ناس اعرفها بقالي من ايام الطفوله
وفعلا اخوات واكتر

الف شكر انك اثرت نقطه مهمه زي دي

وتحياتي ليك

مجهول said...

ابن ناصر العزيز
فعلا مصر مش اللي بيقولوا عليها
لا
مصر بأهلها
مش بكلامهم

مجهول said...

جهينه
تحياتي ليكي علي زيارتك
ونورتي المنطقه
يا فندم
ههههههه
وفعلا احنا محتاجين حاجات زي دي محتاجين نرجع زي ما كنا بنفرقش ده مين وده مين
تحياتي ليكي

مجهول said...

جهينه
تحياتي ليكي علي زيارتك
ونورتي المنطقه
يا فندم
ههههههه
وفعلا احنا محتاجين حاجات زي دي محتاجين نرجع زي ما كنا بنفرقش ده مين وده مين
تحياتي ليكي

مجهول said...

شهروزه
صدق كبير ممكله المتشردين لما سماكي
المنتميه الي الشعب
احسست في كلامك بالاخلاص
الاخلاص البحت من اجل الوطن
احسست في انفعالك بالصدق
الحماس من اجل بلدك وبلدي وبلد كل واحد بيحبها وبيخاف عليها
يكفيني يا سيدتي تعليقك الرائع عندي
فرغم انني مقتنع لو تعاملنا جميعا في نطاق الدين حتي لن يضار احد
فلا يمكننا ان نطالب احد ان ينسي ديانته
بل ان نرتبط جميعا في وحده نتفق علي مشترك بيننا
ونتعامل
فسواء بالدين السمح و الصحيح من الجانبين او ان ننسي الدين اري انها نتيجه واحده
الحياه التي ترجيها وارجوها انا كمان
......
وانفعلي علي راحتك
بس مش عايز ضرب
ههههههه
تحياتي