Thursday, April 12, 2007

حتي يعود محمد

........
عند أميرة البلطجية قرأت
إسمي محمد
لم أستغرب أبدا لحيرة محمد ورحلته الهوائية
بين فكر هذا وفكر ذاك
لم أستغرب أبدا حالة التخبط التي عاشها
وأبدا لن أستغرب..نتيجته النهائية
لم تفزعني قصة محمد
لكني قطرت دما علي ما قرأته بين السطور
قطرت دما علي محمد وأمثاله
قطرت دما علي من وقفوا يشاهدونه يضيع
ويرمون بالمسئولية علي بعضهم البعض
هو أضاع محمد
بل هو أضاع محمد
بل محمد أضاع نفسه
..
أيها السادة إستريحوا فقد ضاع محمد
وسيضيع كل يوم محمد جديد

.............
كان محمد يستغيث بكم
كان يصرخ طالبا طوق نجاة
طالبا أن يكن مسلما مؤمنا مطمئنا
أراد أن يخدم في محراب وطنه
أراد أن يفدي دينه حق فداء
أن يعرف ربه حق معرفة
أن يقتدي برسوله حق إقتداء
أن يكن مسلما يفهم دينه ويعيه
لم يرد أن يكن إمعة أو تابع لكل ناعق
......
تركتم أمل محمد
ورميتم به في غياهب ضلالكم وصراعاتكم
قلتم له إفعل ولا تسأل
قسّمتم المسلمين علي أهوائكم
رميتم من أردتم بالكفر
هذا كافر مبتدع أحلّ العمليات الإستشهادية
وذاك كافر مبتدع يتظاهر ليعبر عن رأيه
كفّرتم من شئتم دون أسباب
قصرتم الإسلام في لحية وتقصير جلباب
خرج من تحت أيديكم قتلة وسفاحين
وقلتم جهاد ضد دولتنا الكافرة
ألا خسئتم وخبتم
ألا تقرأون وتتدبرون
..............
إرحمونا .. أثابكم الله
أنزل الإسلام بهذا يا همج يا رعاع؟
يا أتباع كل ناعق
أنزل الإسلام بمظهر قبل جوهر؟
أليس من قتل نفسا بغير حق كمن قتل الناس أجمع
أليس سباب المسلم فسوق
أليس قتاله كفر
أليس من كفّر مسلما فقد كفر
أبهذا جاء خير الأولين والأخرين؟
ألم يكن سلاما ونورا يمشي علي الأرض
أليس رسولنا رحمة مهداة؟
أليس ديننا دينا وسطا؟
ألا تعقلون؟؟؟
.....
ولست أقصد بكلامي السلف
بل أقصد من يظنون أنفسهم سلف
ويهدمون الدين في النفوس معتقدين أنهم يبنوه
الذين أضاعوا أمل محمد وغيره
أخرجوا لنا من شوهوا ديننا من قتلة
وكفّروا شيوخنا
وفرقوا بيننا وبين أبناء وطننا
................
لست مع من يهاجم الملتحي
فمن تمسك بسنة النبي الكريم فله أجره وإحترامه
ولن أناقش فرضيتها أو كونهاسنة مؤكدة
ولكن
فليتمسك بصحيح الإسلام من عبادات ومعاملات
قبل أن يربي لحيته..يربي نفسه وهواه
ليكن مثالا مشرقا للإسلام
ليزيل أثر من شوهوا صورة ديننا بلحاهم
من أقرنوا صورة اللحية بصورة الإرهابي
ومن يحلق لحيته

فلم يخرج عن الملة
فليتمسك بالإسلام عبادة ومعاملة
فليعلو بجوهره فوق مظهره
فالإسلام ليس لحية فقط بل حياة
وأيضا
من تلبس حجابها
أن تلتزم بأخلاق الإسلام وتقاليد مجتمعها
أن تكن مثالا للمسلمة المصرية المحترمة
وإلا فلا داعي أن تلصق بالحجاب إهانة
ليست منه بل من أفعال من يرتديه

وغير المحجبة
فليست كافرة أو مرتدة
ويتوعدها العذاب
ولم تخرج من رحمة ربها
بل تكن دعوتها بالعقل ترغيبا
وليست بالحنجرة ترهيبا
وليس
أصحاب الدعوة السلفية بخطر علي الدين
ولا غيرهم من الدعاة كعمرو خالد والقرضاوي
سلفية..سنة محمدية..إخوان..أزهريين
إنهم جميعا شيوخ أفاضل وعلماء أجلاء
..................
ولكن أرجو منهم
لنتفق جميعا علي مشترك بيننا
فكلنا مسلمون ولا فرق بيننا إلا بالعمل
نتفق علي التخفيف والدعوة باللين والعقل
وألا نحبس أنفسنا في واد والناس في واد أخر
ونبتعد عن التشدد والمغالاة
وتسيروا بالناس درجة درجة
لنواجه ما يتخبط في عقول الناس
لنحله بهدوء وعقلانية
مراعيين بعد الزمن و بعدالمكان
ولننبذ جميعا أؤلئك الذين يريدونها فتنة
وتفرقة وعنف ودم وضياع
لننبذ جميعا من يزرعون الحقد والتفرقةفي صفوف
وطننا..من يغيرون معالم الإسلام السمحة ويطمسونها
لنجدد القلوب بالإيمان بالله
ونجدد حب هذا الدين وسماحته

...
وقتها سيعود محمد فرحا
تاركا سيجارة البانجو وحبوبه المخدرة
متزوجا لمن يحب ويختار
سيحقق حلمه وأمله
وسنعلو جميعا وطنا ودينا
وأخيرا
وأولا
ودائما
سيرضي عنكم الله
يقول صلوات الله وسلامه عليه
لأن يهدي الله بك رجلا واحدا خير لك من حمر النعم
صدق الصادق المصدوق
..
وللحديث بقية وبقية
أعتذر جدا لمن يكره التدوينات الطويلة

توضيح
لست أنتمي للإخوان ولا للسلف ولا أميل لأحدهم
بل أنا مسلم مصري حبي لوطني من حبي لديني
أكتب رأيي إن كان صوابا فمن الله
وإن كان خطأ فما أرجو غير الصواب

49 comments:

Memo said...

انا اول واحده
هيييييييييييييه
ربنا يتقبل منا صالح الاعمال
ويوفقنا للي يحبه ويرضاه

Nothing To Lose said...

مجهول
انا حاسه ان بجد هيجيلى حول قريب بسبب موضوع الاخوان و السلف والمذاهب دى كلها
فعلا والله تعبت جدا
مبقتش عارفه المفروض اسمع لانى شيخ
والا اتبع اى مذهب
بس هو فى حاجه واحدة بس بطمنى شويه
وبحس ان لسه فى امل
وممكن الواحد ينجوا من الزمن دا
فى حديث صحيح عن رسول الله صلى الله عليه وسلم بيقول ايه
(ستتفرق امتى على بضع وسبعين شعبه وفى روايه تانيه 73 شعبه كلهم فى النار الا واحدة من هم يارسول الله ماكان (عليه انا وصحابتى
معنى الحديث دا على حد علمى البسيط
ان الى بيتبع ما كان عليه الرسول وصحابته فى عبادته واخلاقه
وفى حديث تانى بردوا بيقول
تركت فيكم ما ان تمسكتم به لن تضلوا) بعدي ابدا كتاب الله وسنتي)

على ما اتذكر يعنى نص الحديث

شويه بهدى نفسيا شويه
وسبحان الله كل ما اتعلم اكتر بفهم اكتر وارتاح اكتر
هو الحل فى طلب العلم الشرعى من وجهه نظرى
بحس ان فى امل


دى اول زيارة لمدونتك وان شاء الله متكونش الاخيرة
وسامحنى على الاطاله
دمت بخير اخى الكريم

أميرة البلطجية said...

دعوة للتعايش
:)
سامحني مش قادرة ارد غير بالكلمتن دول دلوقتي حالا..موضوع برضه من دواعي البوست ضايقني شوية
جزاك الله كل خير واي حد تاني كويس برضه جزاه الله كل خير
:)

مجهول said...

يا سلام عليكي يا بنت يا ميمو يا معلمه
دايما تطلعي الاولي
ههههههههه
سعيد بوجودك دائما

مجهول said...

مدونتي نورت
وكلامك فعلا جميل ورائع
يمثل جيلا بالكامل ضاع بين حماقة هؤلاء وغباء هؤلاء
ربنا يهدي الجميع
وسعيد لزيارتك وقريبا سأزورك واتشرف بمعرفتك عن قرب
تحياتي دوما

مجهول said...

أميره البلطجيه
حامله اللواء
حكتفي مؤقتا بكلامك ده
بس عايز اعرف ردك بجد
وغير كده ايه اللي مضايقك ؟؟ حد يقدر يضايقك وانا موجود
اجيب وزير الدفاع ولا انادي علي وزير الداخليه يا افندم
بجد زعلانه من ايه؟؟؟؟؟؟؟
تحياتي

محمد عبد الغفار said...

انت تقصد مين بالضبط بضمير الغائب

مجهول said...

عزيزي محمد عبد الغفار
خطوة عزيزة جدا جدا جدا
وسعدت جدا بتشريفك ليا
....
أولا أي ضمير غائب تتحدث عنه
قرأت طبعا ياعزيزي قصة محمد
وبقرااتك للبوست بتاعي حتعرف مين اللي بتكلم عليهم
شايف كلامي واضح جدا
لم أحدد إخوانا ولا سلفا بل كتبت اني اقصد من يظنون أنفسهم سلفا
واري ان ما زكرت من افعالهم كافيه لمعرفتهم
لو كان ده قصدك يعني
ارجو الافاده
وتحياتي لك

شهيدة said...

من مجهول
ازيك؟
تدوينة مهمة

حتى انك قريت شوية من أفكاري بكلمك

يارب المسلمين كلهم يفكروا كدة
كانت اتحلت كتير من مشاكلنا

تحياتي

Dr.khaled said...

أخي الاستاذ/مجهول
كتبت وقلت :
(ولكن
فليتمسك بصحيح الإسلام من عبادات ومعاملات
قبل أن يربي لحيته...)
أخي أظنك قصدت انه يجب ان يكون ملتزما باطنا ..وفي معاملاته ..ايضا في نفس الوقت الذي يطلق فيه لحيته
وأكيد انت لا تقصد ان يلتزم سننا معينة او فروضا معينة..وبعدين بلتحي
لان هذا الكلام ليس عليه دليل من كتاب او سنة..
فالنبي في وسط الجهاد ..ييفعل سننا...ويسابق امراته و..و.... والاسلام لم يقل...اعتدلوا ثم اعملوا
فالمقصود ان كلاهما في الوقت ذاته..لان المسلم لا يعرف متى يدركه الموت...
فلا يقل انسان...لا تصلي سنة الفجر الا اذا كنت بارا بوالديك..
او لا تتصدق الا اذا احسنت الى جيرانك...
نعم اذا تعارض فرض وسنة..ولم يمكن الجمع بينهما..قدم الفرض على السنة
على كل انا اثق في حسن نيتك -ان شاء الله- وانك ما أرد الا الاولى
طبعا انا كلامي ليس عن اللحية بخصوصها...ولكن علقت عيها لانها المثال الذي ذكر في سياق كلامكم

كلامك الفاظه جزلة...بها رصانة...

قلت في نهاية كلامك ...انكم لست من الاخوان ولا من السلف
نحن ايضا لسنا من الاخوان...لكننا نتبع السلف..وانت تتبعهم ..وكذا الاخوان
وانا اكاد اجزم بهذا
فاذا اتاك حكم..علمت فيه انه موافق للكتاب والسنة وبفهم الصحابة والتابعين(السلف يعني) لا اظن
ابدا انك ستقول..والله العالم الفلاني قال كذا..لانك يا اخي-كما تعلم - ان الحجية في الاحكام هي للقرون الثلاثة الاولى وفقط
اذا فانت وانا وعامة المسلمين هم سلفيون...بالمعنى الذي كتبته في السطر السابق
نسأل الله ان نعود جميعا الى الكتاب والسنة وبفهم الصحابة والتابعين..حتى نريح انفسنا من الخلافات والشجارات والآراء ..في دين الله
تعرف يا اخي
ما اعجبني في كلامك..هو انني شعرت ان أحد المخلصين أخذ قلما..وظل يكتب كل ما في قلبي فيما يخص الفرقة الشائعة الآن..وكأن بيني وبينه علاقة طويلة
ولكن لا...
إنها الجنود المجندة..التي ما تعارف منها ائتلف وما تناكر منها اختلف...ألا وهي الارواح..وصدق رسول الله-ص-
جمعني الله واياك في جنة رضوانه ومستقر رحمته..إنه ولي ذلك والقادر عليه....وكل المسلمين

مجهول said...

اختي العزيزه شهيده
تحياتي ليكي علي كلامك
ربنا يهدينا جميعا لما يحبه ويرضاه

مجهول said...

بالطبع هذا ما عنيته عزيزي خالد
لم اعن اولويه شئ علي شئ
لكني قصدت ان يكن الملتحي مثالا وقدوه لا يشوه بلحيته الاسلام
ولاكن واضحا
الا نري في حياتنا وعصرنا من تجدهم يغشون ويسرقون بل ويقتلون ويرهبون الامنين ممن اتخذوا الدين ستارا لافعالهم
؟؟؟؟؟
وبالطبع يا صديقي
لم اقصد بكلامي ايضا ان نأخذ بعضا من فروضنا ونترك بعض
لكن ان تكن الدعوه مدرجه بالناس لا يشوبها تشدد بل لين وعقل وتفكير
سعدت جدا بتعليقك
وانا بالطبع لم اقصد حين قلت لست تابعا للاخوان ولا للسلف انني اتبرأ من فكر السلف الصالح
بل اني مع كل فكر مخلص لوجه الله يتناسب مع حياتي وعقلي ولا يجعلني ضالا او مضللا
فالسلف الصالح قدوه والصحابه قدوه ونهجهم قدوه
والمسلمين جميعهم يتمنون ان يكونوا مثلهم لكني كنت اقصد
انني لا اتحيز للدعوه للسلف ولا للاخوان واساسا كمثالين لمن ابتغي منهم هدايه الناس كما اوضحت
بجانب علماء الازهر الكرام وغيرهم
بشرط النيه الخالصه لوجه الله
لا طمعا في حكم ولا سلطه ولا مال
اشكرك عزيزي جدا علي حسن حديثك
وتحياتي لك
والسلام عليكم

Egyptians in the UK said...

عزيزى مجهول اخبارظ ايه؟...ايه يا عم هو انا اروح عند الاميره الاقى محمد و اجى عندك الاقى محمد ...فيه بس مالكم و مال محمد ..هههههه
عموما ربنا يكون فى العون
بس اوعى فى الاخر تغنى و تقول انا اللى جبت ده كله لنفسى...هههههه
عموما تحياتى ياعزيزى و اتنى انك تكون بخير دايما ان شاء الله

كراكيب عادل said...

احنا جاينا نهدي النفوس مين زعلك يا محمود انا مكنتش اعرف لسة جاي من السفر بس لما قريت البوست حسيت انك زعلان محمود هقولك حاجة بسيطة جدااا

هي دي الحياة باختصار لازم تلاقي الشئ ونقيضة انا اهم شئ اجاهد نفسي الامارة بالسؤ وتبدأ بنفسك بعمل الشئ الصالح ودمتم

yasmina said...

مجهول
انت عارف كلماتك رائعة
لا اجد كلام اقوله
غير ان الاسلام دين يسر وليس عسر
وكل ما قلته صحيح فلنيسر انفسنا ولنعمل ما يمليه علينا ديننا وضميرنا دون تعقيدات زائدة ودون ان نتدخل في غيرنا
وقد جاء في القران نص بما معناه لن يغير الله قوما حتى يغيروا ما بانفسهم
لن اطيل الكلام ولكنك عبرت عما في داخلي
فدعو الخلق للخالق
يا مسلمين
ياسمينه

مجهول said...

krakeeb adel
dear
yaaaaaaah
mafeh za3l ya 3m walla 7aga
hahahahaha
inshaallah
elkhena2a el gay ya basha
hahahaha
wallahy lek wa7sha awy
ya reet tkon etwafa2t fe safrk ya rb
rbna yekremak

مجهول said...

dr-mohammed
my dear
ya ostazy matkhafsh mesh 7a2ol ana elly gebto lenafsy
raghm eny kont yestarday ba2olha toool el nehar
hahahaha
ana bkon mabsot dayman to ur comments
sorry for writing eng
but i am not on my pc
thx alot my very dear
we matkhafsh ana 7aseeb mohammed fe 7alo
hahaahah

مجهول said...

yasmina
thx for ur comment
thx alot for ur visit
i will visit u soon isa
rbna yewafa2ek lma yoheboh wa yardah
sorry for writing english
>>>>>
regards

Unknown said...

مجهول

إزيّك يا دكتور
عايزة أقول حاجة لحضرتك
أنا اللي مسحت التعليق
ومش عايزة أكتبه تاني

علشان إفتكرت اللي حصل عند هيباتيا
وإفتكرت كمان التعليقات عند أميرة البلطجية وطريقة الحوار بين الناس
لو فعلاً عايز رأيي ،أنا ممكن أكتبه عندي
علشان يبقى عندي الحرية في الرد على أي أسلوب غير لائق أو تجاوز في الحوار
معنديش إستعداد حد أصغر مني بعشر سنين مثلاً يقول على كلامي جهل
لمجرد إني مش موافقة على كلامه
هيّه دي بقت طريقة الحوار دلوقتي
واللي بيتكلموا كده كتير
وعلى قد ما هما صعبانين عليّا
على قد ما خلاص
براحتهم بقى
لا عايزين يفهموا ولا يسمعوا ولا حد غيرهم ليه الحق في الإختلاف
والموضوع بيوصل لحد التجاوز والإهانات حتى للأكبر منهم في السن
ولو عاتبتهم يقولولك
والله صوت الحق عالي ونحن نتحدث بالحق
وساعتها برضه
كارت الحرية الشخصية هيطلع

بجد يا دكتور
أنا شايفة إن مفيش فايدة

تحياتي ليك

مجهول said...

dear Amira
ok a7tarm ur oponion
bs ana shayef en mafesh 7d kharg 3n el adb hna
bra7tk ya amoora
we elly enty shayfah
thx le ehtemamk ya amira

Unknown said...

ميرسي بجد يا دكتور

وأنا عارفة طبعاً إن مفيش حد تجاوز في الكلام عندك لحد دلوقتي
بس أنا عارفة وحضرتك عارف
لو أي حد قال رأيي مخالف
هتشوف أسلوب الحوار هيكون إزاي
وممكن نجرب
لو عايزني أقول رأيي ها أقوله
ويمكن يعاندوا معايا ويردوا عليّا بموضوعية وإحترام

تحياتي يا فندم

مجهول said...

amira
enta mesh 3ayza da3wa 3lshan t2oly ra2yek
madam da ra2yek etfadaly
i am sure en el 7ay3ardk 7ayrod be e7tram
waiting for ur comment

YHYيــوســف الـمصـرى said...

افادكم الله
بوست هايل جزاك الله خيرا

محمد عبد الغفار said...

فاهم طبعاً

بس ده تعميم يضر اكثر مما ينفع ، فى وقت اختلط فيه الحابل بالنابل

مجهول said...

YhY
شكرا جدا علي زيارتك يا عزيزي
ووفقك الله دوما
وخطوه عزيزه وياريت تكررها وحزورك انشاء قريب

مجهول said...

العزيز جدا محمد
اشكرك لاهتمامك بالرد
ولكن يا عزيزي فقد اوضحت انني لا اختلف مع احد من الدعاه الافاضل ايا كانت اتجهاتهم
بل انني مع كل من يدعو للدين الصحيح مخلصا النيه لله دون طمعا في اي شئ غير رضاه
وتفضلت انت وقلت
انه تعميم يضر ولا ينفع
لكنني لم اعمم في كلامي
لقد اشرت في سياقه الي اؤلئك الذين يتشبهون بإتباعهم للسلف الصالح واتباع النبي وصحابته والتابعين من بعدهم رضوان الله عليهم اجمعين
لكنهم في واقع الامر ابعد كل البعد عن سماحة ذلك الدين
ويهدمون بأيديهم ما يعتقدون انهم يبنوه
اري يا سيدي انني اوضحت
انهم اشد خطرا علي ديننا من اي شئ اخر
فقد افقدوا الدعوه لله سماحتها وعظمتها ومخاطبتها للعقل و الوجدان
والامثله علي ذلك كثيره
...
تحياتي لك يا عزيزي
وما كتبت ذلك الا بدافع حبي لديني وغيرتي عليه ورغبه مني في ان نجتمع ولا نتفرق
وتقبل مودتي

كلبوزة لكن سمباتيك said...

اضم صوتي لصوتك في مسالة الدعوة بالحسنى و عدم التشدد
لان يهدي الله بك رجلا خير من الدنيا و ما فيها او كما قال الرسول صلى الله عليه و سلم
تحياتي

raspoutine said...

بوست رائع يا مجهول
بس مش لازم نلوم الناس انهم موقفوش جنب محمد وسبوه لغاية ما ضاع
يا مجهول الناس كلها محمد
كلنا محمد
كلنا عرضة للضياع زى محمد
نفسى الاقى الحل بفكر وبفكر ومش لاقى الحل اللى بيه ممكن نقف جنب بعض ونبقى واثقين فـــبعض اكتر من كده
الحل ايه ؟

مجهول said...

العزيز جدا ايمن
حمد علي السلامه ياراجل
والله يا ايمن انا وانته وكلنا فعلا ممكن نبقا محمد
طيب مش لازم نلوم علي اللي مفروض انهم يفهمونا الدين بتاعنا
مش لازم نتكلم عن اللي لازم انهم يقفوا جنبنا
احنا ممكن نبقا زي محمد بس برضه ممكن نبقا كويسين جدا
لو كل داعيه اخلص في دعوته لله ولو كل انسان فكر بعقله في حدود المسموح
وكل داعيه بيهدي الناس بطريقه عقلانيه بلا التواء ولا تشدد الدنيا حتتغير ومش حتلاقي نماذج محمد فيها
تحياتي لك يا عزيزي

مجهول said...

العزيزه الكلبوظه والسمباتيك في ان واحد
يا سلام علي البلوج لما ينور وانتي بتزوريني
انا معاكي فعلا في كلامك
وده مش مبتدع لاننا اصلا دينا وسطا
تحياتي لك

Unknown said...

إزيّك يا دكتور

أولاً
عجبني جداً كلامك عن تكفيير الآخر
وإفتكرت حادثة قديمة في غزوة ما لا أذكر إسمها
حادثة بطلها هو الصحابي أسامة بن زيد
عندما قتل مشركاً نطق الشهادة ظناً منه أنه يقولها إتقاءً للسيف
وكيف عنفّه الرسول صلى الله عليه وسلم وسأله : هلا شققت عن قلبه ، حتى تعلم أنه قالها تعوذاً ؟
ماذا تصنع بلا إله إلاّ الله إذا جاءت يوم القيامة ؟
فقال أسامه بن زيد : فتمنيت أني لم أسلم من قبل

كلامك عن حكم إطلاق اللحية
إمبارح كُنت ماسكة كتاب الفقة للمذاهب الأربعة ولأنه جزء خاص بالعبادات ، فمالقيتش كلام مباشر عن وجوب إطلاق اللحية
لكن لقيت حاجة تانية
في شرح أركان الوضوء لقيت جملة بتوصف غسل الوجه وبتقول : لمن لا لحية له يفعل كذا وكذا
و لمن له لحية يفعل كذا وكذا
ده معناه إيه ؟

كمان
مالقيتش حاجة إسمها سنة واجبة
ده مصطلح جديد
فيه فرض وواجب وسنة مؤكدة وسنة غير مؤكدة
مافيش حاجة إسمها سنة واجبة
والسنة على حد علمي هي أفعال قام بها الرسول صلى الله عليه وسلم ولم تنزل بها آيات قرآنية
وعلى حد علمي برضه
فاعلها مُثاب وتاركها غير مُعاقب
والله أعلم

طوّلت عليك يا دكتور
أنا آسفة
لكن كمان عايزة أقولك قد إيه أنا مبسوطة إنك فتحت موضوع زي ده

دكتور
أنا مش مُحجبة
فقط لأني لا أري الحجاب فريضة
وبالطبع
آخذ بجدارة لقب كافرة
أو على الأقل لقب عاصية
ولكني أحترم رأي كل من يراه فريضة إسلامية
أنا غير مُحجبة
لكني أيضاً أري أن المساحيق والعري والإبتذال حرام
و زي ما قلت حضرتك
مش كل واحدة مش مُحجبة تبقى كافرة
لأن في الآخر
الله وحده هو الذي يعلم
والله وحده هو الذي سيحاسبنا جميعاً
وسيحاسبنا أيضاً على كل العقول التي تلاعبنا بها
وعلى كل القسوة التي نتعامل بها مع الآخر

تحياتي يا دكتور

أسوور said...

مجهول
من أجمل وافضل وأحسن واقوى البوستات التى قرأتها عن الدين على وجه الإطلاق
معاك فى كل ما قلت قلبا وقالبا وغلبت اقول الكلام دة
بس تقول ايه فى ناس عقولها تحجرت منذ زمن
حتى تحجيم المرأة لصقوه فى الإسلام مع انه برىء برىء مما يفعلون وبرىء من افتراءاتهم
كتر خيرك بجد وجزاك الله كل خير على كل كلمة كتبتها وحاساها طالعة من قلبك
انت مسلم حقيقى وعارف ربنا بجد وفاهم الدين أكتر من أى حد قابلته فى حياتى
تصفيق حاد .. والله ايدى وجعتنى من التصفيق بس مش قادرة ابطل
بس خلى بالك هيجاموك لحد ما يخلوك تندم على اليوم اللى كتبت فيه البوست
أوعى تندم .. انت صح .. الإسلام محتاج للناس اللى زيك

ذو النون المصري said...

كاننا كنا متفقين علي مناقشة الموضوع قبل ما نكتب فيه
فعلا بقت حكاية المذاهب المتعدده دي حكايه
و مشكلتهم كلهم ان مفيش اي مذهب فيهم له رؤيه واضحه ممكن يقود بها الامه الي طريق النهضه
مفيش منهج لاي مذهب منهم
كلهم بيقولوا منهجنا اسلامي
لكن!!!!!!!!!!!!!!!!!!؟
موضوعك جميل
تحياتي

gohayna said...

الاسلام دين يسر وليس عسر
والرسول قال يسرو علي انفسكم

فعلا لو كل الناس بتفكر كدا كانت مشاكلنا اتحلت من زمان

ثابك الله خير علي مجهودك الكبير وربنا يوفقك
تحياتي

مجهول said...

العزيزه اميره
اشكرك لاهتمامك وعودتك في نشر تعليقك
فالاسلام بسماحته وعظمته اتاح حريه الرأي والحوار الا في نطاق اشياء لا جدال ولا حوار فيها
والا اصبح الدين مرتعا لكل مشكك وحاقد وطالب شهره
فمن بعثة نبينا الهادي ونزول الاسلام عليه بداية بقوله تعالي اقرأ
قد خاطب العقل والفكر الانساني ضاربا بأروع الامثله في عرض الادله و البراهين
علي صحة الدين وقابليته للعقلانيه
..
عن التكفير
يكفي قول رسولنا الكريم
من كفر مسلما فقد كفر
واجمع العلماء والتابعين علي الحديث واضافوا تفسيرا
ان من كفر مسلما في غير محله فقد كفر
...
وقد اوضحت انني ضد فكر التكفير بدون سبب مما جاء به ديننا في ذلك قرءانا وسنه كريمه
فالتكفير كلمه كبيره لا ينطق بها كل من هب ودب
فلا يصح نطقها الا لمن يتحمل عاقبتها ويكن حاملا ما يؤيده من اثبات
ولذا لا يمكن ان تخرج الكلمه الا ممن هو قادر علي تحملها
.....
اما عن اللحيه فرضيتها من كونها سنه مؤكده او مستحبه
والحجاب كونه فرض مع اقتناعي بأراء تأخذ بفرضيته من الاجماع وعلماء الزمن السالف و الحاضر وفتوي شيخ الازهر
الا انني لن اخوض نقاشا فيها كما ذكرت في البوست فلست داعيه او عالم يقدر علي اظهار وجهه نظره
...
احترم جدا فيكي بحثك عن الصواب وتمسكك بالبحث في المواضيع
واري ان غيري قادر علي قطع الشك باليقين في مسألة الحجاب من علماء وشيوخ اعلم مني
......
تحياتي لك ودمتي بخير

مجهول said...

العزيزه ياسمين
اشكرك يا سيدتي علي كلامك واخجلتيني بذلك فعلا وانا لا استحق ذلك
فكل من شارك في هذا الحوار و التعليق يستحق الثناء من الجميع
عزيزتي
ان عظمه هذا الدين تتمثل في عقلانيته واعطائه حريه واسعه للتفكر والتدبر
ذلك مع الرجوع لمرجعياتنا من شيوخ سالفين وحاضرين وعلماء اعلم مننا في امور قد تلتبس علينا
واعتقد انهم جميعا ايا كانت توجهاتهم فوجهتهم واحده وهي الاخلاص لوجهه تعالي في الدعوه ونشر سماحه دينه وحل مشاكل الناس التي التبست عليهم فهمها في دينهم
اشكرك جزيلا علي اهتمامك يا رقيقة

مجهول said...

ذو النون المصري
الصديق العزيز
خطوتك عزيزه جدا عندي
وفعلا كأننا متفقين فمع عرضك لكتاب داعيه ومفكر وعلامه اسمه الغزالي كنت قد كتبت هذا الموضوع
اشكرك علي تعليقك يا عزيزي

مجهول said...

جهينه
بالطبع كما قلتي
الدين يسر لا عسر فيه
والمغالاه و التشدد قد تنفر اكثر من ان تجمع و تقرب
ولو كنت فظا غليظ القلب لانفضوا من حولك
فعلا صدق الله العظيم
تحياتي

مجهول said...

الي كل من شارك في التعليق
الي من افادوني جدا بتعليقاتهم
كل ما اردته من البوست هو محاوله لايضاح وجهه نظر بسيطه
حول سماحه الدين العظيم وعقلانيته وشفافيته
وعن ثقتي في كل علماء امتنا الافاضل دون اي توجه معين لاحد فما يجمعهم جميعا هو تصحيح وتقويم الافكار التي التبست في رؤوسنا
وأيا كانت الطريقه
فالتخفيف والحوار البناء والليونه والعقلانيه هي سمة ليست غريبة عن ديننا الاسلامي
واشكركم جميعا
علي تعليقاتك وحواركم المحترم الذي لمست فيه عقولا رائعه
ربما تختلف
لكنها في النهاية تحترم
راغبة في الوصول الي هدف واحد
حتي لا نفقد الاسلام اسمي معانيه

محض روح said...

لو علقت مش هقول احسن من تعليقك

كلامك صح جدا
واحنا فعلا محتجين نبني حوار
واعي يحترم معتقدات الاخر
ديما المعتقدات بتكون اغلى المقدسات
ولو صلنا لنقطه ديه حجات كتير هتتغير
اولها احترمنا لنفسنى كمسلمين

تحياتي يافندم

محض روح said...

مش عارفه اقولك ايه بس لو قولت مش هقول احسن من تعليقك
انته لخصت جدا
فعلا احنا محتجين نسمع بعض
ونحترم معتقدات بعض
ديما المعتقدات بتكون اغلى المقدسات
ولو وصلنا لنقطه ديه حجات كتير هتتغير واولها احترمنا لنفسنا كمسلمين

تحياتي يافندم

koukawy said...

برافو عليك يا مجهجه انت و اميره
و اللي كتب البوست الأصلي
حقيقي بوست مهم جداااااااا
و الموضوع ده كان عاملي قرف في دماغي و قررت من زمان اني ارميه برمته كده و امشي ورا احاسيسي و قلبي و كلام ربنا و الرسول
و خلاص بلا تشتيت هي مش ناقصه

tota said...

المجهول
ربما تعليقك الاخير يعد انهاء للموضوع وللتعليقات عليه
لكن لن اضيف الكثير من الكلمات الا انى بعدما قرأت توهة محمد فى الحياة لا استطيع ان اصمت
فقد اعطى الله كل واحد منا عقلا وابسط شئ هو اعمال العقل وليس التبعية
فلا يجوز للشخص العاقل ان يكون فقط تابعا دون معرفة لمن يتبع ودون اقتناع وتفهم فتوهة محمد هى توهة كثيرين وكثيرات يتحركون مع التيار
كل مسلم قرأ القرأن وعلم بقدر ما يستطيع تفسيره وعرف سنة نبينا عليه الصلاة والسلام وملك عقل يستطيع ان يوجه نفسه
الدين له عمق وقشور له مظهر وجوهر فمن تمسك بجوهره وعمقه سلم ومن تبع قشوره ومظهره هلك
ولسنا نحن نقوم بدور الاله على الارض نكفر ونصوب فكل الزمناه طائره فى عنقه له عليك حق التوجيه ولا اكثر وينظر الله عز وجل الى قلوب الناس واعمالهم وليس الا اشكالهم
فكم من ملتحى يرتدى الجلباب ويصلى وباقى سلوكه اسوء ما يكون وكم من حليق عادى الملبس يسلك سلوك المسلم القويم
لا اعيب على هذا ولا ذاك فكل كما يرغب لكن اعيب ان غفل عن جوهر الدين وكان همه شكله
اعيب ان كان عقله لا يعمل وترك نفسه على اهواء الناس تقوده
اعيب على كل مسلم يرفع شعارات ولافتات ولا يعرف عن دينه شىء
عسى الله ان يتقبل من كل من صالح عمله حتى وان كان جزء من كل فكل على قدره وان كنا ندعوا ان تكون كل خطواتنا على الطريق القويم باذن الله
تحياتى

ibn nasser - ابن ناصر said...

اه انا كنت قريت البوست ده عند أميره وهو رائع
تحياتي

مجهول said...

الاعزاء محض روح الرقيقةوكوكي المفتقد لها جدا وابن ناصر العزيز جدا
واستاذتي الغاليه اللي افتكرت انها نسيتني وبجد كنت عايز اطمن عليها بأي شكل
.....
لم يكن تعليقي الاخير هو نهايةالتعليقات
ولا اجد ما اضيفه علي كلامكم وكلام الاخرين وتعليق توتا
فما ميزنا به الله عن الانعام كان العقل
وما جاء الاسلام الا محفزا ومصدقا للعقل والمنطق والتفكير
لكم مني التحيه الطيبه
وشكرا علي الاهتمام
....
متبقيش تغيبي كده يا ست توتا لانك بجد صاحبة مكان مميز في هذه المدونه
وده تحذير اول وممكن بعد كده اضربك بالطيران هههههههه

Anonymous said...

عزيزى مخجهول نرجو تشريفك لنا انت و قراءئك الى موقعى الجديد
http://lordjemy.blogspot.com/

محمد الرفاعى

أسوور said...

الدين بيقول استفت قلبك
والسلف تجمدوا .. تحجروا
تسأل اى حد يقولك السلف قالوا
طب ومين قلك انهم كانوا هيقولوا نفس الكلام النهاردة

كل وقت وله آذان
حتى الاذان .. تقديسه فيه شك

الدين ابسط من كل الكلاكيع دى

حب الله ورسوله ابسط من كل دة
معلش اصلى مخنوقة قوى من الناس دى .. الناس اللى وقفت عند الماضى وقالت بس خلاص
تحية لك ولأميرة

مجهول said...

العزيزه ياسمين
اشكرك علي تعليقك الثاني
رغم انني اتفق معك قلبا وقالبا
الا انه اري ان اتباع السلف الصالح ليس عيبا او حراما
ولكن مراعيين بعد الزمان و المكان
فالتجديد لابد منه
مادام يتفق مع صلب الدين و لا يمس ثوابته
تحياتي الطيبه يا عزيزتي
ونورتي المدونه وصاحب المدونه بجد يا ياسمين

وليد said...

السلام عليكم ورحمة الله
كنت أبحث فى جوجل عن مقال لى فوجدت هذا اللينك
أسعد جدا جدا بان اجد أعمالى هنا او هناك سواء أشاروا لى ام لم يشيروا..

المهم كتبت هذا المقال فى منتدى (حارة زعتر ) الذى أتشرف بكونى شريك فيه
والمنتدى كان فريسة صراع بين السلفية والإخوان
شاهد هنا
http://z3tr.loaloaa.com/showthread.php?t=9817
وهنا
http://z3tr.loaloaa.com/showthread.php?t=9661&page=1
وكان الجدال يدور حول الموقف من حزب الله
فكتبت متقمصا شخصية الإنسان العادى
هنابتاريخ 8/8/2006
http://z3tr.loaloaa.com/showthread.php?t=9982
وبعدها نشرتها فى مدونتى
واخترت محمد أسما لانه يمثل الأغلبية
وكان هدفى واضحا
يا اتباع المدرسة السلفية ويا اعضاء جماعة الإخوان
إن صراعاتكم وخلافاتكم تدمى قلوب الشباب الذى لا يعرف الفرق بينكم
محمد لم يكن أمعة لكنه نموذ يمثل الشريحة الأعم والأكبر من الشعب المصرى
الذى يجلس جله الأن يشاهد محمد حسان على قناة الناس ويتأثر به ويتعاطف معه ويعمل بما يقول ثم يغير المحطة على مسلسل (سارة ) حسب ما يحدث فى بيت امى كنموذج
وهناك من يغير المحطة لما هو أنيل

محمد شاب تاه بين هذا وذاك
وخشيت ان يترك محمد الجمل بما حمل ويتحول لجورج
والله أعلم لماذا حذفت الاستاذة أميرة اسم جورج وكل ما يتعلق به فى المقال
فالأقتباس يلزمها بالتنوية أنها حذفت
ربما ارادت أن تتجنب غضب النصارى

وقد غضب بعضهم فعلا لا ادرى لماذا
http://3alkahwa.blogspot.com/2006/08/blog-post_09.html

لكن على العموم انا سعيد بهذا الفرح ورغم أنه فرحى لكننى لم أكن موجودا

وكل ما يهمنى الأن أن تكون الفكرة وصلت
وان يعرف كل فريق أننا زهقنا منه
والتعليقات هنا شاهدة على ما اقول
فإن يدخل أحدهم ويعلن أن الأسلام عافية
وان اللحية فرض غصب عنا وان الاسلام ليس فيه مظاهرات عافية

حين قرات هذا الكلام تذكرت ما كان يقوله الشيخ محمد حسان والشيخ يعقوب وغيرهم من ان التليفزيون لا خير فيه وان الفضائيات لعنه وان اقتناء التليفزيون شئ غير جيد
ثم ها هم يحتلون قنوات كاملة

بكره الاخ ده يخرج فى مظاهرة لما المشايخ يقلوله

هذا عيب أخر فى التدين
يتبع بلا عقل

وهذا العيب فى الفريقيين



جزاكم الله خيرا جميعا
وليد عبد الله

waled_loaloaa@hotmail.com



ملحوظة : لو زرتوا حارة زعتر
هتشوفوا التجربة واقعية
اعضاء سلفية يريدون خطف المنتدى ويريدون الاشراف تلميحا وتصريحا بدعوى اننا ناقصين الأهلية
وأعضاء اخوان يدافعون عن كونهم مجرد اعضاء وان المنتدى مستقل

وادارة غلب حمارها فى إفاهم الجميع أننا لسنا مع أحد
وأننا محمد الذى لن يكون جورج