Saturday, May 19, 2007

كلام مش لينا

قبل أن يغادر إلتفت لي صديقي وسألني
ممكن توصفلي نفسك؟
وضعني في حيرة
لم أعتاد قبلا علي سؤال من هذا القبيل
ممكن توصفلي نفسك؟
صف نفسك؟
من أنت؟
Give an acount about you.

لهذا لم أتسرع أن أجب وقتها
وغادر صديقي مبتسما مكتفيا بقراءة أفكاري
...
ربما أنه أدرك أن أكثر الأسئلة حيرة
أن تكتب بخطك وصفك..أن تقول وتعرّف نفسك
سؤال صعب
ستجد أغلبنا يتهرب منه
يكتفي بكلمات لا تعبر ولا تجيب عنه
أو ربما نحاول أن نلقي بالسؤال علي من حولنا
إوصفونا..شايفينا إزاي؟
إيه رأيكوا فينا؟

...
نقتنع في حياتنا بإقتناعات مزيفة
تداخلت في حياتنا كثوابت
أن من يتعاملون معنا رأيهم فينا صحيح
فنعتمد علي أرائهم
فنحن كما يقولون
وشخصيتنا تماما كما يروها فهم أدري
...
أو ربما التكنوشباب يعتمد علي مواقع النت
وأسئلة ساذجة عن مواقف تتخيل أن تحدث لك
لتجيب بطريقة تعاملك معها
ومنها ستكن نتيجتك وستعرف شخصيتك
...
السذاجة هي أن تصدق الأخرين لوصفك
ولا تعرف أنت نفسك وصفك

فمن أدري الناس بنفسك غيرك؟
من سيراها كما تراها
من الداخل..من العمق
لا أحد غيرك يدرك أبعاده وجوانبه
يدرك نفسه بخيره وشره
...
مشكلتنا
ليست في حكمنا الخاطيء علي أنفسنا
المشكلة الأكبر
في عدم محاولة وضع وصف محدد عنها
...
أتساءل هل يمكننا ذلك
أن نمسك بورقة وقلم ونكتب وصف لنا
هل سنكن حياديين
ولو بيننا وبين أنفسنا
وقبلها
هل ستأتينا الجرأة لنكسر الحاجز
ونري بوضوح
...
عن ثوابت أخري تحتاج تغيير
ومفاهيم ساذجة إقتنعنا بها وسلمنا لها
ستجد
محمد عبد الغفاريحدثك عن
كلمة غائبة عن بالك ولن تسألها لنفسك أبدا
رغم أن مصائبنا غيابها
...
وسيرد
ذو النون المصري
ليحدثك عن نفسك التي غيبتها
لنتعلم بعد أخر للكلمة والمضمون
...
ونهاية
ستجد
حلم بطيارتها الورق
تحاول أن تجعلك شجرة
نعم .. شجرة
يمكن أن تغير مفهومك
..

في بحر الحياة
ومازلنا نبحر

39 comments:

Esmeralda said...

بص يا سيدى
مينفعش حد يوصف نفسه و لا حد يوصف حد

احنا تركيبنا معقد

افعال و مشاعر و ردود افعال متقدرش تقيسها بالكيلو

حتى لو حد حاول حتلاقى اختلاف فى الوصف

على سبيل المثال ممكن حد يشوف التسامح ضعف و تسليم و ممكن حد يشوفه قدرة على الغفران

الوصف المعنوى صعب جدا

عصفور المدينة said...

عارف؟ هي المشكلة في المعايير التي ينبغي أن توصف نفسك من خلالها
يعني لو نجحنا فعلا نحط مجموعة الأسئلة المرجعية التي تصف نفسك من خلالها وبصراحة بدون دعاية ولا إعلانات ولاحد يقراها غيري
فعلا ستنجح في وصف نفسك
زي ما بيعملوا الجماعة بتوع التاجات ولكن بمعايير حقيقية
يعني باختصار لو نجحنا ان نضع الموضوع على هيئة مواصفات زي الكمبيوتر كدة وكل مواصفة يبقى ليها وزن تعرف توزن نفسك

المشكلة إن في هذه المواقف الإنسان بيتحاذق في الإجابة ويتعمد يجاوب اسئلة موجهة للمستمع مش لنفسه

عشان كدة باقول الإجابة لنفسك وإجابتي طبعا لنفسي
بس لما يكون المعيار صح

Nada said...

أنا معك تماما...ونفس السؤال أطرحه على نفسي هذه الايام فلا اجد دائما اجابة
ربما لاني لن اعرف وصف عيوبي اولا يااما ساختزلها او ساعظمها
أما الاخرون فاقتنعت اني لن اجد اجابة مشبعة عندهم

حلم قالت المفيد...لكني ارى ان الشجرة تغرس و هي شجيرة و ترعى ...بمعنى ان تعرف نفسك في وقت مبكر يستلزم ان يكون الاساس التربوي له منهج معين لا يقصي الفرد باعتباره طفلا او مراهقا

بوست جميل

تحياتي

حــلم said...

رغم انك لم تعلق على هذا البوست..إلا انك اتيت به هنا
شكراً لك
الحقيقة أنى أحب هذا البوست كثيراً
لأنه الحل .. هو الفكرة التى وجدتها لتمنحنى بعض الثبات فى مواجهة الزوابع
ورغم غرابة الفكرة فأنا مؤمنة بها تماماً

يكون من الجميل أن نتوقف أحياناً لمحاولة فهم انفسنا ..أو وصفها على أقل تقدير
ويبقى السؤال .. هل فهمتها أيها المجهول؟

بوست هادىء وجميل
تحياتى

bocycat said...

كلامك كويس فى وصف شخصيتنا بس على فكرة فى ناس عارفة هى ايه كويس بس بتقاوح اما حد يقولها على عيب فيها او طبع معين يعنى من عشرتى لحد معين اقدر اوصفه كويس ,وانا لو صادقة مع نفسى حقدر اقول انا ايه وشخصيتى ايه حتى لو فيها عيوب يعنى انا مثلا صريحة جدا لدرجة ان ممكن حد يزعل منى لو قلت حاجة مش على هواه ورومانسية وحساسة بس ده ممكن محدش يعرفه عنى عشان مثلا مش ببكى قصاد حد فيوصفونى ان مشاعرى جامدة وهكذا .. بس حلو الموضوع ده وجديد ..

Rosa said...

اول مره ادخل مدونتك بس بجد ماقدرتش اسيبها غير لما اقرا كل البوستات
والنتيجه بجد
لا تعليـــــــــق مناسب
كل بوست افكاره وطريقة عرضه احلى من الي قبله
بصراحه مبهورة
آخر بوست مش عارفه لكن بلاقي ان اصعب حاجه انك توصف نفسك ,يمكن المفرود تكون اكتر حد عارف نفسك ,بس صدقني اعتبرها مهمه صعبه جدا مهما حاولت الصدق مع نفسك
,نتيجة حاجات كتيريمكن تكون انسان معندكش ثقة في نفسك فاتأثر على حكمك لنفسك
يمكن تكون انسان مغرور فابرده متعرفش نفسك
اعتقد ان دي اصعب مهمه ممكن حد يحاول يتعرف بيها على نفسه
تحياتي
:)

Gid-Do - جدو said...

صديقى المجهول

شوف ياسيدى الباشا علشان نمسك ورقة وقلم ونوصف انفسنا حيكون من الصعب لاننا بالنسبة لانفسنا احنا عاملين زى فاقد البصر اللى عمرة مشاف نفسة فى مراية لكن عارف ان وجهه مركب من مسميات ـ جبهة وانف وفم اى اخره لكن الوجة اللى مكون من هذة المسميات ومتميز عن باقى الناس شئ غير معلوم بالنسبة له شئ ملموس لكن غير معلوم
***
احسن وسيلة لمعرفة انفسنا ـ من وجهة نظرى ـ هى انفعالاتنا تجاة مواقف وافكار معينة لاننى اعتقد ان هذة الانفعالات واخدة دائما موقف ثابت جوانا لانها منسوجة مع تركيبنا اللى فية ثوابتنا من دين وتربية وكل الاشياء اللى بنتعلمها وفى الاخر بننفرد بيها
***
وبناء علية نضرب امثلة
رد فعل كل واحد منا تجاة الرشوة ـ الرذيلة ـ الحب ـ الوطن ـ الدين ـ المال ـ التعليم .....والباب مفتوح لاى اضافة
***
كل واحد فينا عندة اجابة او انفعال ثابت وصادق تماما مع النفس تجاة هذة الاشياء وبناء علية يقدر يعرف نفسة

رينـــــــــــا said...

بوست جاااااامد جدا
احييك عليه

فعلا اصعب حاجة فى الدنيا
انك تقول انت مين
لانك انت نفسك مبتبقاش عارف انت مين واازاى
دا من وجهه نظرى

كبير المتشردين said...

أعرف تماما مواصفات نفسي فأنا اعرفني أكثر من أي شخص أخر ولكني أعترف انه ليس لدي القدرة أن اصف نفسي للأخرين السؤال بالنسبة لي مقرر فكثير ما أقف مع نفسي لكي أحاسبها علي أخطائها وأفعالها الساذجة البسيطة التي قد تجتمع لتشكل عيبا كبيرا أم المشكلة من وجهتي نظري هي ليست الوصف الدقيق أو توصيف الأمور كما هي المشكلة أبسط من ذلك وهي كيف يقاس أو يقيم هذا التوصيف فهو بعيد كل البعد عن لغة الأرقام التي تستهويني

MiraMar said...

حضرت كورس تنميه بشريه كانت من اهم الاسئله
اكتب مميزاتك وعيوبك؟ اوصف نفسك
جيبت ورقه وقلم
وسطرت
المميزات وادامها العيوب
كانت اصعب اسئله
الاجابه كانت اصعب لاني عمري مافكرت
فيها
كتبت اي كلام
المحاضر قال كلمه ساعتها
كارثه لو معرفتش نفسك
كان عنده حق
لو لم نعرف أنفسنا فمن نعرف اذن
اتمنى انك تزور مدونتي المتواضعه

koukawy said...

و اشمعنا انا مقولتش هعيط برضو انا كل مدخل حته ما لاقيش كوكو الكميل منور كده بعيط
هههههههه
انا من رأي ان اللي بره الصوره بيشوف احسن طبعا فالناس توصفني احسن

أميرة البلطجية said...

لأه عارفة..بس للاسف مش متسامحة مع نفسي
اظني كده ابقي لسه مش عارفة كويس
احييك ع البوست دي يا دكتور

None said...

Give an acount about you

فعلا اصعب سؤال ممكن يتسأل .. وصعب انك تجاوب عليه بأجابه ثابته

يعني الانسان ساعات بيبقي شايف نفسه ملاك وساعات بيكون شايف نفسه شيطان..سعات بيبقي ضحيه وساعت بيبقي جلاد ..المشكله بقي لما تقف مع نفسك وتحاول تدور علي نفسك في اجابه من كام كلمه المفروض انك ترد بيها

حاسه بردو انك حتي و سألت حد يعرفك حتي لو كان اقرب الناس ليك ..صعب اوي انه يجاوبك اجابه دقيقه..كل انسان له اكتر من حقيقه حقيقه قدام الناس وحقيقه قدام نفسه ..وساعات كمان بيكدب علي نفسه في اظهار الحقيقه المجردة

تحياتي

Night Whisper said...

المشكلة ان فى ناس بتقضى عمرها كله مش عارفة هى مين مش عارفة هى عايزة ايه

مش عارفة اى حاجة وكل حاجة تايها فى بحر الحياة فعلا

ودا بينطبق على اغلبية الشباب

يبقى ازاى هيوصف نفسه
لو هيوصف شكله
هيكولك انا الشاب الكول الى .. اللى .. اللى
وتلاقى ربع كلام امريكانى
لو هيوصف نفسه من جوا
هتلاقيه سكت
لان من جواه فاضى

مفيش مشاعر سلبية او ايجابية حتى

مفيش افكار
مفيش هدف
وبالتالى مش هيلاقى التعبير السليم اللى يوصف بيه نفسه

خلص الكلام .. لاء لسة مخلصش بس دا كان مجرد رأى

مدونتك حلوة قوى بهنيك عليها
ويسعدنى لما ارجع للتدوين وارجع للعالم الاكترونى انها تكون من اولى محطاتى

tota said...

مجهول
مش صعب ابدا وصف النفس يمكن اول مرة بيكون صعب لكن بمجرد ما تتعود انك تتكلم عن اشياء صعب وصفها بكلمات هتتعلم تتكلم عن كل حاجة
بعد السؤال ده هتفكر كويس وهتلاقى اجابة تقولها ولما هتتسأل نفس السؤال تانى كل اللى هتعمله انك هتستدعى نفس الاجابة السابقة مع تعديل ما ترغبه
ببساطة الفكرة تمرين على الشىء وبعدها يتحول الى شىء عادى
جرب مرة توصف المياه او توصف السما او توصف مشاعر من نوع خاص جدا او حتى تفسر كلمة متعود تسمعها وتحولها من كلمة لمجموعة جمل
أسأل نفسك يعنى اى كلمة حب ومشاعر وهى ايه دى
كون قاموسك اللغوى الخاص جدا اللى من خلاله هتلاقى رد على اسئلة كتير محدش بيفكر فيها من كتر ما هى بديهية جدا
اشكرك على سؤالك عنى ربما كان حافز ليه ارجع اعلق تانى بس مش بنفس المواظبة السابقة

REEMOO said...

انا دايما مؤمنه ان أكتر واحد عارف نفسك هى نفسك
محدش يقدر يفهمك زى نفسك
وحتى لو كان قريب منك فاللى هيفهمك ويعرفه عنك لن يصل ابدا لنسبه 100% لازم يكون فى جزء مجهول بالنسباله
وبتالى مهما اللى معاك وصفك
فلازم يكون وصف ناقص غير حقيقى مئه بالمئه
البوست عجبنى جدا
وخاصه جزء التنقل بين مدونتك ومدونه الآخرين
تحياتى واحترامى

An Egyptian in the UK said...

عزيزى مجهول
اولا مبروك على الشكل الجديد للمدونه

ثانيا ...انا و نفسى نعرف بعضنا بعضا ...احيانا نتفاهم و احيانا اخرى يستحيل علينا التفاهم... نعرف انا و هى ما بداخلنا و لكن يصعب على احد غيرنا معرفته و استيعابه.

مع خالص تحياتى

صابر وراضى said...

انا بحييك على البوست ده والبلوج كله فعلا جميل

صاحب البوابــة said...

لا احد سيستطيع يوماً ما ان يصف نفسه

اترك ذلك للأيام

وللسنين

تحياتي

.:.-=- ELGaZaLy-=-.:. said...

محدش فى العالم كلة ممكن يقدر يعرفك

غيرك انت

حــلم said...

مررت للسؤال والاستفسار عن الغياب
خير ان شاء الله يا دكتور

Gid-Do - جدو said...

الصديق مجهول

قراءت تعليقك فى احدى المدونات وقلت فية انك كنت غايب لظرف ـ بكل اسف انا كنت بمر هنا وفاكر انك مجرد مشغول

الف حمد الله على السلامة وسامحنى اذا كنت قصرت فى السؤال عنك ـ تحياتى

bastokka طهقانة said...

جميل قوي
بس انت فين مختفي؟
اوروفوار

koukawy said...

حمدلله علي السامه
عايزين نشوف البوستات ترخ بقي

None said...

انت فين؟؟؟؟؟؟؟
ليه الغيبه طولت كدا

koukawy said...

يعني قولت انك مش هتختفي و اديك اختفيت تاني

الوردة السوداء said...

مش عارفة اقولك ايه
بس انا عامة اتعرضت للسؤال ده قبل كدة

ووصفت نفسى شكلا وموضوعا
بمتنى الجراه والحيادية

ولما حد بيقتحمنى ويقول رايه عنى
بسمعه
وبستفيد
وسعات مش باخد بيه

دى عامة فروق فردية
اعتقد ذلك

هــيـبـاتـيـا said...

لاسباب تقنية تغير عنوان المدونة
من الغد تواصل هيباتيا الكتابة في موضوع : الله .. النص ... البشر
http://hypatia-theu.blogspot.com

fanan fa2eer said...

ياباب يامقفول امتي الدخول
صبرت كتيييير واللي يصبر ينول
دقيت سنين والرد يرجعلي....مييين؟
لو كنت عارف مين أنا....كنت أقول

لا أحد يستطيع وصف نفسه لأننا لن نكون بالصراحة والحيادية والجرأة الكافية لذلك
الي جانب اننا ممكن مانعرفش نوصل لحقيقة أنفسنا

koukawy said...

ايه يا مجهجه اظهر و بان عليك الأمان

eldoctor said...

اين انت ؟؟؟
اخر مشاركة من شهر ... انت رحت فين.؟؟؟؟
لعل الغياب خير باذن الله

بعدك على بالى said...

تبدأ رحلة الحياة وربما تنتهى و ربما لن نتمكن من فهم أنفسنا...

تحياتى

bocycat said...

انت فين بقالك كتير مش بتكتب حاجة .... خير ؟؟؟؟

.:.-=- ELGaZaLy-=-.:. said...

السلام عليكم فينك يا ابنى؟؟؟


مختفى لية كدة لعلك بخير ان شا الله

المٌهَــــاجِر المَصْـــــــرى said...

السؤال ده من اصعب الاسئله
وهنا لما بنعمل انترفيوا علشان شغل جديد دايما السؤال الاول بيكون..كلمنى عن نفسك...او ايه هى اكثر 3 كلمات توصف بها نفسك
وانا فى راى انه ده من اصعب الاسئله..لان الانسان العادى مش بيفكر فى نفسه اوى قد ما بيفكر فى رد فعل الغير
وراى ان شكسبير نفسه هيجد صعوبه فى وصف النفس

محض روح said...

تعرف يامجهول
كتير بيجي عليا وقت بحب اشوف نفسي في عيون الي حوليا ايه
بدور على نفسي في عنيهم
احيانا بحس اني شخصيه ماتستحقش اي تقدير من اي حد
واحيانا تانيه بحس العكس


ديما عندي شك في نفسي
والمشكله اني عمري معرفت اوصف نفسي
يمكن علشان ديما بدرو عند غيري

حلو البوست
ايه الغيبه ديه التاريخ بيقول شهر
يارب تكون بخير
تحياتي يافندم

مجهول said...

الي كل الاصدقاء الأعزاء
عائد بإذن الله تعالي بعد ايام
التمس منكم عذرا واعذارا لتقصيري في التعليق لديكم
تحياتي لكم دوما ودمتم بخير

حائر في دنيا الله said...

حاولت ففشلت
ولكن دوماً أحاول التوقف لأفهم نفسي قليلاً
وفي كل مرة
أفشل

arab girlscool said...

This is such a nice addition thanks!!!
شات صوتي شات صوتي
عرب كول
شات صوتي مغربي
دردشه صوتيه
انحراف كام
منتديات منتديات عرب كول