Thursday, March 29, 2007

تاج .. وأنا صغير

إستجابة لتدبيسة صديقي
مبرمج حر

أدي التاج
والتاج علينا حق برضه
........
هل كنت طالب شاطر فى المدرسة ؟
نعم كنت
إيه أكتر مادة حبيتها في المدرسة والكلية؟
مرتبطة معايا بالمرحلة
عموما أنا حبيت في إبتدائي حصة الألعاب
وإعدادي حبيت برضه التاريخ والجغرافيا
ثانوي حبيت الأدب والتاريخ رغم إني كنت علمي
وحبيت الفيزيا جدا بس منغير أرقام نظريات بس
في الكلية عشقت الفسيولوجي علم وظائف الأعضاء
والباثولوجي علم الأمراض
وعليه حبيت الباطنة جدا
بيني وبينكم أنا كداب مفيش حاجة في الطب تتحب
إيه أكتر مادة كرهتها في المدرسة والكلية؟
أخوكم فاشل رياضيات من أيام ماكان إسمها حساب
رغم كان عندي أمل
أصلهم بيقولوا إينشتين كان فاشل في الجبر

كرهت جدا في الكلية الكيمياء الحيوية
والله يرحمه اللي كرهني في طب وجراحة العيون
وقعد معايا في إمتحان شفوي ساعة وتلت
حبقا أحكيها في يوم في ذكرياتي الأليمة

كنت عايز تطلع إيه وأنته صغنن؟
لعيب كورة وبعدين كان نفسي أبقا مدرس
علشان أضرب الطلبة وبعدين مهندس
وبعدين نفسي أطلع كاتب بس مطلعتش شغلانة
وفي الأخر بقيت طبيب
اللهم لا أسألك رد القضاء
لكني أسألك اللطف فيه
............
نفسي أهدي التاج لكل الناس اللي بتابعها
نفسي أهديه
لتوتا
بس مش حتجاوب طبعا
وكمان
محض روح وطيارة ورق وحنين

24 comments:

koukawy said...

ده انت تؤمر و احنا يعني عندنا كام مجهجه في الدنيا بكره انشالله تلاقيه

Anonymous said...

بكرة تندم على الايام الحلوة اللي مش عاجباك يابني
وتيجي تقعد جنبا

الشاي يا عديللللللة

أميرة البلطجية said...

بقي سيادتك دكتور...الدكاترة كتروا اوي ف المملكة
مااااشى يا عمممم
ومن عونيا يا دكتور نعمل التاج حالان
:)
بس كنت بتكره الماث؟ اخص عليك مكنش العشم

شهيدة said...

على فكرة في حاجات مشتركة بينا

يعني انا بحب الفيسيواوجي رغم اني ما درستش ليها كويس وعلامتي ما كانتش مشرفة فيها جدا

بس لسة بحبها رغم كل شيء
ههههه

ومش أصحاب أناو الرياضيات يعني ممكن أفهم القاعدة وبعدين أنساها

يللا استنى اجاباتي أنا كمان قريبا ان شاء الله

حنيــــــن said...

شكرا على التدبيسه الحلوه دى

ماكنتش اعرف انك دكتور
ولو انها حاجه مش بتبان دايما من كتاباتنا ما لم نفصح عنها

حاضر ها رد عليه قريب باذن الله
وشكراااااا
:))

... said...

عزيزى المجهول
شكرا انك افتكرتنى

بس انا جاوبت على التاج دة

هنــــــا

والحمد لله

اجاباتك حلوة جداً
يعنى بتقول.. بتحكى.. المجهول دة اتكون ازاى
:)

تحياتى

Unknown said...

ماقريتوش
ومعجبنيش

الوردة السوداء said...

هههههه

انا برده بكره الرياضة

وسبحن الله
دراستى كللللها
رياضة


هو اللىب يخاف من العفريت دايما يطلعله

Egyptians in the UK said...

عزيزى مجهول اخبارك ايه ...انا اسف على التاخير...و اشكرك جدا على تعليقك لمواضيع المدونه ...ثالثا عايز اقول لك حاجه...بذمتك مش لو كنت طلعت لاعب كوره كان احسن لك من الباطنه...هههههههه...اما بالنسبة لازمنة الحصار و انا فى بحر اللا معقول ...كان ليه ابن عمتى و صديق عزيز عليه الله يرحمه و كان استاذ دكتور فى الباطنه...ورغم فارق السن الكبير اللى كان بينا ...انما هو اول من علمنى ان اكون شجاع فى ابداء فكرى لاى انسان ...و انى ما خافش من اى شئ حتى و لو كان فكرتى هايفه...الله يرحمه ...عموما اقول اقول لك سلام دلوقتى مع خالص تحياتى

gohayna said...

الله يسامحك قلبت عليا المواجع
انا كنت بترعب من حاجه اسمها رياضيات والله يمسيه بكل خير المستر بتاعي كان السبب الرئيسي في عقدتي
علشان كدا دخلت علمي وللاسف دخلت طب اسنان
وانا لله وانا اليه راجعون
صدقني محدش عاجبه حاله ابدا
البلوج بتاعك جامد موت واكيد هزرورك علي طول
ربنا يوفقك
تحياتي

حائر في دنيا الله said...

بقا الأخ دكتور
مممممممم من الناس اللي بتمص دم الغلابة
متعلمش فيها غلبان ومناش زيهم
هاجي أكشف ببلاش يعني هاجي أكشف ببلاش

سلام يا أحلي دك في الدنيا

tota said...

مجهول
اولا طبعا اشكرك على الاهداء الجميل ورغم انك عارف انى مش هينفع اجاوب لكن هساعدك اكتر انك قريب جدا من حالتى
يا اهلا بالاسرار تعرف انى لفترة طويلة الصورة عن الاطباء كانت مدمرة من وجهة نظرى
فكرهم علمى بحت من النادر انك تلاقى اى حاجة تانية فى المخ غير الطب
مش هقولك انى كنت الاضافة بحب الهيستولجى عمرى ما حبيت زيك الرياضيات ومازال عندى مشكلة مع اى رقم وكأن الجزء ده فى الذاكرة فيه عيب خلقى حتى رقم تليفون البيت مش عارفة احفظه معتمدة اعتماد كلى على التكنولوجيا لتغطية عيب ضعف الارقام بالطبع كل ما يتعلق بيها من مواد وهم كثر
تعرف كنت عايزة اطلع ايه وانا صغيرة اغرب حاجة ممكن تسمعها من بنت كنت عايزة اطلع ضابط شرطة وكنت بقول علشان اقبض على المجرمين دلوقتى سبة انك تفكر كده علشان هيبقى الرد علشان اعذب المواطنين
شكرا على شوية صراحة صغنينين
تحياتى

محمد عـنـانـى said...

اجاباتك حلو اوى يا دكتور بس مبرمج حر عامل تاج صغير
عايزين اكتر من كدى
اعزك الله

koukawy said...

كل سنه و سعادتك طيب يا مجهجه

Anonymous said...

loool

عجبتني اجاباتك

و عجبني تعليق حائر في دنيا الله

هههههههههه

كل سنة و انت طيب

بعدك على بالى said...

جميل التاج جدا خلانا ندخل جواك وتحكى عن ذكريات جميله....


تاجك على الراس وربك يعدلها قريب...

يالمناسبة انا زى حائر صديقى حاكشف ببلاش برضه،،، ابونيه


تحياتى يادكتور

محض روح said...

كنت بتحب الفزياء وتكره
الرياضه
ليه بس كده
على العموم
انا هجاوب على التاج يافندم بس
اخلص من التاج الى عندي الاول
وكمان علشان اعيد الذكريات وافتكر
:)
تحياتي يافندم

أسوور said...

انت طلعت دكتور
دة أنا حبيبة الدكاترة كلهم
أغلب اصدقائى دكاترة ودايما يقولوا انتى أكيد كنتى دكتورة بس فى حياة أخرى
أهلا يا دكتور
يا ترى ايه تخصصك؟؟؟

كلبوزة لكن سمباتيك said...

نعم كنت
-------
طيب عيك في عيي كده

السقف حيقع

Music Gates said...

اهلا ادبست اشتاتا اشتوت
تاج جامد ياعني واوعي نصيحه لما تخش علي مدونة و تلاقي اسمك متعلقش غير البوست الي بعده هههههههه

Anonymous said...

اولا وقبل اى حاجه وحشتونى كلكم جدا وخصوصا انت يا مجهول اعتذر عن الغياب لكنى كنت فى رحله بحث عن الذات زى ما بيقولوا وكان لازم تبقى بعيد عن اجه خصوصا لو كنت بحبها
انا جيت اقول وحشنى كلامك وحلوه قوى مشاهد متفرقه لانها بتحصل كل يوم ومعانا وناس قريبين منا قوى
يلانتقابل قريب على فكره انا زعلت انى عرفت انك طلعت دكتور انا مش بحب الدكاتره
باى

أحمد said...

I tagged you
هههههههههههههههههههههههههههه

raspoutine said...

هوا يعنى ايه رياضيات
ويعنى ايه جبر
ومين اينشتاين ده بيقف فين يعنى ولا عنده محل
على العموم مش مهم المهم انك بقيت طبيب
الا قولى هوا يعنى ايه طبيب

...........
بشكرك على زيارتك ومتابعتك يا سيد مجهول وربنا يديم المحبة

هوا يعنى ايه محبة؟؟؟؟؟؟؟

koukawy said...

هو مفيش بوستات بعد التاج المدمر و لا ايه؟
يا مجهجه